/
Hver væru áhrif Evrópusambandsaðildar á orkumál og yfirráð yfir náttúruauðlindum?
Til upplýsingar: Þessi upplýsingamoli var birtur á vef utanríkisráðuneytisins sem hluti af sérstakri upplýsingasíðu sem sett var í loftið í aðdraganda þjóðaratkvæðagreiðslu um framhald aðildarviðræðna við Evrópusambandið sem fram fór 29. ágúst 2026. Þjóðaratkvæðagreiðslan, sem haldin var á grunni stefnuyfirlýsingar ríkisstjórnarinnar frá 21. desember 2024, fór þannig að 52,8% Íslendinga hafnaði því að aðildarviðræður við Evrópusambandið yrðu teknar upp að nýju. Já sögðu 47,2% kjósenda en þátttaka í atkvæðagreiðslunni var 82,6%.
--------
Hver væru áhrif Evrópusambandsaðildar á orkumál og yfirráð yfir náttúruauðlindum?
Ísland hefur þegar tekið upp stærstan hluta regluverks ESB á sviði orkumála vegna EES-samstarfsins og má gera ráð fyrir að áhrif umfram það yrðu lítil. Í viðræðunum árin 2009-2013 voru viðræður um kaflann hafnar en stóðu enn yfir þegar hlé var gert.
Samningsmarkmið Íslands í aðildarviðræðunum 2009 - 2013 voru:
- Tryggja eignarhald á orkuauðlindum Íslands og rétt til þess að stjórna þeim
- Áframhaldandi undanþágur og aðlaganir sem þegar hafa verið tryggðar innan EES
- Árétta að Ísland er ekki tengt við raforkumarkað ESB og að ákvörðun um slíka samtengingu væri ákvörðun Íslands
- Ísland óskaði eftir aðlögunartíma til 2030 vegna lágmarksbirgða af hráolíu
Ítarefni:
Nánar um málið í minnisblaði sem utanríkisráðuneytið vann að beiðni utanríkismálanefndar Alþingis, dags. 17. apríl 2026.
Nánar um orkumálakaflann á vef sem tileinkaður var aðildarviðræðunum árin 2009 - 2013.