Þingleg meðferð

Til upplýsingar: þessi upplýsingasíða var sett í loftið í aðdraganda þjóðaratkvæðagreiðslu um framhald aðildarviðræðna við Evrópusambandið sem fram fór 29. ágúst 2026. Þjóðaratkvæðagreiðslan, sem haldin var á grunni stefnuyfirlýsingar ríkisstjórnarinnar frá 21. desember 2024, fór þannig að 52,8% Íslendinga hafnaði því að aðildarviðræður við Evrópusambandið yrðu teknar upp að nýju. Já sögðu 47,2% kjósenda en þátttaka í atkvæðagreiðslunni var 82,6%.

-------

Alþingi samþykkti 28. maí 2026 þingsályktun nr. 14/157 um að fram skuli fara þjóðaratkvæðagreiðsla 29. ágúst 2026 þar sem kosið verði um hvort Ísland hefji aðildarviðræður við Evrópusambandið að nýju.

Ríkisstjórnin lagði fram tillögu til þingsályktunar þar að lútandi hinn 6. mars síðastliðinn á grundvelli stjórnarsáttmála sem kynntur var við myndun ríkisstjórnar Samfylkingar, Viðreisnar og Flokks fólksins í desember 2024.

Fyrri umræðu vegna þingsályktunartillögu lauk hinn 16. mars síðast liðinn og því næst gekk málið til meðferðar utanríkismálanefndar. Nefndin kallaði eftir umsögnum frá 252 einstaklingum, félagasamtökum og opinberum aðilum. Henni bárust yfir 100 umsagnir og erindi af ýmsu tagi við meðferð málsins. Hinn 18. maí var málið afgreitt úr utanríkismálanefnd með áliti meirihluta nefndarinnar með breytingartillögu. Með breytingartillögunni var lagt til að orðalagi spurningarinnar yrði breytt frá því sem lagt var upp með í þingsályktunartillögunni. Þannig yrði orðalag spurningarinnar eftirfarandi:

„Á Ísland að hefja á ný aðildarviðræður við Evrópusambandið?"

Svarmöguleikarnir yrðu þessir:

• Já.
• Nei.

Við afgreiðslu málsins úr nefnd voru einnig birt álit 1. minnihluta nefndarinnar, 2. minnihluta nefndarinnar og 3. minnihluta nefndarinnar, ásamt tveimur breytingartillögum nefndarmanna minnihlustans, sem sjá má hér og hér.