Stefnumótun og aðgerðabundin áætlun

Framtíðarsýn og leiðarljós íslenskrar ferðaþjónustu til 2030 byggir á þremur víddum þolmarka þ.e. efnahag, samfélagi og náttúru. Framsetning jafnvægisássins byggir jafnframt á þessum sömu víddum. Með því að vinna með víddir þolmarka er byggt undir sjálfbæra þróun greinarinnar til lengri tíma.

Með Framtíðarsýn og leiðarljós íslenskrar ferðaþjónustu til 2030 og Jafnvægisás ferðamála er komið stjórnborð til að ráðast í aðgerðabundna stefnumótun sem byggir á áreiðanlegum gögnum þar sem sjálfbær þróun og jafnvægi verða í aðalhlutverki.