Aðgerðir ríkisstjórnarinnar gegn kynbundnu og kynferðislegu ofbeldi og áreitni

Unnin hefur verið samantekt um aðgerðir ríkisstjórnarinnar gegn kynbundnu og kynferðislegu ofbeldi og áreitni á árunum 2020-2023. Katrín Jakobsdóttir forsætisráðherra kynnti samantektina á fundi ríkisstjórnarinnar í gær.

Í samantektinni er að finna yfirlit yfir aðgerðir, lagafrumvörp, þingsályktanir, sértækar aðgerðir og verkefni sem hafa það að markmiði að vinna gegn kynferðislegu og kynbundnu ofbeldi og áreitni. Samantektin er uppfærsla á sambærilegu yfirliti frá árinu 2021.