Þjónusta við Íslendinga

Aðalræðisskrifstofan aðstoðar íslenska ríkisborgara og fyrirtæki í samskiptum við fyrirtæki og stjórnvöld og dreifir upplýsingum og fróðleik um Ísland ásamt því að taka þátt í kynningum um land og þjóð.

Samkvæmt upplýsingum frá Fólkayfirlitinu eru um 200 Íslendingar búsettir í Færeyjum. Íslendingafélagið Frón í Færeyjum er með um 70 meðlimi. Sjá Facebook: @FelagidFron.

Ferðamenn frá Færeyjum mega taka með sér til Íslands allt að 10 kg af kjöti (skerpikjöti / ræstu kjöti) að fengnu leyfi frá MAST.

Allt um kosningar má finna á kosning.is.

SVAR: Já, íslenskir ríkisborgar geta kosið í Alþingiskosningum utan kjörfundar allt að 8 vikum fyrir kjördag ef þeir eru á kjörskrá.

SVAR: Á aðalræðisskrifstofu Íslands, Ydun, Reyngöta 9, kl. 10-15 virka daga. Kjósandinn ber ábyrgð á sendingu atkvæðisins sem þarf að berast kjörstjórn í síðasta lagi á kjördag.

SVAR: Íslenskur ríkisborgari sem hefur:

a) lögheimili á Íslandi,

2. flutt lögheimili sitt erlendis innan 8 ára talið frá 1. desember næstum fyrir kjördag,

3. fyrir þann tíma, sótt um að vera tekinnn inn á kjörskrá til Þjóðskrá Íslands ([email protected]) fyrir tiltekinn frest fyrir kosningar. Slík skráning gildir í 4 ár. Eyðublað: Íslendingur búsettur erlendis tekinn á kjörskrá.

SVAR:

1. Þessu má fletta upp á vefnum með því að fara inn á skra.is, smella á Kjörskrá og kosningaréttur, síðan Hvar ertu á kjörskrá og slá inn kennitölu. Ef ekkert kemur upp þá ertu ekki á kjörskrá.

2. Einnig er hægt að senda fyrirspurn til Þjóðskrár á [email protected].

Hægt er að sækja um íslenskt vegabréf í aðalræðisskrifstofu Íslands í Þórshöfn.

Vinsamlegast pantið tíma í síma +298 308100 eða með tölvupósti á [email protected]

Ferðamenn til Íslands þurfa almennt að hafa vegabréf, en önnur ferðaskilríki eru heimiluð í vissum tilfellum. Færeyingar og aðrir Norðurlandabúar sem ferðast beint frá Færeyjum til Íslands þurfa ekki vegabréf en þurfa að geta sýnt skilríki með mynd, m.a. að kröfu flug- og skipafélaga. Nánar um ferðaskilríki á vef utanríkisráðuneytisin (á ensku).

Erlendir ferðamenn til Íslands þurfa Schengen-vegabréfsáritun, nema séu þeir undanþegnir (sem á við um flesta Evrópubúa). Aðalræðisskrifstofan tekur ekki á móti umsóknum um áritanir og gefur ekki út áritanir. Ferðamenn frá Færeyjum sem þurfa Schengen-áritun til Íslands þurfa að senda umsókn beint til Útlendingarstofnunar. Áritunin er gefin út við komu til Íslands. Nánari um áritanir á vef Útlendingastofnunar.

Nemendum við íslenskar menntastofnanir, sem staddir eru erlendis, stendur til boða að taka fjarpróf hjá tilteknum sendiskrifstofum Íslands og eftir atvikum kjörræðismönnum. Miðað er við að próftakan sé á virkum dögum á opnunartíma sendiskrifstofu. Þeir próftímar sem standa til boða fara eftir getu sendiskrifstofunnar hverju sinni.

Ferlið

• Ef bókunarvél er ekki til staðar á vef sendiskrifstofunnar þá skal nemandi senda próftökubeiðni í tölvupósti með góðum fyrirvara á almenna netfang sendiskrifstofu.
• Í próftökubeiðninni skal taka fram fullt nafn nemanda, kennitölu, heiti menntastofnunar og námsbrautar, dagsetningu og tímasetningu prófs.
• Nemandi sendir næst inn umsókn um fjarpróf til skólans eftir að hafa fengið svar frá sendiskrifstofunni.
• Skólinn upplýsir sendiskrifstofuna um að heimild sé veitt fyrir próftöku.
• Nemandi staðfestir viku fyrir próf að hann/hún/hán ætli að þreyta prófið.
• Skólinn sendir sendiskrifstofunni prófið a.m.k. einum virkum degi fyrir prófdag.

Nemandi greiðir póstburðargjald/umsýslugjald til sendiskrifstofunnar fyrir hvert próf sem senda þarf til Íslands með pósti. Einnig þarf nemandi að greiða fyrir ljósritun/útprentun prófgagna ef svo ber undir.

Annað

• Tilkynna ber forföll eins fljótt og auðið er til sendiskrifstofunnar.
• Framvísa verður persónuskilríkjum áður en próf hefst.
• Nemendur mega ekki yfirgefa prófstað fyrr en prófið á Íslandi er hafið (nema að um annað hafi verið samið við viðkomandi menntastofnun).
• Sendiskrifstofur eru ekki hannaðar fyrir próftökur. Því er ekki tryggt að þar sé hljótt vegna almennrar starfsemi í húsinu. Mælt er með því að nemendur taki með sér eyrnatappa.
• Sendiskrifstofum er heimilt að hafna beiðnum um próftökur sökum anna tengdum reglubundinni starfsemi eða plássleysis. Í slíkum tilfellum er það alfarið á ábyrgð próftaka að finna annan stað til að þreyta prófið.