/
Hver voru helstu samningsmarkmið Íslands á sviði umhverfismála í aðildarviðræðunum árin 2009 - 2013?
Til upplýsingar: Þessi upplýsingamoli var birtur á vef utanríkisráðuneytisins sem hluti af sérstakri upplýsingasíðu sem sett var í loftið í aðdraganda þjóðaratkvæðagreiðslu um framhald aðildarviðræðna við Evrópusambandið sem fram fór 29. ágúst 2026. Þjóðaratkvæðagreiðslan, sem haldin var á grunni stefnuyfirlýsingar ríkisstjórnarinnar frá 21. desember 2024, fór þannig að 52,8% Íslendinga hafnaði því að aðildarviðræður við Evrópusambandið yrðu teknar upp að nýju. Já sögðu 47,2% kjósenda en þátttaka í atkvæðagreiðslunni var 82,6%.
--------
Hver voru helstu samningsmarkmið Íslands á sviði umhverfismála í aðildarviðræðunum árin 2009 - 2013?
Fjallað er um umhverfismál í 27. kafla aðildarviðræðna. Kaflinn var opnaður 18. desember 2012 og viðræður stóðu enn yfir þegar aðildarviðræður voru settar á ís.
Samningsmarkmið Íslands voru:
- Náttúruvernd: Áframhaldandi nýting hvala, sela og villtra fugla.
- Sérlausnir og aðlögunartími vegna reglna um vatnsgæði og loftgæði.
- Ísland myndi halda undanþágum sem hlotist höfðu á grundvelli EES-samningsins.
Aðgerðir á sviði loftslagsmála hafa þróast verulega frá því að hlé var gert á viðræðum árið 2013 og er veigameiri þáttur í löggjöf ESB. Þá má geta þess að ETS-kerfið hefur verið innleitt í gegnum EES-samninginn og Ísland á í samstarfi við ESB um loftslagsaðgerðir sem framkvæmt er í gegnum EES-samninginn. Þá hefur samningur undir hafréttarsamningi Sameinuðu þjóðanna um verndun og sjálfbæra nýtingu líffræðilegrar fjölbreytni í hafinu utan lögsögu ríkja (e. Biodiversity Beyond National Jurisdiction, BBNJ) tekið gildi. Ísland og ESB eru aðilar að samningnum.
Ítarefni:
Nánar um málið í minnisblaði sem utanríkisráðuneytið vann að beiðni utanríkismálanefndar, dags. 17. apríl 2026.
Nánar um umhverfismálakaflann á vef sem tileinkaður var aðildarviðræðunum árin 2009 - 2013.