2. Einföldun stjórnsýslu og regluverks í ferðaþjónustu

Markmið aðgerðarinnar er að stuðla að einföldu og skýru starfsumhverfi og skilvirkri stjórnsýslu í ferðaþjónustu. 

Ráðist verður í heildarendurskoðun á stjórnsýslu ferðamála og umsýslu opinberra sjóða með það að markmiði að draga úr tvíverknaði og einfalda og skýra regluverk. Helstu leyfisveitingar og samskipti fyrirtækja við stjórnvöld verða samræmd á einum stað. Eftirlit verður samhæft og skilvirkni aukin. Jafnframt verður lögð áhersla á öflun og miðlun grunngagna til að styrkja stefnumótun og samkeppnishæfni greinarinnar.

Tímarammi: Haust 2026.

Ábyrgðarráðuneyti: Atvinnuvegaráðuneytið.

Samstarfsaðilar: Viðeigandi stofnanir og hagaðilar.

Tenging við viðfangsefni og stefnuáherslur atvinnustefnu: Auðlindir í allra þágu; Einföldum regluverk; Upplifun.

Áætlaður kostnaður: Innan ramma.

Afurð: Úttekt á stjórnsýslu ferðamála og umbætur sem ráðist verður í á grundvelli hennar.