Húsnæðisbætur

Markmið laga um húsnæðisbætur er að lækka húsnæðiskostnað efnaminni leigjenda með greiðslu húsnæðisbóta vegna leigu á íbúðarhúsnæði.

Sveitarfélögin önnuðust afgreiðslu húsaleigubóta til einstaklinga þar til lög um húsnæðisbætur öðluðust gildi 1. janúar 2017. Húsnæðis- og mannvirkjastofnun annast nú afgreiðslu húsnæðisbóta.

Sveitarfélögum er skylt að veita sérstakan húsnæðisstuðning samkvæmt lögum um félagsþjónustu sveitarfélaga. Sveitarfélögin annast afgreiðslu sérstaks húsnæðisstuðnings með hliðsjón af [leiðbeinandi reglum um framkvæmd stuðningsins og viðmiðunarfjárhæðum](https://www.stjornarradid.is/library/01--Frettatengt---myndir-og-skrar/VEL/Leiðbeinandi reglr um sérstakan húsnæðisstuðning sveitarfélaga 2018.pdf) sem ráðherra setur.

Unnt er að sækja um húsnæðisbætur rafrænt með einföldum hætti á vef húsnæðisbóta.

Þar er einnig að finna nánari upplýsingar umsóknarferlið auk þess sem þar má finna umsóknareyðublað vegna umsókna á pappírsformi.

Frekari upplýsingar um húsnæðisbætur má nálgast á vefnum hjá Húsnæðis-, mannvirkja- og skipulagsstofnun.