8. Rekstrarumhverfi gagnavera

Markmið aðgerðarinnar er að tryggja skýrt regluverk um rekstur og skattskil gagnavera.

Aðgerðin felur í sér greiningu og mótun regluverks sem á að stuðla að skýrara rekstrarumhverfi gagnavera hér á landi.

Gagnaveraiðnaður er fremur nýtilkominn og nokkur álitaefni bíða úrlausnar svo sem varðandi skattskil gagnavera og skattalega meðferð starfseminnar. Með skýrari lagaumgjörð verður dregið úr réttaróvissu og fyrirsjáanleiki í rekstrarumhverfi greinarinnar aukinn, sem er sérstaklega mikilvægt í ljósi umfangsmikilla fjárfestinga og alþjóðlegrar starfsemi. Skýr umgjörð mun jafnframt stuðla að bættri samkeppnisstöðu Íslands og auka traust fjárfesta til lengri tíma.

Tímarammi: Haust 2026.

Ábyrgðarráðuneyti: Fjármála- og efnahagsráðuneytið.

Framkvæmdaaðili: Fjármála- og efnahagsráðuneytið í samstarfi við atvinnuvegaráðuneytið.

Tenging við viðfangsefni og stefnuáherslur atvinnustefnu: Einföldum regluverk; Orkusækinn iðnaður.

Áætlaður kostnaður: Innan ramma.

Afurð: Greining og laga- og reglugerðarsetning.