/
Hver voru helstu samningsmarkmið Íslands á sviði landbúnaðar í aðildarviðræðunum árin 2009 - 2013?
Til upplýsingar: Þessi upplýsingamoli var birtur á vef utanríkisráðuneytisins sem hluti af sérstakri upplýsingasíðu sem sett var í loftið í aðdraganda þjóðaratkvæðagreiðslu um framhald aðildarviðræðna við Evrópusambandið sem fram fór 29. ágúst 2026. Þjóðaratkvæðagreiðslan, sem haldin var á grunni stefnuyfirlýsingar ríkisstjórnarinnar frá 21. desember 2024, fór þannig að 52,8% Íslendinga hafnaði því að aðildarviðræður við Evrópusambandið yrðu teknar upp að nýju. Já sögðu 47,2% kjósenda en þátttaka í atkvæðagreiðslunni var 82,6%.
--------
Hver voru helstu samningsmarkmið Íslands á sviði landbúnaðar í viðræðunum árin 2009 - 2013 og hver var staða þeirra þegar viðræður voru settar á ís árið 2013?
Fjallað er um landbúnaðarmál í 11. kafla aðildarviðræðna. Kaflinn hafði ekki verið opnaður þegar hlé var gert á viðræðum 2013. Aðgerðaáætlun Íslands hafði verið samþykkt af aðildarríkjum ESB og var næsta skref að Ísland legði fram samningsafstöðu. Vinna við samningsafstöðu var langt komin þegar hlé var gert á viðræðum.
Samningsmarkmið Íslands:
- Fjárframlög til landbúnaðarins fullnægjandi til að viðhalda óbreyttum heildarstuðningi, að meðtalinni tollvernd. Það ætti við um jarðrækt, búfjárrækt og garðyrkju, með svigrúmi til aðlögunar.
- Sérstakar heimildir til að styðja heimskautalandbúnað vegna erfiðra framleiðsluskilyrða. Horft til sérlausna Finna og Svía um stuðning við landbúnað á norðlægum slóðum.
Þess má geta að landbúnaðarstefna ESB hefur þróast þannig að aðildarríki fá meira svigrúm til að útfæra stuðning en áður. Tillögur um fyrirkomulag næsta tímabils, sem hefst 2028, ganga enn lengra í þá átt.
Nánar um málið í minnisblaði sem utanríkisráðuneytið vann að beiðni utanríkismálanefndar, dags. 17. apríl 2026.
Ítarefni: