Viðburðir sem voru haldnir vegna 80 ára afmælis lýðveldisins

Fræðsluganga með landverði sem leiðir gesti um þann undraheim sem norðurstrandlengja Þingvallavatns hefur upp á að bjóða.

"Þingvellir í 100 ár" er kvikmyndaverkefni sem færir áhorfendur aftur í tímann, fyrir stofnun þjóðgarðs og lýðveldis, þegar á Þingvöllum voru bændur og hótel og konungs hús.

Hvað verður grafið upp á Þingvöllum eftir 100 ár eða jafnvel 1000 ár? Hvað erum við að skilja eftir okkur?

Dagana 7. og 8. september 2024 fer fram Fjallkonuhátíð í Skagafirði. Fjölbreytt dagskrá með áhugaverðum erindum um baðstofulíf og búningaþróun á 19 öld, þjóðbúningasýningu, þjóðbúningamessu, kynnisferð um sögustaði, heimsókn í Glaumbæ, myndatökum og söng.

Kórasöngur í Almannagjá. Vörðukórinn og Mótettukórinn. Hljómburðurinn í gjánni er einstakur.

Miðdepill evrópskrar eftirtektar. Stefán Pálsson sagnfræðingur fer yfir sögu fyrri hátíða á Þingvöllum.

Fáninn er varðveittur í Byggðasafni Reykjanesbæjar og verður hann sýndur í Bíósal Duus safnahúsa frá 17. júní til 18. ágúst.

Sýning í Safnahúsinu, börn úr Grindavík sýna. Forsætisráðherra verður viðstaddur opnun.

Þjóðhátíðardeginum 17. júní verður fagnað með fjölbreyttri og skemmtilegri dagskrá á Árbæjarsafni frá kl. 13-16, frítt inn í tilefni af 80 ára afmæli lýðveldisins.

Að kvöldi 17. júní verður sýnd í sjónvarpinu ný heimildarmynd um fjallkonuna í tilefni af útgáfu bókarinnar Fjallkonan. Þú ert móðir vor kær sem er gjöf til þjóðarinnar í tilefni 80 ára afmælis lýðveldisins.

Laugardaginn 15. júní kl. 13.00 verður Íslandskortið afhjúpað á Þingvöllum.

Í tilefni af 80 ára afmæli lýðveldisins verður efnt til sönggöngu á Miðfell í Þingvallasveit.

Landsbókasafn Íslands – Háskólabókasafn sýnir í júní og ágúst kjörgripi úr safni sínu í tilefni 80 ára afmæli lýðveldisins. Kjörgripur ágústmánaðar er handrit af Lofsöngnum eftir Matthías Jochumsson við lag Sveinbjörns Sveinbjörnssonar.

Landsbókasafn Íslands – Háskólabókasafn sýnir í júní og ágúst kjörgripi úr safni sínu í tilefni 80 ára afmæli lýðveldisins. Kjörgripir júnímánaðar eru teikningar Tryggva Magnússonar af skjaldarmerki Íslands.

AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi árið 1944.

Þann 14. júní 2024 verður opnuð sýning í Þjóðminjasafni Íslands á veggtjöldum frá Lögréttuhúsinu á Alþingi á Þingvöllum.

Þann 16. og 17. júní verði hátíð á Hrafnseyri með dagskrá í tilefni lýðveldisafmælisins og 1150 ára afmælis Íslandsbyggðar.

Við skipulagningu á 17 júní hafa verkefnastjórar Reykjavíkurborgar lagt mikla áhersla á að höfða til sem flestra hópa. Töluverð áhersla er tildæmis lögð á fjölmenningu en einnig er sérstaklega horft til þátttöku barna og ungs fólks.

Barnamenningarhátíð 2024 fer fram dagana 23. -28. apríl næstkomandi.

Sýningin „Ljáðu mér vængi“ opnaði í Loftskeytastöðinni við Suðurgötu 15. mars 2024.

Safn Jóns Sigurðssonar á Hrafnseyri og Þjóðgarðurinn á Þingvöllum efna til verkefnisins „Heill heimur af börnum – Börn setja mark sitt á Íslandskortið“.

Íslenski kórinn í Þrándheimi; Kór Kjartans, heldur kóramót með þáttöku íslenskra kóra frá Norðurlöndum og Norður-Evrópu dagana 26. til 29. Apríl 2024. Langflest söngfólkið eru Íslendingar búsettir í viðkomandi löndum og borgum – margir til lengri tíma.

Í Sýningarstofu Safnahússins við Hverfisgötu verður sjónum beint að fjölbreyttum verkum úr safneign Listasafns Íslands þar sem fánar eru útgangspunkturinn.

Framtíðarfortíð Listasafns Íslands og Listasafns Ísafjarðar er fyrsta sýningin í röð sýninga sem marka samvinnu Listasafns Íslands og safna á landsbyggðinni.

Kvikmyndasafn Íslands og Þjóðminjasafn Íslands munu standa saman að sýningu um stofnun lýðveldis á Íslandi hinn 17. júní 1944.

Afmælisnefnd í samvinnu við samtök íslenskra kóra og kórstjóra, efndi til samkeppni um nýtt kórlag sem flutt verður í tengslum við 80 ára afmæli lýðveldisins 17. júní 2024.

Forsetasetrið að Bessastöðum verður opið almenningi laugardaginn 8. júní í tilefni af 80 ára afmæli lýðveldis á Íslandi.

Almenningi gefst kostur á að skoða Alþingishúsið og Smiðju, nýja skrifstofubyggingu Alþingis, laugardaginn 14. september. Nauðsynlegt er að skrá sig fyrirfram í leiðsögn um Alþingishúsið en ekki þarf að skrá sig í heimsókn í Smiðju.

Hefðbundin þjóðhátíðardagskrá fari fram 17. júní um allt land eins og venja er.

Margir viðburðir í þjóðgarðinum á Þingvöllum tileinkaðir lýðveldisafmælinu sem nær hámarki helgina 15-16. júní með þéttri menningardagskrá og tónleikum sunnudagskvöldið 16. júní.

Í tilefni þess að starfi óbyggðanefndar er að ljúka verður efnt til boðgöngu eftir þjóðlendulínunni sem markar ytri mörk hálendisins. Um leið yrði sú lína GPS-hnitasett. Ráðherra myndi ganga með síðasta spölinn og þar með undirstrika með táknrænum hætti þá þjóðareign sem tekið hefur á sig áþreifanlega mynd með setningu þjóðlendulaga og framkvæmd á grundvelli þeirra.

Þann 16. og 17. júní verði hátíð á Hrafnseyri með dagskrá í tilefni lýðveldisafmælisins og 1150 ára afmælis Íslandsbyggðar og verði sjónum beint að sögu og landnámsminjum á Hrafnseyri.

Forsætisráðuneytið og Alþingi, í samvinnu við Háskóla Íslands, efna til málþings 5. janúar 2024 um alþingiskafla stjórnarskrárinnar, en einnig verður minnst 150 ára afmælis fyrstu stjórnarskrárinnar.

Forsætisráðuneytið, í samvinnu við Forlagið, gefur út bók með þjóðhátíðarljóðum og greinum um fjallkonuna 17. júní 2024 sem verði gefin landsmönnum.

Kórar hvaðanæva af landinu munu syngja valin lög á þjóðhátíðardaginn 17. júní undir yfirskriftinni Sungið með landinu. Unnið verði myndband með brotum af kórum að syngja um allt land.