Menning

Sendiráðið styður við íslenska listamenn, hönnuði og aðila skapandi greina með ýmsum hætti, t.d. með miðlun upplýsinga um viðburði á samfélagsmiðlum og vefsíðu sendiráðsins, með skipulagningu menningarviðburða og tengslamyndum við breskar menningarstofnanir og kynningarmiðstöðvar. Sendiráðið hefur ekki yfir eigin sjóðum að ráða til stuðnings menningarviðburðum í Bretlandi en menningarstarf sendiráðsins er fjármagnað af utanríkisráðuneyti og menningar-, nýsköpunar- og háskólaráðuneyti.

Listafólki gefst færi á að sækja um að sýna verk sín hjá sendiráðinu í London. Áhugasamir geta sent inn beiðni með lýsingu á verkum sínum og yfirliti um verk sín til menningar- og viðskiptafulltrúa sendiráðsins, Eyrúnu Hafsteinsdóttur, á netfangið eyrun[hjá]mfa.is.

Gert er ráð fyrir að hver sýning standi yfir í fjóra til sex mánuði í senn og fara þær fram á jarðhæð sendiráðsins. Rýmið býður aðeins upp á list sem hengja má upp á vegg. Íslenskir listamenn hafa forgang en verk annarra verða að hafa ákveðna skírskotun til Íslands eða íslenskrar menningar.

Meðal listamanna sem hafa sýnt verk sín í sendiráðinu undanfarin ár:

Guðrún Sigríður Haraldsdóttir
Sossa
Tolli
Lína Rut
Inga Lísa Middleton
Anna Dóra
Hafdís Bennet
Hendrikka Waage
Jón Sæmundur