Bætt öryggi hinsegin ungmenna
Fléttað verði inn í fræðslu lögreglu til barna og ungmenna umfjöllun um alvarleika hatursorðræðu og -glæpa gagnvart hinsegin fólki. Unnið verði að því að skapa traust á milli lögreglu og hinsegin ungmenna, m.a. með fræðslu til starfsfólks lögreglu, samstarfi og reglulegum heimsóknum í ungmennahús.
Markmið aðgerðarinnar verði að stuðla að öryggi og jafnrétti fyrir hinsegin börn og ungmenni og byggja upp traust og gott samstarf milli hinsegin samfélagsins og samfélagslögreglu.
Tímaáætlun: 2026–2029.
Ábyrgð: Dómsmálaráðuneytið.
Framkvæmdaraðili: Embætti lögreglunnar á höfuðborgarsvæðinu.
Kostnaðaráætlun: Rúmist innan fjárheimilda.
Staða aðgerðar:
Samfélagslögreglan vinnur að því að flétta fræðslu um hatursorðræðu og -glæpi inn í fræðsluefni til nemenda í skólum. Farið er í reglulegar heimsóknir í félagsmiðstöðvar hinsegin ungmenna og fundað með ungmennaráði hinsegin. Unnið er að því að bæta öryggi í strætó.