Gunnar Pálsson afhenti trúnaðarbréf sem sendiherra Íslands í Belgíu

Gunnar Pálsson afhenti konungi Belga, Filippusi I, trúnaðarbréf sitt sem sendiherra Íslands í Belgíu í konungshöllinni í Brussel, 4. október 2018. Við þetta tækifæri lýsti konungur áhuga á auknum samskiptum ríkjanna m.a. á sviði viðskipta, og spurðist fyrir um m.a. norðurslóðamál og afleiðingar loftlagsbreytinga á Íslandi.  Sendiráðið sér um tvíhliða samskipti Íslands og Belgíu, auk annarra verkefna. Í Belgíu búa yfir 300 Íslendingar og veitir sendiráðið þeim þjónustu á ýmsa vegu, m.a. með útgáfu vegabréfa, aðstoð í neyðartilvikum og skipulagningu utankjörfundaatkvæðagreiðslu.