Hlutverk verkefnastjórnar er að leiða vinnu við heildarendurskoðun á þjónustu við eldra fólk, að stuðla að samvinnu og samhæfingu á milli ráðuneyta, sveitarfélaga og annarra þjónustuaðila, forgangsraða og útfæra tímasett markmið í aðgerðaáætlun til fjögurra ára sem lögð verði fram á Alþingi vorið 2023. Í framhaldi af því skal verkefnastjórnin vinna skipulega að innleiðingu og framkvæmd fyrrgreindrar aðgerðaáætlunar m.a. með tillögum um hvaða breytingar á lögum og reglugerðum þarf að ráðast í til að ná fram þeim markmiðum sem sett eru fram. Verkefnastjórnin skal hafa víðtækt samráð við sveitarfélög, samtök eldri borgara, þjónustuaðila og aðra hagaðila.
Verkefnastjórnin er þannig skipuð:
- Ólafur Þór Gunnarsson formaður án tilnefningar.
- Birna Sigurðardóttir fulltrúi félags- og húsnæðismálaráðuneytisins, án tilnefningar.
- Elsa B. Friðfinnsdóttir fulltrúi heilbrigðisráðuneytisins, án tilnefningar.
- Þórunn H. Sveinbjörnsdóttir fulltrúi heilbrigðisráðuneytisins, án tilnefningar
- Guðmundur Axel Hansen tilnefndur af fjármálaráðuneytinu.
- Marta Guðrún Skúladóttir tilnefnd af fjármálaráðuneytinu.
- Kristinn Jakob Reimarsson tilnefndur af Sambandi íslenskra sveitarfélaga.
- María Ingibjörg Kristjánsdóttir tilnefnd af Landssambandi eldri borgara.
- Magnús J. Magnússon tilnefnd af Landssambandi eldri borgara.