Útgefið efni

(ágúst 2023)

(desember 2022)

(febrúar 2021)

(nóvember 2024)

(október 2023)

(september 2021)

(október 2018)

(ágúst 2022)

(október 2020)

(October 2020)

Þjóðaröryggisráð í samvinnu við forsætisráðuneyti, dómsmálaráðuneyti, menningar- nýsköpunar og háskólaráðuneyti, atvinnuvegaráðuneyti, utanríkisráðuneyti, innviðaráðuneyti, Ríkislögreglustjóra, Fjölmiðlanefnd, Fjarskiptastofu, samstarfsnefnd háskólastigsins og Alþjóðamálastofnun Háskóla Íslands  stóð að ráðstefnunni Þjóðaröryggi: Lýðræði á tímum upplýsingaóreiðu, sem fram fór 18. Júní 2026 í Veröld, húsi Vigdísar.   Á ráðstefnunni var fjallað um stöðu lýðræðis og lýðræðislegt áfallaþol og lýðræðislegar áskoranir til framtíðar. Þorbjörg Sigríður Gunnlaugsdóttir.

Dómsmálaráðherra setti ráðstefnuna. Fundarstjóri var Bergdís Ellertsdóttir sendiherra. Tveir erlendir gestir voru á ráðstefnunni þeir Janis Sarts, forstöðumaður öndvegisseturs NATO í upplýsingamálum (STRATCOM CoE) og Marc-Antoine Brillant, forstöðumaður VIGINUM í Frakklandi. Auk þeirra voru eftirfarandi með erindi á ráðstefnunni þau Hulda Þórisdóttir, prófessor við Stjórnmálafræðideild Háskóla Íslands, Skúli Bragi Geirdal, sviðsstjóri Netvís, Freyja Steingrímsdóttir, framkvæmdastjóri Blaðamannafélags Íslands og   Vilhjálmur Árnason, prófessor emeritus í heimspeki. Þá tóku þátt í pallborðsumræðum þau Jón Gunnar Ólafsson, lektor við Stjórnmálafræðideild Háskóla Íslands, Elfa Ýr Gylfadóttir, framkvæmdastjóri fjölmiðlanefndar, Finnbogi Jónasson,  aðstoðaryfirlögregluþjónn hjá greiningardeild ríkislögreglustjóra, Vilhjálmur Árnason, prófessor emeritus í heimspeki og Freyja Steingrímsdóttir, framkvæmdastjóri Blaðamannafélags Íslands. Umræðustjóri: Ingólfur Bjarni Sigfússon, fréttamaður hjá RÚV. Kristrún Frostadóttir forsætisráðherra og formaður þjóðaröryggisráðs flutti lokaorð og sleit ráðstefnunni.

-

(ljósmyndari Kristinn Ingvarsson)

Þjóðaröryggisráð í samvinnu við Alþjóðamálastofnun Háskóla Íslands stóð fyrir ráðstefnunni Þjóðaröryggi:,, Íslendingar og hafið“ sem fram fór miðvikudaginn 2. apríl 2025 í Norðurljósasal Hörpu. Á ráðstefnu þjóðaröryggisráðs var lögð áhersla á mikilvægi hafsins fyrir þjóðaröryggi Íslands. Fjallað var um þá þjóðaröryggishagsmuni sem tengjast hafsvæðinu umhverfis Ísland hvort sem þeir lúta að umhverfis- og vistkerfisþáttum,

-

Þjóðaröryggisráð í samvinnu við Alþjóðamálastofnun Háskóla Íslands stóð fyrir ráðstefnunni Alþjóðasamskipti og þjóðaröryggi sem fram fór þann 22. mars 2023 í Norðurljósasal Hörpu. Á ráðstefnunni var fjallað um alþjóðasamvinnu og áskoranir samtímans og alþjóðasamstarf og víðtækir öryggishagsmunir Íslands.

• Sjá

á vef Alþjóðamálastofnunar Háskóla Íslands.

Þann 27. febrúar 2020 stóð þjóðaröryggisráð fyrir ráðstefnu um fjölþáttaógnir (e. hybrid threats) í Hátíðarsal Háskóla Íslands. Fjölmargir erlendir og innlendir sérfræðingar tóku þátt. Fjallað var um fjölþáttaógnir í víðum skilningi. Hvað felst í hugtakinu, hvernig getum við aukið varnir gegn fjölþáttaógnum, verndað lýðræðisleg grunngildi og styrkt áfallaþol samfélagsins gagnvart fjölþáttaógnum? Ráðstefnan fór fram á ensku. Þjóðaröryggisráð gekkst fyrir ráðstefnunni í samstarfi við Alþjóðamálastofnun Háskóla Íslands, Verkfræðingafélag Íslands, Blaðamannafélags Íslands, Fjölmiðlanefnd, Kvikmyndamiðstöð, Varðberg, utanríkisráðuneytið, samgöngu- og sveitarstjórnarráðuneytið, dómsmálaráðuneytið, mennta- og menningarmálaráðuneytið, Persónuvernd, Póst og fjarskiptastofnun, Ríkislögreglustjóra og nefnd um samningu heildarlaga um starfsemi stjórnmálaflokka.

Á fundinum var fjallað um tækniþróun og áhrif hennar á grunngildi þess samfélags sem við búum í. Rætt var um hvaða möguleika tæknin býður uppá til að hafa áhrif, hverjir nýta sér tæknina, í hvaða tilgangi og með hvaða árangri og loks hvernig er hægt að bregðast við.

Á fundinum var meðal annars fjallað um falsfréttir, fjölmiðlalæsi, opna lýðræðislega umræðu og samfélagsleg gildi.