Áherslur um uppbyggingu innviða á friðlýstum náttúruverndarsvæðum

Friðlýst náttúruverndarsvæði eru oft á meðal helstu ferðamannastaða landsins og því mikilvægt að tryggja að verndargildi þeirra sé viðhaldið og uppbygging innviða fari ekki gegn markmiðum friðlýsingar. Umhverfis-, orku, og loftslagsráðuneytið leggur til að eftirfarandi áherslum sé fylgt við innviðauppbyggingu á friðlýstum náttúruverndarsvæðum.

Til er stefnumörkun fyrir innviðauppbyggingu á ferðamannastöðum í náttúru landsins í formi þingsályktunar, nr. 27/148, landsáætlun um innviði (stefnumarkandi landsáætlun um uppbyggingu innviða til verndar náttúru og menningarsögulegum minjum).

Áherslur umhverfis-, orku og loftlagsráðuneytisins um hvernig staðið skuli að uppbyggingu innviða á friðlýstum náttúruverndarsvæðum hafa hins vegar ekki verið til.

Friðlýst náttúruverndarsvæði eru oft á meðal helstu ferðamannastaða landsins og því mikilvægt að tryggja að verndargildi þeirra sé viðhaldið og uppbygging innviða fari ekki gegn markmiðum friðlýsingar.

Umsjónarstofnanir friðlýstra náttúruverndarsvæða: Þjóðgarðurinn á Þingvöllum og Náttúruverndarstofnun hafa hvor um sig stefnu sem miðar að því að tryggja að svæðin séu vernduð á forsendum sjálfbærni. Mikilvægt er einnig að fyrir liggi heildstæð og samræmd viðmið um uppbyggingu sem tekur mið af öllum friðlýstum svæðum sem heyra undir málefnasvið ráðuneytisins, ekki einungis um svæðin sjálf, heldur einnig um það hvort standa skuli að uppbyggingu, og ef svo er, hvernig standa skuli að uppbyggingu fjölsóttra áfangastaða ferðamanna innan friðlýstra svæða.

Umhverfis-, orku og loftslagsráðuneytið hefur að beiðni ráðherra dregið fram áherslur sem lagt er til að hafa skuli að leiðarljósi við uppbyggingu innviða á friðlýstum náttúruverndarsvæðum.