Um ráðuneytið

Félags- og húsnæðismálaráðuneytið tók til starfa 15. mars 2025 í samræmi við forsetaúrskurð um skiptingu Stjórnarráðs Íslands í ráðuneyti.

Félags- og húsnæðismálaráðherra fer með yfirstjórn ráðuneytisins og ber ábyrgð á öllum stjórnarframkvæmdum þess. Ráðuneytisstjóri stýrir ráðuneytinu undir yfirstjórn ráðherra.

Skipurit félags- og húsnæðismálaráðuneytisins

Verkefni félags- og húsnæðismálaráðuneytisins varða meðal annars félags- og fjölskyldumál, lífeyristryggingar almannatrygginga, vinnumál, málefni aldraðra og húsnæðis- og skipulagsmál. Verkefnin eru skilgreind í forsetaúrskurði um skiptingu stjórnarmálefna milli ráðuneyta í Stjórnarráði Íslands (15.3.2025).

Málefni félags- og húsnæðismálaráðuneytisins

Þær stofnanir sem heyra undir ráðuneytið eru:

• Gæða og eftirlitsstofnun velferðarmála
  Húsnæðis-, mannvirkja- og skipulagsstofnun
  Ríkissáttasemjari
  Tryggingastofnun
• Umboðsmaður skuldara
• Úrskurðarnefnd velferðarmála
• Vinnueftirlitið
• Vinnumálastofnun
• Sjónstöðin