Rafmagnsöryggi

Rafmagnsöryggi í landinu er viðvarandi viðfangsefni stjórnvalda, enda byggir nútímasamfélag að verulegum hluta á notkun rafmagns. Mikilvægt er að sú notkun ógni ekki heilsu fólks né eignum og því hafa verið sett lög sem hafa það að markmiði að draga sem mest úr hættu og tjóni af raforkuvirkjum, neysluveitum og rafföngum.

Húsnæðis-, mannvirkja- og skipulagsstofnun hefur verið falið að hafa yfirumsjón með rafmagnsöryggismálum á Íslandi og sér um skoðanir á raforkuvirkjum, neysluveitum og öryggisstjórnunarkerfum rafveitna og rafverktaka, löggildir rafverktaka, skráir og rannsakar slys og tjón af völdum rafmagns og annast útgáfu á kynningar- og fræðsluefni er varðar rafmagnsöryggi.