C.12. Uppsetning og rekstur matvælakjarna

	Aðgerðin er í vinnslu

Fréttir af aðgerðinni

Desember 2025  Áfram var unnið af krafti við undirbúning að opnun Nýtingarmiðstöðvarinnar í gamla sláturhúsinu á Vopnafirði. Meðal annars var unnið að hönnun vinnslurýmis og framkvæmdum við það, ásamt því að afla nauðsynlegra tækja svo sem kælitækja og vinnsluborða. Stefnt er að opnun vinnslurýmis á vormánuðum 2026. Um er að ræða samstarfsverkefni Vopnafjarðarhrepps, Austurbrúar, Brims hf. og umhverfis-, orku- og loftslagsráðuneytisins.

Febrúar 2025  Árið 2024 var hafinn undirbúningur að Nýtingarmiðstöð á Vopnafirði – vottuðu vinnslurými sem hefur það hlutverk að bæta nýtingu og skapa verðmæti úr afurðum af sjó og landi, hliðarafurðum sem annars verða að úrgangi og glatvarma sem annars hverfur ónýttur til sjávar. Verkefnisstjóri var ráðinn til starfa og hóf hann störf í október. Nýtingarmiðstöðin verður í afmörkuðu húsnæði á jarðhæð í fyrrverandi Sláturhúsi Vopnafjarðar og með skrifstofu- og kaffiaðstöðu á 2. hæð í húsnæðinu. Verkefnið er unnið í samstarfi Vopnafjarðarhrepps, Austurbrúar, Brims hf. og URN.

Janúar 2024  Verkefnið snýr að því að koma á fót matvælakjarna á Vopnafirði, þ.e. vottuðu vinnslurými þar sem frumkvöðlar og smáframleiðendur hafa aðgang að aðstöðu til að framleiða og þróa vörur. Með þessu er ætlunin að auka neyslu afurða úr nærsamfélaginu og auðvelda smáframleiðendum að þróa hugmyndir sínar til nýsköpunar og nýtingar hráefnis úr héraði. Verkefnið er hálfnað í árslok 2023 og áætluð verklok eru í mars 2024.

10. febrúar 2023  Samningur um matvælakjarna á Vopnafirði.

Tengiliður    

Guðmundur B. Ingvarsson, umhverfis-, orku- og loftslagsráðuneytinu - [email protected]

Aðgerðin

Markmið: Að nýsköpun og vöruþróun heima í héraði verði styrkt og stutt við matarfrumkvöðla með bættri og útbreiddari aðstöðu.

Stutt lýsing: Komið verði á fót matvælakjörnum (matarsmiðjum/tilraunaeldhúsum) víðar um landið en nú er. Matvælakjarni sé vottað vinnslurými þar sem frumkvöðlar og smá¬framleiðendur hafi aðgang að aðstöðu til að framleiða og þróa vörur. Samhliða verði kom¬ið á fót stöðu matvælafulltrúa sem hafi það hlutverk að sjá um rekstur matvælakjarnans og hafa yfirsýn yfir matvælaframleiðslu á viðkomandi svæði. Hann verði tengiliður á milli frumframleiðenda, annarra matvælaframleiðenda, ferðaþjónustuaðila og veitingamanna á svæðinu. Með aðgerðinni verði neysla afurða úr nærsamfélaginu aukin, vöru¬þróun styrkt og matarfrumkvöðlum og smáframleiðendum verði auðveldað að þróa hugmyndir sínar til nýsköpunar og nýtingar hráefnis úr héraði.

• Ábyrgð: Umhverfis-, orku og loftslagsráðuneytið.
• Framkvæmdaraðili: Landshlutasamtök sveitarfélaga.
• Dæmi um samstarfsaðila: Háskóla-, iðnaðar- og nýsköpunarráðuneyti, matvælaráðuneyti, Matís ohf., Samband íslenskra sveitarfélaga, sveitarfélög og matar- og vörusmiðjur í landinu.
• Tímabil: 2022–2026.
• Tenging við aðrar stefnur/áætlanir: Matarauðlindin Ísland, matvælastefna Íslands til árs¬ins 2030, nýsköpunarstefna, klasastefna, tillögur starfshóps um aðgerðir gegn matarsóun.
• Tenging við heimsmarkmið Sameinuðu þjóðanna: Styður markmið 2, 8, 9 og 12, einkum undirmarkmið 2.4, 8.2, 8.4, 8.9, 9.1, 9.3, 9.4, 12.2 og 12.3.
• Tillaga að fjármögnun: 20 millj. kr. úr byggðaáætlun.