Ársreikningar

Markmið löggjafar á sviði endurskoðunar, bókhalds og ársreikninga er að stuðla að heilbrigðu og gagnsæju viðskiptaumhverfi.

Ársreikningar skulu endurspegla raunverulega stöðu félaga og hlutverk þeirra er að vera upplýsingaveita fyrir viðskiptalífið, eftirlitsaðila og aðra haghafa.

Skatturinn starfsrækir ársreikningaskrá skv. lögum um ársreikninga, nr. 3/2006. Ársreikningaskrá tekur við, til opinberrar birtingar, ársreikningum félaga sem falla undir lög um ársreikninga.

Ráðherra skipar fimm sérfróða menn til fjögurra ára í senn í reikningsskilaráð. Hlutverk þess er að stuðla að mótun settra reikningsskilareglna með útgáfu og kynningu samræmdra reglna sem farið skal eftir við gerð reikningsskila. Þá skal ráðið gefa álit á því hvað teljist settar reikningsskilareglur á hverjum tíma og starfa í nánu samráði við Félag löggiltra endurskoðenda og hagsmunaaðila.

Sjá vefinn reikningsskilarad.is.