06 Hagskýrslugerð og grunnskrár
Starfsemi á þessu málefnasviði er á ábyrgð forsætisráðherra, fjármála- og efnahagsráðherra, dómsmálaráðherra og menningar-, nýsköpunar- og háskólaráðherra. Undir það heyrir einn málaflokkur sem sjá má í eftirfarandi töflu. Þar má jafnframt sjá fjárhagslega þróun málefnasviðsins og einstakra málaflokka á tímabilinu 2024–2026.
- Helstu áherslum, framtíðarsýn og meginmarkmiðum á málefnasviðinu er lýst í fjármálaáætlun.
- Markmið og mælikvarða sem sett hafa verið á málefnasviðinu má sjá á sérstöku mælaborði.
Breytingar á útgjaldaramma eftir tilefnum
Myndin hér á eftir sýnir sundurliðaðar breytingar á útgjaldaramma málefnasviðsins eftir helstu tilefnum sem nánar er greint frá í inngangskafla málefnasviða.
Heildargjöld málefnasviðs 06 Hagskýrslugerð og grunnskrár árið 2026 eru áætluð 3.440,5 m.kr. og lækka um 60,6 m.kr. á föstu verðlagi fjárlaga 2025 eða sem svarar til 1,8%. Þegar tekið er tillit til áhrifa af almennum launa- og verðlagsbreytingum hækka útgjöldin um 80 m.kr. milli ára eða sem svarar til 2,4%.
Myndin endurspeglar þá útfærslu og forgangsröðun sem unnin er út frá stefnumótun málefnasviðsins og þeim útgjaldaramma sem settur var í fjármálaáætlun 2026–2030. Sú niðurstaða getur eftir atvikum vikið frá þeim viðmiðum sem sett voru í fjármálaáætlun. Aðhaldsmarkmið málefnasviðsins felur m.a. í sér sértækar aðhaldsráðstafanir vegna aukinnar hagræðingar í opinberum innkaupum og endurskoðunar jafnlaunavottunar auk almennrar aðhaldskröfu á málefnasviðið.
Hagræn skipting útgjalda
Í eftirfarandi töflu eru útgjöld málefnasviðsins, þróun fjárheimilda og fjármögnun frá árinu 2024 greind í fjóra þætti eftir hagrænni skiptingu eins og nánar er greint frá í inngangskafla málefnasviða. Hagræn skipting útgjalda niður á málaflokka birtist í fylgiriti með fjárlögum.
06.10 Hagskýrslugerð, grunnskrár og upplýsingamál
Undir málaflokknum eru tvær stofnanir og verkefni. Hagstofa Íslands heyrir undir forsætisráðherra og Þjóðskrá Íslands heyrir undir dómsmálaráðherra. Málefni upplýsingatækni og stafrænnar þjónustu í ríkisrekstri heyra undir fjármála- og efnahagsráðherra og endurnot opinberra upplýsinga heyra undir menningar-, nýsköpunar- og háskólaráðherra.
Í töflunni hér fyrir neðan má sjá helstu verkefni sem áformað er að ráðast í á árinu 2026 og hvaða markmið þau styðja við en markmið og mælikvarðar í hverjum málaflokki eru birt á sérstöku mælaborði. Í framhaldi af töflunni eru dregnar fram helstu breytingar á fjármögnun verkefna frá fjárlögum ársins 2025. Þær fjárhæðir sem þar koma fram endurspegla ekki heildarfjárveitingar til verkefna nema í tilvikum þar sem breyting á milli ára felur í sér heildarfjármögnun verkefnisins.
|
Helstu verkefni 2026 |
Framkvæmdaraðili |
Breyting á fjárveitingu |
|
Markmið 1: Bæta aðgengi og tímanleika hagtalna |
||
|
Endurbætur á þjóðhagsreikningum með áherslu á framleiðsluuppgjör. |
Hagstofa Íslands |
Innan ramma |
|
Frekari þróun á fyrirtækjaskrá með upplýsingum um starfsstöðvar. |
Hagstofa Íslands |
Innan ramma |
|
Innleiðing á samræmdum gagnaarkitektúr og styrking rekstraröryggis tækniinnviða. |
Hagstofa Íslands |
Innan ramma |
|
Nýtt þjóðskrárkerfi (uppfærsla gagnagrunna og innfærsla nýrra skráningarupplýsinga) sem vistað er í skýi. |
Þjóðskrá Íslands |
Innan ramma |
|
Markmið 2: Bæta gæði, framboð og aðgengi að opnum gögnum |
||
|
Afhending fleiri skilríkja, sem framleidd eru af Þjóðskrá, á aðgengilegum stað með rúman opnunartíma. Þjónusta til hagsbóta fyrir fólkið í landinu. |
Þjóðskrá Íslands |
Innan ramma |
|
Skilríki; innleiðing nýrra vegabréfa með öryggiskröfum í samræmi við alþjóðastaðla, ásamt hugbúnaði og tækjum til persónugerðar. |
Þjóðskrá Íslands |
Innan ramma |
|
Uppfærsla á Þjóðskrá og miðlun gagna með skilvirkari hætti m.t.t. persónuverndar, öryggis gagna o.fl. |
Þjóðskrá Íslands |
Innan ramma
|
|
Þróun gagnagáttar fyrir endurnot opinberra upplýsinga. |
Menningar-, nýsköpunar- og háskólaráðuneyti og fjármála- og efnahagsráðuneyti |
Innan ramma |
|
Mótun gagnastefnu Íslands og aðgerðaáætlun sem tekur m.a. á endurnotum opinberra gagna. |
Fjármála- og efnahagsráðuneyti og menningar-, nýsköpunar- og háskólaráðuneyti |
Innan ramma |
|
Mótun og birting tæknilegra viðmiða um högun gagna ríkisins. |
Fjármála- og efnahagsráðuneyti |
Innan ramma |
|
Heildstæð kortlagning gagna og uppbygging á dreifstýrðum gagnainnviðum ríkisins með samræmdu skipulagi. |
Stafrænt Ísland |
Innan ramma |
|
Markmið 3: Auka framboð öruggrar, stafrænnar þjónustu |
||
|
Þróun á rafrænni kjörskrá. |
Þjóðskrá Íslands |
innan ramma |
|
Fýsileikakönnun og greining um tæknisamstæðu um rekstur og þróun grunnskráa ríkisins. |
Fjármála- og efnahagsráðuneyti, dómsmálaráðuneyti |
Innan ramma |
|
Áframhaldandi þróun stafræns meðmælakerfis vegna kosninga. |
Þjóðskrá Íslands |
Innan ramma |
|
Þróun á samræmdu auðkenni, „gerviauðkenni“, fyrir stofnanir eins og heilbrigðisstofnanir og löggæslu vegna einstaklinga sem ekki með eru með íslenska kennitölu. |
Þjóðskrá Íslands |
Innan ramma |
|
Áframhaldandi stafrænt aðgengi að aðgerðum hjá Þjóðskrá og notkun á stafrænu pósthólfi. |
Þjóðskrá Íslands |
Innan ramma |
Heildarfjárheimild til málaflokksins fyrir árið 2026 er áætluð 3.440,5 m.kr. og lækkar um 60,6 m.kr. frá gildandi fjárlögum að frátöldum almennum launa- og verðlagsbreytingum en þær nema 140,6 m.kr.
Engar breytingar eru á hagrænni skiptingu innan málaflokksins.
Helstu breytingar á fjárheimildum málaflokksins eru eftirtaldar:
- Fjárheimildir málaflokksins hækka um 20 m.kr. vegna almenns útgjaldasvigrúms til Hagstofu Íslands.
- Hlutdeild málaflokksins í aðhaldskröfu málefnasviðsins nemur 50,4 m.kr. og er hlutfallslega skipt niður á stofnanir og verkefni málaflokks.
Fjárlög fyrir árið 2026