Slysatryggingar

Slysatryggingar almannatrygginga taka til slysa við vinnu, iðnnám, björgunarstörf, hvers konar íþóttaæfingar, íþróttasýningar, íþróttakeppni eða heimilisstörf. Með slysi er átt við skyndilegan, utanaðkomandi atburð sem veldur meiðslum á líkama þess sem tryggður er og gerist án vilja hans.

Bætur slysatrygginga eru sjúkrahjálp, dagpeningar, örorkubætur og dánarbætur.

Sjúkratryggingar Íslands annast framkvæmd slysatrygginga almannatrygginga og greiða bætur vegna slysa.

Útgjöld slysatrygginga  eru borin af tekjum ríkissjóðs af tryggingagjaldi og iðgjöldum.

Úrskurðarnefnd velferðarmála fjallar um ágreining sem rís um grundvöll, skilyrði og upphæð bóta eða greiðslna.