Niðurstöður rannsóknar á einelti, áreitni og ofbeldi á íslenskum vinnumarkaði

Samanburðarrannsókn um einelti, áreitni og ofbeldi á íslenskum vinnumarkaði er komin út en rannsókn sama efnis kom út árið 2019. Félagsvísindastofnun Háskóla Íslands vann bæði upphaflegu rannsóknina og samanburðarrannsóknina að beiðni Vinnueftirlitsins og félags- og húsnæðismálaráðuneytisins. 

Niðurstöðurnar og frétt um þær má nálgast á vef Vinnueftirlitsins: Öll á vinnustað þurfa að taka höndum saman um að einelti, áreitni og ofbeldi sé ekki liðið

Starfshópur um áhrif heilbrigðrar vinnustaðamenningar á líðan starfsfólks

Vinnueftirlitið hefur í samráði við félags- og húsnæðismálaráðuneytið skipað starfshóp um áhrif heilbrigðrar vinnustaðamenningar á líðan starfsfólks á vinnustöðum með áherslu á jákvæð og uppbyggileg samskipti. Markmiðið er að vekja vinnustaði landsins, bæði stjórnendur og starfsfólk, til umhugsunar og ábyrgðar um mikilvægi heilbrigðrar vinnustaðamenningar og áhrif hennar á líðan starfsfólks innan vinnustaðanna.

Starfshópurinn er skipaður fulltrúum Alþýðusambands Íslands, BSRB, BHM, embættis Landlæknis, fjármála- og efnahagsráðuneytisins, Kennarasambands Íslands, Sambands íslenskra sveitarfélaga, Samtaka atvinnulífsins og VIRK, endurhæfingarsjóðs ses. og hefur þegar hafið störf.