Stýrihópur Stjórnarráðsins um byggðamál hefur það hlutverk að efla samhæfingu innan stjórnarráðsins í málefnum sem snúa að byggðamálum og trygga virkt samráð við sveitarstjórnarstigið í þeim málaflokki. Hópurinn er skipaður til þriggja ára í senn skv. 2. gr. laga um byggðaáætlun og sóknaráætlanir nr. 69/2015. Samgöngu- og sveitarstjórnarráðherra skipar í hópinn en í honum eru fulltrúar allra ráðuneyta og fulltrúi frá Sambandi íslenskra sveitarfélaga. Fulltrúi ráðherra byggðamála fer með formennsku í stýrihópnum.
Stýrihópurinn vinnur út frá þeirri skilgreiningu að byggðamál eru öll þau viðfangsefni sem hafa áhrif á lífsgæði og samkeppni landshluta, s.s. búsetu, atvinnu og nýsköpun. Þau snúa að eflingu samfélaga, félagsauðs, atvinnulífs, menntunar, menningar, velferðarmála, samgangna og fjarskipta. Samkvæmt þessari skilgreiningu eru byggðamál viðfangsefni allra ráðuneyta með einhverjum hætti og ná til landsins alls.
Stýrihópur Stjórnarráðsins um byggðamál er þannig skipaður:
Frá innviðaráðuneyti
Aðalfulltrúi: Hólmfríður Sveinsdóttir, formaður
Varafulltrúi: Árni Freyr Stefánsson
Frá atvinnuvegaráðuneyti
Aðalfulltrúi: Guðný Hrafnkelsdóttir
Varafulltrúi: Bjarki Pjetursson
Frá dómsmálaráðuneyti
Aðalfulltrúi: Kristrún Friðriksdóttir
Varafulltrúi: Guðmundur Bjarni Ragnarsson
Frá félags- og húsnæðismálaráðuneyti
Aðalfulltrúi: Áshildur Linnet
Varafulltrúi: Eva Margrét Kristinsdóttir
Frá fjármála- og efnahagsráðuneyti
Aðalfulltrúi: Anna Borgþórsdóttir Olsen
Varafulltrúi:
Frá forsætisráðuneyti
Aðalfulltrúi: Guðjón Björn Guðbjartsson
Varafulltrúi: Daníel Svavarsson
Frá heilbrigðisráðuneyti
Aðalfulltrúi: Margrét Erlendsdóttir
Varafulltrúi: Helga Harðardóttir
Frá menningar-, nýsköpunar og háskólaráðuneyti
Aðalfulltrúi: Baldur Þórir Guðmundsson og Óli Halldórsson
Varafulltrúi:
Frá mennta- og barnamálaráðuneyti
Aðalfulltrúi: Þór Hauksson Reykdal
Varafulltrúi:
Frá umhverfis-, orku- og loftslagsráðuneyti
Aðalfulltrúi: Magnús Örn Agnesar Sigurðsson
Varafulltrúi: Dagný Arnardóttir
Frá utanríkisráðuneyti
Aðalfulltrúi: Sigríður Eysteinsdóttir
Varafulltrúi: Bergþór Magnússon
Frá Sambandi íslenskra sveitarfélaga
Aðalfulltrúi: Valgerður Rún Benediktsdóttir
Varafulltrúi:
Verkefnisstjóri stýrihópsins er Heba Guðmundsdóttir, Byggðastofnun. Þá eiga Byggðastofnun og samtök landshlutasamtaka sveitarfélaga áheyrnarfulltrúa á fundum stýrihópsins.
Skipunartími er til 31. júlí 2027.
Meðal verkefna stýrihópsins samkvæmt erindisbréfi er að:
- Vera ríkisstjórn til ráðgjafar í byggðamálum.
- Auka samráð ráðuneyta á sviði byggðamála.
- Vinna að því að samhæfa byggðamál að annarri stefnumótun og áætlanagerð hins opinbera þannig að horft sé til byggðaþróunar með heilstæðum hætti.
- Hafa aðkomu að gerð byggðaáætlunar og fylgjast með framvindu hennar.
- Styðja landshlutasamtök sveitarfélaga við gerð og framkvæmd sóknaráætlana landshluta.
- Vinna með landshlutasamtökum sveitarfélaga að því að sóknaráætlanir verði farvegur fyrir samstarf ríkis og sveitarfélaga um framkvæmd byggðaáætlunar og stuðla að því að fella fleiri viðfangsefni og samninga að sóknaráætlunum.
- Staðfesta sóknaráætlanir landshluta og áhersluverkefni þeirra.
- Vinna árlega greinargerð um framvindu sóknaráætlanasamninga og ráðstöfun fjármuna.
- Vinna drög að viðmiðunarreglum vegna útdeilingar framlags ríkisins til sóknaráætlana og leggja fyrir ráðherra.
- Hafa almennt samráð og samskipti um framkvæmd sóknaráætlunarsamninga og fylgja eftir ákvæðum samninga um skil og upplýsingagjöf.