Velferðarsjóður barna styrkir sumarstarf barna

Velferðarsjóður barna leitar í sumar eftir samstarfi við skipuleggjendur íþrótta-, leikja-, og tómstundanámskeiða með verkefninu Sumargleði. Markmiðið er að tryggja jafnan aðgang barna að sumarnámskeiðum.

Sjóðurinn er tilbúinn að greiða niður gjöld að stórum hluta á námskeiðum ásamt máltíð í hádegi. Námskeiðshaldarar geta sótt um styrk úr sjóðnum. Þau námskeið sem eiga möguleika á styrkúthlutun eru námskeið sem eru dagnámskeið, innihalda holla máltíð, eru fjölbreytt námskeið með fræðandi ívafi og stjórnað af fullorðnum ábyrgum aðila. Umsóknafrestur er til og með 27. maí nk.

• Nánari upplýsingar er að finna á http://velferdarsjodur.is