Eignir

• Fyrirtæki í eigu hins opinbera taka til atvinnustarfsemi sem er í meirihlutaeigu hins opinbera og er fjármögnuð að stórum hluta með sölu á vöru og þjónustu á markaði eins og ÁTVR, Happdætti HÍ og ÍSOR.
• Helstu tegundir B-hluta fyrirtækja sveitarfélaga eru veitufyrirtæki, hafnir, félagslegt húsnæði, almenningssamgöngur og sorphirða.
• Hugtakið opinberir aðilar í heild nær bæði til hins opinbera og fyrirtækja í meirihlutaeigu hins opinbera.
• Fjármálafyrirtæki og sjóðir innan B- og C- hluta ríkissjóðs eru ekki meðtalin í rekstrar- og efnahagstölum vegna sérstöðu sinnar þegar umfang og efnahagsleg áhrif opinberra fyrirtækja í hagkerfinu eru metin.

Upplýsingar sem birtar eru á þessari síðu eru á alþjóðlegum hagskýrslustaðli (GFS). Rekstrarafkoma ríkisreiknings er hins vegar birt á grunni reikningsskilastaðla fyrir opinbera aðila (IPSAS). Það þýðir að þær tölur sem birtast á þessari síðu og sýna helstu hagstærðir ríkissjóðs eru ekki með öllu þær sömu og birtast í ríkisreikningi vegna aðlagana sem gerðar eru á tilteknum liðum.

Gögn síðunnar eru sótt til Hagstofu Íslands, Skattsins og Fjársýslunnar, sem hefur yfirumsjón með bókhaldi og uppgjöri ríkissjóðs. Í þeim tilvikum þar sem þróun er sýnd yfir tímabil eru tölur birtar á verðlagi hvers árs og sem hlutfall af vergri landsframleiðslu eða á hvern íbúa. Þegar talað er um verga landsframleiðslu er átt við verðmæti allrar vöru og þjónustu sem framleidd er í landinu á hverju ári. Tölulegar upplýsingar eru frá síðastliðnu ári nema annað sé tekið fram.

Síðan er uppfærð ársfjórðungslega.