Sögulegt efni
Fyrsti dómsmálaráðherrann með því heiti var skipaður 1917 og var það Jón Magnússon. Fyrsti ráðherra Íslands var Hannes Hafstein sem skipaður var 1904 og fyrstu málefnaskrifstofur í ráðuneyti hans við stofnun Stjórnarráðsins 1904 höfðu til að mynda sérstaka kennslu- og dómsmáladeild og atvinnu- og samgöngumáladeild. Í ríkisstjórn Jóns Magnússonar var embætti dómsmálaráðherra stofnað og upp úr 1921 var fyrst farið að kalla áðurnefndar skrifstofur annars vegar dóms- og kirkjumálaráðuneyti og hins vegar atvinnu- og samgöngumálaráðuneyti.
Árið 2009 var tekið upp heitið dómsmála- og mannréttindaráðuneyti. Með sameiningu dómsmála- og mannréttindaráðuneytisins og samgöngu og sveitarstjórnarráðuneytisins 1. janúar 2011 varð til innanríkisráðuneyti. Ráðuneytunum var síðan aftur skipt upp 1. maí 2017.
Um dómsmálaráðuneytið