B.10. Nýting menningarminja

	Aðgerðin er í vinnslu

Fréttir af aðgerðinni

Desember 2025  Vinnu við fornleifaskráningu á Langanesi var framhaldið árið 2025. Sú kortlagning menningarminja tengist hugmyndum frá heimamönnum þess efnis að vernd svæðis á norðanverðu Langanesi verði aukin og formgerð með einhverjum hætti. Áætluð verklok eru á árinu 2026. Skráningu er lokið á stórum hluta Langaness, norðan Heiðarfjalls, en eftir er að ganga frá síðustu jörðum og skýrslum vegna þeirra. Afrakstur má nú þegar sjá á Minjavefsjá.

Febrúar 2025  Árið 2023 var verkefninu breytt og kortlagning menningarminja varð meginviðfangsefnið. Hófst þá vinna við ítarlega fornleifaskráningu á Langanesi, sem tengist hugmyndum frá heimamönnum um friðlýsingu svæðis á norðanverðu Langanesi. Áætluð verklok eru á árinu 2025.

Janúar 2024  Árið 2022 hófst vinna við hönnun smáforrits til miðlunar menningar- og búsetulandslagi á Hofstöðum í Mývatnssveit. Niðurstaða greiningarvinnu var að halda ekki áfram með þá vinnu.

• Hér má nálgast upplýsingar um framgang aðgerðarinnar á byggðaáætlun 2018-2022.

Tengiliður    

Dagný Arnarsdóttir, umhverfis-, orku- og loftslagsráðuneytinu - [email protected]

Aðgerðin

Markmið: Að menningarminjar til stuðnings byggðaþróun verði nýttar, einkum á svæðum sem standa höllum fæti í byggðarlegu tilliti.

Stutt lýsing: Leitast verði við að fá heildarsýn yfir minjaarfinn til að greina nýtingarmöguleika og þau sóknartækifæri sem í honum felast. Menningarminjar (fornleifar, mannvirki og hús) verði kortlagðar á tilteknum svæðum og þau gögn notuð sem forsenda fyrir hönnun verkefna. Minjastofnun verði byggðarlögum til aðstoðar við leit að fjármagni fyrir þau verkefni sem sett verða í gang í kjölfarið, svo sem með því að benda á viðeigandi sjóði, styðja umsóknir og veita faglega ráðgjöf.

• Ábyrgð: Umhverfis-, orku- og loftslagsráðuneytið. 
• Framkvæmdaraðili: Minjastofnun Íslands. 
• Dæmi um samstarfsaðila: Byggðastofnun, Þjóðminjasafn Íslands, landshlutasamtök sveitarfélaga, sveitarfélög, áfangastaðastofur, ferðaþjónustuaðilar og háskólar.
• Tímabil: 2022–2026.
• Tenging við aðrar stefnur/áætlanir: Menningarstefna.
• Tenging við heimsmarkmið Sameinuðu þjóðanna: Styður markmið 11, einkum undirmarkmið 11.4.
• Tillaga að fjármögnun: 12,5 millj. kr af byggðaáætlun