6. Afgreiðsla leyfisveitinga á Ísland.is

Markmið aðgerðarinnar er að einfalda og hraða leyfis- og skipulagsferlum, auka gagnsæi og fyrirsjáanleika og bæta þannig þjónustu við atvinnulífið samhliða hagræðingu í umsýslu hjá hinu opinbera.

Þróuð verður heildstæð gátt á Ísland.is þar sem rafrænar umsóknir, skráningar og gagnaskil fara fram með rauntímayfirliti um stöðu mála. Áhersla verður lögð á notendavænt ferli og samþættingu milli stofnana þannig að dregið verði úr tvíverknaði, töfum og umsýslukostnaði. Þannig verða gæði og skilvirkni opinberrar þjónustu aukin.

Tímarammi: Vor 2027.

Ábyrgðarráðuneyti: Forsætisráðuneytið.

Framkvæmdaaðili: Starfshópur um þjónustugátt, Stafrænt Ísland í samstarfi við fjármála- og efnahagsráðuneytið, atvinnuvegaráðuneytið, umhverfis-, orku- og loftslagsráðuneytið, menningar-, nýsköpunar- og háskólaráðuneytið, ýmsar stofnanir og Samtök atvinnulífsins.

Tenging við viðfangsefni og stefnuáherslur atvinnustefnu: Styrkjum innviði; Einföldum regluverk.

Áætlaður kostnaður: Innan ramma ráðuneyta. Mögulegar fjárfestingar í stafvæðingu hjá stofnunum.

Afurð: Stafræn gátt sem gefur fyrirtækjum möguleika á að sækja um leyfi, senda skráningar og skila gögnum vegna margs konar leyfisskyldrar starfsemi. Stefnt að því að slík umsýsla verði alfarið stafræn vorið 2027.