Uppgjör ríkissjóðs

Skýrsla hvers mánaðar um greiðsluhreyfingar A-hluta ríkissjóðs með samanburði við áætlanir innan ársins og útkomu sama tímabils árið á undan. Þar kemur m.a. fram upplýsingar um innheimtar tekjur, greidd gjöld, fjárfestingu, fjármögnun og skuldastöðu.

Skýrsla birt í lok hvers ársfjórðungs og skal sýna rekstur og efnahag A-hluta ríkssjóðs innan ársins til loka viðkomandi ársfjórðungs. Þar kemur m.a. fram samanburður á fjárheimildum og útgjöldum eftir málefnasviðum og málaflokkum. Einnig kemur fram samanburður á fjárhagsstöðu ríkisaðila og verkefna við fjárveitingar samkvæmt fylgiriti.

Ríkisreikningur sýnir endanlegt uppgjör ríkisfjármála hvers ár og nær yfir fjárreiður A-, B- og C- hluta ríkissjóðs.

Ríkisreikningur er settur fram í tveimur hlutum. Fyrri hluti nær yfir fjárreiður A- hluta ríkissjóðs í heild. Seinni hluti inniheldur samandregnar upplýsingar um fjármál ríkisaðila og lykiltölur úr ársreikningum ríkisaðila í A-, B- og C- hluta.

Á vef Fjársýslu ríkisins, www.fjs.is, er hægt að skoða ríkisreikning á pdf formi. Ríkisreikningur í heild og sundurliðaðir eru aðgengilegir á vefnum rikisreikningur.is og er þar að finna sundurliðun á tekjum og gjöldum ríkisins frá árinu 2004 og til dagsins í dag. Gögnin er hægt að skoða á margvíslegan hátt. Þar er að finna almenn yfirlit sem sýna sömu upplýsingar og finna má í útgefnum ríkisreikningi en einnig er hægt að kafa dýpra og fá upplýsingar niður á kostnaðartegund.