Jafnréttisþing 2025
Jafnréttisþingi 2025 er lokið
Jafnréttisþingið 2025 var haldið fyrir fullum Norðurljósasal Hörpu, 22. maí 2025. Þorbjörg Sigríður Gunnlaugsdóttir, dómsmálaráðherra og ráðherra jafnréttismála, setti þingið og stýrði pallborðsumræðum auk þess að afhenda Samtökum um kvennaathvarf jafnréttisviðurkenningu.
Þingið var að þessu sinni helgað baráttunni gegn mansali og varpaði skýru ljósi á mikilvægi þess að Ísland taki markviss skref í baráttunni gegn kynferðislegu mansali og skipulagðri brotastarfsemi.
Fyrirlesarar á þinginu voru Carolina Barrio Peña, saksóknari og sérfræðingur hjá Refsivörslusamvinnustofnun ESB (Eurojust) og Janna Davidson, talskona sænskra stjórnvalda í mansalsmálum og sérfræðingur í aðgerðaþróun hjá sænsku lögreglunni.
Hægt er að horfa á upptökur frá þinginu í heild sinni:
Myndir frá þinginu
Ljósmyndirnar tók Sigurjón Sigurjónsson.