Áherslur í ríkisrekstri fyrir árið 2026

Helstu áherslur í ríkisrekstri til næstu ára snúa að bættri þjónustu og hagkvæmari ríkisrekstri með einfaldari stjórnsýslu og hagræðingu í rekstri. Til að styðja við áherslurnar standa stofnunum til boða ýmis verkfæri.

• Taki Stafræn skref í samvinnu við Stafrænt Ísland.
• Taki þátt í þjónustukönnun ríkisins til að meta gæði þjónustunnar.
• Miðli upplýsingum á forsendum notenda, með hliðsjón af efnisstefnu Ísland.is.
• Kynni sér þjónustukerfi Stafræns Íslands.
• Taki þátt í stafrænni hæfnikönnun og nýti endurmenntunarsjóði til framþróunar mannauðs.
• Skoði aðgerðir til að bæta netöryggi í rekstri tölvu- og netkerfa stofnana og fylgist m.a. með tilkynningunnum CERT-IS netöryggissveitar íslenskra stjórnvalda.
• Tryggi öryggi gagna meðal annars út frá öryggisflokkun gagna ríkisins.

• Móti mannauðsstefnu stofnunar í takt við stefnu ríkisins í mannauðsmálum og þarfir samfélagsins hverju sinni.
• Skilgreini ferla mannauðsstjórnunar, s.s. ráðningarferla, hæfnigreiningar, starfsþróunaráætlanir og fræðslu sem tekur mið af framtíðarþörfum stofnana. Fylgi leiðbeiningum sem fram koma á mannauðstorgi ríkisins.
• Nýti námskeið Stafræna skólans til að efla stafræna færni starfsfólks.
• Hugi að samsetningu mannauðs með tilliti til fjölbreytileika og inngildingar m.a. með því að fjölga sveigjanlegum störfum fyrir fólk með skerta starfsgetu.
• Skrái mannauðsgögn í miðlæg kerfi ríkisins, Oracle launakerfi og Vinnustund.
• Öll störf séu auglýst óstaðbundin nema sérstakar aðstæður krefjist annars.

• Hagræði í rekstri með notkun rammasamninga og endurútboða eldri samninga og nýti til þess innkaupamælaborð og ráðgjöf Fjársýslunnar.
• Auki þekkingu starfsfólks á innkaupum í gegnum innkaupaskólann.
• Séu vakandi fyrir nýjum leiðum til að auka skilvirkni í starfsemi hins opinbera og fyrir nýjum tækifærum til samreksturs.
• Skoði fjárfestingarframlag við endurnýjun eldri upplýsingatæknikerfa.
• Kynni sér ávinningsmat stafrænna ferla hjá Stafrænu Íslandi.
• Nýti skýjaþjónustur meðal annars í gegnum núverandi samning um skýjaþjónustu.
• Skoði möguleika á að nýta upplýsingatækni í auknum mæli og gervigreind með aukna framleiðni og rekstrarhagræði að leiðarljósi.
• Taki græn skref í ríkisrekstri og tryggi virka umhverfisstjórnun.