/
Hver voru helstu samningsmarkmið Íslands á sviði byggðamála í aðildarviðræðunum árin 2009-2013?
Til upplýsingar: Þessi upplýsingamoli var birtur á vef utanríkisráðuneytisins sem hluti af sérstakri upplýsingasíðu sem sett var í loftið í aðdraganda þjóðaratkvæðagreiðslu um framhald aðildarviðræðna við Evrópusambandið sem fram fór 29. ágúst 2026. Þjóðaratkvæðagreiðslan, sem haldin var á grunni stefnuyfirlýsingar ríkisstjórnarinnar frá 21. desember 2024, fór þannig að 52,8% Íslendinga hafnaði því að aðildarviðræður við Evrópusambandið yrðu teknar upp að nýju. Já sögðu 47,2% kjósenda en þátttaka í atkvæðagreiðslunni var 82,6%.
--------
Fjallað er um byggðamál í 22. kafla aðildarviðræðna. Viðræður hófust með opnun kaflans 18. desember 2012. Þeim hafði ekki verið lokið þegar hlé var gert á viðræðum.
Samningsafstaða og áherslur Íslands:
- Fallist yrði á sameiginlegt regluverk með fyrirvara um sérlausnir.
- Fjarlægð frá öðrum aðildarríkjum, einangrun landsins, erfiðir staðhættir, veðurfar og sérstaða íslensks efnahags væru þættir sem taka þyrfti tillit til á þessu sviði. Ísland er staðsett norðlægast í álfunni, lítið, fámennt og afar strjálbýlt.
- Óskað eftir að tekið yrði tillit til varanlegra annmarka og sérkenna með viðeigandi ráðstöfunum.
Ítarefni:
Nánar um byggðamálakaflann á vef sem tileinkaður var aðildarviðræðunum árin 2009-2013.