Dýra- og plöntusjúkdómar

Tilgangur laga um dýrasjúkdóma og varnir gegn þeim er að:

• stuðla að góðu heilsufari dýra í landinu og koma í veg fyrir að nýir smitsjúkdómar berist til landsins,
• fylgjast með og hindra útbreiðslu dýrasjúkdóma og vinna að útrýmingu þeirra,
• tryggja að búfjárafurðir, framleiddar í landinu, verði sem heilnæmastar.
  Innflutningur getur falið í sér áhættu á því að sjúkdómar kunni að berist til landsins. Þar sem landið er eyja og einangrað frá öðrum löndum eru dýr og sérstaklega búfé hér á landi viðkvæmt fyrir þeim sjúkdómum sem gætu borist til landsins. Lögunum er því ætlað að koma í veg fyrir útbreiðslu dýrasjúkdóma og útrýma þeim komi þeir upp hér á landi. Á grundvelli laga um dýrasjúkdóma hafa verið settar reglugerðir m.a. um varnarhólf í sauðfjárrækt vegna t.d. riðu, hvaða sjúkdómar eru tilkynningar- og skráningarskyldir og um varnir gegn því að dýrasjúkdómar berist til landsins.

Tilgangur laga um varnir gegn sjúkdómum og meindýrum í plöntum nr. 51/1981 er að:

• tryggja sem best góða og heilbrigða ræktun plantna hér á landi,
• koma í veg fyrir að hættulegir skaðvaldar berist til landsins og dreifist innanlands, og útrýma skaðvöldum, sem þegar hafa borist til landsins, teljist það framkvæmanlegt og
• hindra að skaðvaldar, sem aðrar þjóðir vilja verjast, berist frá Íslandi.
  Í reglugerð um innflutning og útflutning á plöntum og plöntuafurðum nr. 189/1990 er kveðið á um það með hvaða hætti koma skuli í veg fyrir að skaðvaldar sem valdið geti alvarlegu tjóni á plöntum og plötuafurðum hér á landi, berist til landsins og einnig hvernig hindra megi að skaðvaldar sem aðrar þjóðir vilja verjist berist ekki til þeirra frá Íslandi.