Efnisorð
Tegund

Leita eftir efnisorðum

Sýnir 1–50 af 13130
Raða eftir:
23. okt. 2026Félags- og húsnæðismálaráðuneytið

Einfaldara regluverk og markvissara byggingareftirlit – frumvarp birt í samráðsgátt

Frumvarp um breytingar á lögum um mannvirki er nú til umsagnar í samráðsgátt stjórnvalda. Markmiðið er að einfalda regluverk og stjórnsýslu mannvirkjamála, skýra ábyrgð þeirra sem koma að byggingaframkvæmdum og gera byggingareftirlit markvissara til að fækka byggingargöllum og styrkja neytendavernd. Breytingarnar eru liður í aðgerðum stjórnvalda í húsnæðismálum og afar umfangsmikilli vinnu við að einfalda regluverk og greiða fyrir húsnæðisuppbyggingu án þess að slaka á kröfum um gæði og öryggi. „Saman miða öll þessi verkefni að því að einfalda og stytta ferla, allt frá skipulagi til byggingar og eftirlits með mannvirkjum. Þetta er kerfisbreyting sem beðið hefur verið eftir svo árum skiptir.…

21. okt. 2026Heilbrigðisráðuneytið, Félags- og húsnæðismálaráðuneytið

Hjúkrunarheimilið Hlévangur opnað eftir endurbætur

Hjúkrunarheimilið Hlévangur í Reykjanesbæ hefur verið tekið í notkun á ný eftir gagngerar endurbætur. Haldið var upp á opnun heimilisins í gær þar sem gestum og gangandi gafst kostur á að skoða húsnæðið að loknum vel heppnuðum framkvæmdum. Þar eru 24 hjúkrunarrými og fyrstu íbúarnir eru þegar fluttir inn. Húsið er á tveimur hæðum með skjólríkum inngarði. Öll rými eru einbýli með sérbaðherbergi og á báðum hæðum eru bjartar setustofur fyrir íbúana.

20. okt. 2026Félags- og húsnæðismálaráðuneytið

15 milljóna króna styrkur til að efla þátttöku fatlaðs fólks í notendaráðum um land allt

Ragnar Þór Ingólfsson, félags- og húsnæðismálaráðherra, hefur ákveðið að veita Landssamtökunum Þroskahjálp 15 milljóna króna styrk til að efla starfsemi notendaráða fatlaðs fólks um land allt. Notendaráð eru mikilvægur vettvangur fyrir fatlað fólk til að koma sjónarmiðum sínum á framfæri og hafa áhrif á skipulag og framkvæmd þjónustu. Markmiðið með styrkveitingunni er að styrkja þátttöku fatlaðs fólks við ákvarðanatöku um þjónustu sem það varðar og tryggja að notendaráðin verði virkur vettvangur samráðs milli fatlaðs fólks og sveitarfélaga.

19. okt. 2026Félags- og húsnæðismálaráðuneytið

Skipar svæðisráð um strandsvæðisskipulag fyrir Austfirði

Ragnar Þór Ingólfsson, félags- og húsnæðismálaráðherra, hefur skipað svæðisráð um strandsvæðisskipulag fyrir Austfirði. Svæðisráðið starfar á grundvelli laga um skipulag haf- og strandsvæða nr. 88/2018 og reglugerða sem settar eru á grundvelli þeirra. Guðjón Bragason er formaður ráðsins og Albertína Friðbjörg Elíasdóttir varafulltrúi formanns. Í ráðinu eiga einnig sæti fulltrúar aðliggjandi sveitarfélaga, innviðaráðuneytisins, atvinnuvegaráðuneytisins, umhverfis-, orku- og loftslagsráðuneytisins og Sambands íslenskra sveitarfélaga.

19. okt. 2026Húsnæðis- og mannvirkjamál, Félags- og húsnæðismálaráðuneytið

Listi yfir leyfishafa til að gera eignaskiptayfirlýsingar

Listi yfir leyfishafa til að gera eignaskiptayfirlýsingar Uppfært 19. október 2026 Leyfið er gefið út til fimm ára og auglýsing um veitingu leyfis og leyfissviptingu er birt í Lögbirtingablaðinu. Samkvæmt lögum um fjöleignarhús mega þeir einir taka að sér að gera eignaskiptayfirlýsingar sem fengið hafa til þess sérstakt leyfi ráðherra

16. okt. 2026Félags- og húsnæðismálaráðuneytið

Fæðingarorlof: Foreldrar sem störfuðu í öðru EES-ríki kunna að eiga rétt á skaðabótum

Félags- og húsnæðismálaráðuneytið og Vinnumálastofnun vekja athygli á dómi Hæstaréttar Íslands í máli nr. 50/2025 frá 23. september sl. þar sem íslenska ríkinu var gert að greiða stefnanda skaðabætur vegna rangrar innleiðingar á reglum EES-samningsins í tengslum við greiðslur úr Fæðingarorlofssjóði. Dómurinn varðaði útreikning á meðaltali heildarlauna í þeim tilfellum þar sem foreldri starfaði í öðru aðildarríki að samningnum um Evrópska efnahagssvæðið. Foreldrar sem uppfylla öll neðangreind skilyrði kunna að eiga rétt á skaðabótum: Fengu greitt úr Fæðingarorlofssjóði á tímabilinu september 2022 til og með júní 2025. Störfuðu skemur en 4 mánuði á innlendum vinnumarkaði á 12 mánaða viðmiðunartímabilinu sem notað er við útreikning á meðaltali heildarlauna.…

15. okt. 2026Félags- og húsnæðismálaráðuneytið

Embætti forstjóra Miðstöðvar um öryggisráðstafanir laust til umsóknar

Félags- og húsnæðismálaráðuneytið auglýsir laust til umsóknar embætti forstjóra Miðstöðvar um öryggisráðstafanir. Miðstöðin tekur formlega til starfa 1. apríl 2027 þegar lög um framkvæmd öryggisráðstafana samkvæmt dómsúrlausn taka jafnframt gildi. Leitað er að öflugum og framsýnum leiðtoga sem hefur sterka hæfni til að leiða fjölbreyttan hóp starfsfólks í gegnum uppbyggingu og þróun nýrrar stofnunar, skapa traust og samstöðu og stuðla að faglegri og skilvirkri framkvæmd öryggisráðstafana.

09. okt. 2026Rit og skýrslur, Félags- og húsnæðismálaráðuneytið, Fatlað fólk, Félags- og fjölskyldumál

Kostnaðar- og ábyrgðarskipting ríkis og sveitarfélaga í þjónustu við fatlað fólk - áfangaskýrsla II

september 2024 / Félags- og húsnæðismálaráðuneytið Kostnaðar- og ábyrgðarskipting ríkis og sveitarfélaga í þjónustu við fatlað fólk - áfangaskýrsla II Kostnaðar- og ábyrgðarskipting ríkis og sveitarfélaga í þjónustu við fatlað fólk - áfangaskýrsla II

09. okt. 2026Útlendingar, Félags- og húsnæðismálaráðuneytið

Þróunarsjóður innflytjendamála

Þróunarsjóður innflytjendamála Tilgangur Þróunarsjóðs innflytjendamála er að efla þróunarverkefni og rannsóknir á sviði málefna innflytjenda með það að markmiði að auðvelda innflytjendum aðlögun að íslensku samfélagi og gera samfélaginu betur kleift að koma til móts við þá. Lögð er áhersla á að verkefni séu í samræmi við og í anda stefnu ríkisstjórnarinnar um aðlögun innflytjenda. Umsóknum má skila inn á íslensku og ensku

08. okt. 2026Félags- og húsnæðismálaráðuneytið

Hyggst breyta lögum til að auka jafnræði í þjónustu og styrkja réttindi fatlaðs fólks með langvarandi stuðningsþarfir

Ragnar Þór Ingólfsson, félags- og húsnæðismálaráðherra, hefur birt í samráðsgátt stjórnvalda frumvarp sem felur í sér breytingar á lögum um þjónustu við fatlað fólk með langvarandi stuðningsþarfir. Frumvarpinu er ætlað að ná fram fjórum meginmarkmiðum: Auka gæði, jafnræði og stöðugleika í þjónustu, styrkja réttindi og sjálfsákvörðunarrétt í húsnæðismálum, efla réttindi fatlaðra barna og fjölskyldna þeirra og bæta stjórnsýslu og tryggja virkt samráð.

07. okt. 2026Fjármála- og efnahagsráðuneytið, Almannatryggingar og lífeyrir, Félags- og húsnæðismálaráðuneytið, Heilbrigðisráðuneytið

Almannatryggingar og lífeyrir

Mynd: Golli Almannatryggingar og lífeyrir Íslenska lífeyristryggingakerfið byggist á þremur meginstoðum sem eru almannatryggingakerfi, lífeyrissjóðakerfi og viðbótarlífeyrissparnaður. Almannatryggingar eru opinbert lífeyriskerfi með skylduaðild allra landsmanna og eru samtrygging, tekjujöfnun og félagslegt öryggi lífeyrisþega meginmarkmið þeirra. Til almannatrygginga teljast lífeyristryggingar, sjúkratryggingar og slysatryggingar

06. okt. 2026Félags- og húsnæðismálaráðuneytið

Styrkir til félagasamtaka – opið fyrir umsóknir

Félags- og húsnæðismálaráðuneytið auglýsir eftir umsóknum íslenskra félagasamtaka um styrki til verkefna og starfsemi sem heyra undir málefnasvið ráðuneytisins, sbr. forsetaúrskurð nr. 5/2025 um skiptingu stjórnarmálefna milli ráðuneyta í Stjórnarráði Íslands. Að þessu sinni verður lögð áhersla á að styrkja verkefni sem stuðla að virkni og þátttöku í samfélaginu.

05. okt. 2026Félags- og húsnæðismálaráðuneytið

Mælti fyrir frumvarpi sem styrkir stöðu leigjenda

Ragnar Þór Ingólfsson, félags- og húsnæðismálaráðherra, mælti í dag fyrir breytingum á húsaleigulögum sem ætlað er að auka húsnæðisöryggi, minnka vægi verðtryggingar og skapa leigjendum aukinn fyrirsjáanleika um þróun húsnæðiskostnaðar. Ráðherra undirstrikaði að með breytingunum sem frumvarpið fæli í sér væri í raun verið að lögfesta trausta og vel útfærða leigubremsu á íslenskum húsnæðismarkaði – sanngjarna og málefnalega bremsu sem stöðvaði sjálfvirkar mánaðarhækkanir og veitti leigjendum það öryggi og fyrirsjáanleika sem þeir ættu rétt á. Bremsan verndaði heimilin fyrir stjórnlausum hækkunum og stöðugu óöryggi og með frumvarpinu væri tekið á brýnum vanda á leigumarkaði af festu og ábyrgð.

02. okt. 2026Félags- og húsnæðismálaráðuneytið

Einföldun, stytting og aukin skilvirkni: Breytingar á skipulagslögum birtar í samráðsgátt

Ragnar Þór Ingólfsson, félags- og húsnæðismálaráðherra, hefur birt í samráðsgátt stjórnvalda frumvarp til laga um breytingu á skipulagslögum. Frumvarpið er hluti af stefnuyfirlýsingu ríkisstjórnarinnar og aðgerðum stjórnvalda í húsnæðimálum. Markmiðið er að aðlaga skipulagslöggjöfina að breyttum tímum, bæta skilvirkni stjórnsýslu og stytta ferla þar sem við á. „Við erum að einfalda málsmeðferð, stytta ferla, auka skilvirkni og nýta stafrænar lausnir í auknum mæli. Breytingarnar eru liður í áframhaldandi þróun skipulagslöggjafarinnar og miða að því að tryggja að hún styðji áfram við markmið um sjálfbæra þróun, vandaða skipulagsgerð og góða stjórnsýslu.…

02. okt. 2026Félags- og húsnæðismálaráðuneytið, Fatlað fólk, NPA, Félags- og fjölskyldumál

Fræðslugátt félags- og húsnæðismálaráðuneytisins

Fræðslugátt félags- og húsnæðismálaráðuneytisins Félags- og húsnæðismálaráðuneytið heldur úti fræðslugátt sem hefur það markmið að bjóða upp á aðgengi að þekkingu og fræðslu á málasviðum ráðuneytisins. NPA-námskeið hjá Learncove: Námskeið fyrir verkstjórnendur, aðstoðarmenn og umsýsluaðila NPA Fræðsluefni um notendaráð

02. okt. 2026Félags- og húsnæðismálaráðuneytið, Félags- og fjölskyldumál, Fatlað fólk

Fatlað fólk

Fatlað fólk Félags- og húsnæðismálaráðuneytið fer með yfirstjórn málefna fatlaðs fólks samkvæmt lögum um þjónustu við fatlað fólk með langvarandi stuðningsþarfir. Ráðherra ber ábyrgð á opinberri stefnumótun í málaflokknum sem skal gerð í samvinnu við Samband íslenskra sveitarfélaga, hagsmunasamtök fatlaðs fólks og aðildarfélög þeirra. Þá skal fatlað fólk eiga aðkomu að stefnumótun í málefnum sem varðar það

02. okt. 2026Félags- og húsnæðismálaráðuneytið, Félags- og fjölskyldumál

Um Velferðarvaktina

Um Velferðarvaktina Velferðarvaktinni er ætlað að fylgjast með félagslegri- og fjárhagslegri stöðu einstaklinga og fjölskyldna í landinu með áherslu á velferð og afkomu efnalítilla barnafjölskyldna, einkum einstæðra foreldra og barna þeirra. Velferðarvaktin afli upplýsinga um aðstæður þeirra sem búa við sárafátækt og skoði með hvaða hætti draga megi úr henni. Velferðarvaktin taki auk þess til skoðunar önnur mál eftir atvikum sem talið er að þarfnist frekari umfjöllunar og mögulega tillögur þar um

02. okt. 2026Félags- og húsnæðismálaráðuneytið

Fyrstu leiðbeiningar um samræmda skráningu í félagsþjónustu komnar út

Félags- og húsnæðismálaráðuneytið hefur gefið út fyrstu leiðbeiningar um samræmda grunnskráningu í félagsþjónustu. Leiðbeiningarnar eru hluti af samstarfi ráðuneytisins og Sambands íslenskra sveitarfélaga um stafræn verkefni og gagnamál í félagsþjónustu. Þær eru ætlaðar þeim sem veita félagsþjónustu, þeim sem sjá um gerð hugbúnaðar og annarra lausna til skráningar hennar – og öðrum þeim sem tengjast lögbundinni félagsþjónustu sveitarfélaganna. Samræmd gögn gefa betri yfirsýn og markmiðið er að tryggja samfellda þjónustu, stuðla að betri nýtingu fjármuna og gera stefnumótun stjórnvalda markvissari. Ætlunin er að tryggja að sambærilegar upplýsingar séu skráðar með sama hætti óháð því hvar á landinu þjónustan er veitt.