Úrskurðarnefnd um upplýsingamál

Úrskurðarnefnd um upplýsingamál er starfrækt á grundvelli V. kafla upplýsingalaga nr. 140/2012 til að leysa úr ágreiningsmálum um aðgang almennings að upplýsingum hjá stjórnvöldum. Nefndin er sjálfstæð og óháð stjórnsýslunefnd sem skipað er til hliðar við hið almenna stjórnkerfi ríkis og sveitarfélaga. Valdsvið nefndarinnar nær til allrar stjórnsýslu hins opinbera án tillits til á hvaða stjórnsýslustigi ákvörðun er tekin. Aðili þarf því ekki að tæma aðrar kæruleiðir innan stjórnsýslunnar áður en til hennar er leitað. Úrskurðir nefndarinnar eru endanlegir og verður ekki skotið annað innan stjórnsýslunnar. Þeir hafa því jafnframt fordæmisgildi fyrir önnur stjórnvöld og stuðla þannig að auknu samræmi í framkvæmd upplýsingalaganna.

Sjá nánar um kæruheimild og verklagsreglur nefndarinnar.

Skipan úrskurðarnefndar

Samkvæmt 21. gr. upplýsingalaga nr. 140/2012 skipar forsætisráðherra þrjá menn í úrskurðarnefnd um upplýsingamál til fjögurra ára í senn og jafnmarga til vara. Tveir nefndarmenn og varamenn þeirra skulu uppfylla starfsgengisskilyrði héraðsdómara. Skal annar þeirra vera formaður nefndarinnar en hinn varaformaður. Nefndarmenn mega ekki vera fastráðnir starfsmenn í Stjórnarráði Íslands. Sjá skipan úrskurðarnefndar.

Nefndin er sjálfstæð í störfum sínum og óháð öðrum stjórnvöldum. Nefndin nýtur þó ritara og skrifstofuþjónustu úr forsætisráðuneytinu og má beina kærum til nefndarinnar á netfangið [email protected]. Einnig er unnt að senda kæru til nefndarinnar með því að fylla út rafrænt eyðublað á vef Stjórnarráðsins, mínar síður (sjá leiðbeiningar um notkun á mínum síðum).

Ritari nefndarinnar er Egill Pétursson.

Hér fyrir neðan eru allir úrskurðir nefndarinnar. Á annarri síðu er hægt að nota fullkomnari leit sem tekur t.d. tillit til beygingar orða og þar er einnig hægt að leita innan ákveðins árs.

 Sýni 1251-1300 af 1406 niðurstöðum
A-151/2002 Úrskurður frá 15. júlí 2002
Kærð var synjun dóms- og kirkjumálaráðuneytisins um að veita aðgang að reglum um vopnaburð, settar með stoð í vopnalögum. Takmarkanir á upplýsingarétti vegna almannahagsmuna. Öryggi ríkisins. Lögskýring. Gildissvið upplýsingalaga. Synjun staðfest.
A-150/2002 Úrskurður frá 11. júlí 2002
Kærð var synjun Mosfellsbæjar um að veita aðgang að lögfræðiáliti sem aflað var vegna bótakröfu á hendur bænum. Gildissvið upplýsingalaga gagnvart stjórnsýslulögum. Upplýsingaréttur aðila. Stjórnvaldsákvörðun. Kæruleiðbeiningar. Kæruheimild. Frávísun.
A-148/2002 Úrskurður frá 3. júlí 2002
Kærð var synjun Hreppsnefndar Austur-Eyjafjallahrepps um að veita aðgang að útboðsgögnum. Hlutverk úrskurðarnefndar um upplýsingamál. Útboð. Gildissvið upplýsingalaga. Upplýsingaréttur aðila. Samkeppnishagsmunir hins opinbera. Takmarkanir á upplýsingarétti. Aðgangur veittur.
A-149/2002 Úrskurður frá 1. júlí 2002
Kærð var synjun landbúnaðarráðuneytis um aðgang að gögnum um ríkisjörð. Beiðni um aðgang að upplýsingum. Tilgreining máls. Fjöldi mála. Synjun.
A-147/2002 Úrskurður frá 10.4 2002
Kærð var synjun Fjármálaeftirlitsins um að veita fréttamönnum aðgang að bréfi sem það hafði sent tilteknum aðilum um sviptingu atkvæðisréttar þeirra á aðalfundi viðskiptabanka. Takmarkanir á upplýsingarétti vegna einkahagsmuna. Takmarkanir á upplýsingarétti vegna viðskipta- og fjárhagshagsmuna. Þagnarskylda. Eftirlitsskylda hins opinbera. Gildissvið upplýsingalaga. Synjun staðfest.
A-146/2002 Úrskurður frá 4. apríl 2002
Kærð var synjun flugmálastjórnar um að veita upplýsingar um flugferil þyrlu vegna þyrluslyss. Rafræn gögn. Kærufrestur. Kæruleiðbeiningar. Leiðbeiningarskylda stjórnvalda. Fyrirliggjandi gögn. Synjun staðfest.
A-144/2002 Úrskurður frá 21. mars 2002
Kærð var synjun félagsmálastjóra Kópavogsbæjar um að veita aðgang að tilteknum gögnum um daggæslu tiltekinna aðila. Rannsókn eða saksókn í opinberu máli. Takmarkanir á upplýsingarétti vegna einkahagsmuna. Aðgangur að hluta skjals. Aðgangur veittur að hluta.
A-145/2002 Úrskurður frá 7. mars 2002
Kærð var synjun landbúnaðarráðuneytisins og Bændasamtaka Íslands um að veita aðgang að upplýsingum um greiðslumark á ríkisjörð við sölu hennar til ábúenda og ráðstöfun greiðslumarksins eftir að jörðin hafði verið afsalað til þeirra. Takmarkanir á upplýsingarétti vegna einkahagsmuna. Aðgangur veittur að hluta.
A-143/2002 Úrskurður frá 4. mars 2002
Kærð var synjun rannsóknarnefndar flugslysa um að veita aðgang að ratsjárgögnum flugferla fjögurra tilgreindra flugvéla að Reykjavíkurflugvelli að kvöldi [dags.] og um að láta honum í té afrit af þeim á prentuðu eða tölvutæku formi. Rannsókn eða saksókn í opinberu máli. Gildissvið upplýsingalaga. Vörslur gagna. Beiðni um aðgang ekki beint að réttu stjórnvaldi. Leiðbeiningarskylda stjórnvalda. Frávísun.
A-142/2002 Úrskurður frá 8. febrúar 2002
Kærð var synjun forsætisráðuneytisins um að veita aðgang að upplýsingum um skiptingu kostnaðar við einkavæðingu sem leitað var eftir fjárveitingu fyrir í frumvarpi til fjáraukalaga fyrir árið 2001. Takmarkanir á upplýsingarétti vegna einkahagsmuna. Takmarkanir á upplýsingarétti vegna almannahagsmuna. Viðskipta- og einkahagsmunir. Aðgangur veittur.
A-140/2002 Úrskurður frá 18. janúar 2002
Kærð var synjun flugmálastjórnar um að veita aðgang að skráðum upplýsingum um hvað fór fram á svonefndum rýnifundi sem haldinn var á vegum stofnunarinnar um flugslys. Rannsókn eða saksókn í opinberu máli. Gildissvið upplýsingalaga. Upplýsinga ekki aflað annars staðar frá. Upplýsingaréttur aðila. Eigin afnot stjórnvalds af vinnuskjali. Synjun staðfest.
A-141/2002 Úrskurður frá 18. janúar 2002
Kærð var meðferð úrskurðarnefndar atvinnuleysisbóta um aðgang að tilteknum gögnum. Kæruheimild. Málshraði. Gildissvið upplýsingalaga. Frávísun.
A-139/2001 Úrskurður frá 21. desember 2001
Kærð var meðferð utanríkisráðuneytisins á beiðni um aðgang að gögnum, sem fyrrverandi utanríkisráðherra hafði látið Ríkisendurskoðun í té vegna athugunar á embættisfærslu hans sem fjármálaráðherra. Gögn afhent Ríkisendurskoðun tilheyra skjalasafni þeirrar stofnunar, sem þau stafa frá. Beiðni ekki beint að réttu stjórnvaldi. Leiðbeiningarskylda stjórnvalda. Synjun staðfest.
A-138/2001 Úrskurður frá 7. desember 2001
Kærð var synjun utanríkisráðuneytisins um að veita aðgang að formlegri viðvörun Eftirlitsstofnunar EFTA varðandi jarðalögin. Upplýsingaréttur aðila. Samskipti við önnur ríki eða fjölþjóðastofnanir. Mikilvægir almannahagsmunir. Tími frá því viðvörun barst. Aðgangur veittur.
A-137/2001 Úrskurður frá 6. desember 2001
Kærð var synjun lögreglustjórans í Reykjavík og dóms- og kirkjumálaráðuneytisins um að veita aðgang að bréfi ríkislögreglustjóra til lögreglustjórans í Reykjavík um framkvæmd tiltekinnar húsleitar. Rannsókn eða saksókn í opinberu máli. Frávísun. Sérálit.
A-136/2001 Úrskurður frá 30. nóvember 2001
Kærð var synjun heilbrigðiseftirlits Reykjavíkur um aðgang að öllum gögnum um könnun á örverufræðilegu ástandi á ís úr vél og aðbúnaði á hverjum sölustað um sig. Tilgreining máls. Almenn ákvæði laga um þagnarskyldu. Lögskýring. Mikilvægir viðskiptahagsmunir fyrirtækja. Aðgangur veittur.
A-135/2001 Úrskurður frá 22. nóvember 2001
Kærð var synjun rannsóknarnefndar flugslysa um að veita aðgang að ratsjárgögnum yfir aðflug fjögurra tilgreindra flugvéla að Reykjavíkurflugvelli að kvöldi 7. ágúst 2000 annars vegar og hins vegar að "logbókum" tiltekinnar flugvélar. Rannsókn eða saksókn í opinberu máli. Gildissvið upplýsingalaga. Vörslur gagna. Beiðni um aðgang ekki beint að réttu stjórnvaldi. Leiðbeiningarskylda stjórnvalda. Frávísun.
A-134/2001 Úrskurður frá 15. nóvember 2001
Kærð var synjun dóms- og kirkjumálaráðuneytisins um að veita aðgang að fjárlagatillögum lögreglustjórans í Reykjavík fyrir árið 2002.Gildissvið upplýsingalaga. Upplýsingaréttur alþingismanna. Fyrirhugaðar ráðstafanir. Synjun staðfest.
A-133/2001 Úrskurður frá 25. október 2001
Kærð var synjun Ríkiskaupa um að veita aðgang að samningi ríkisins við tiltekið fyrirtæki um á grundvelli tilboðs þess í útboði stofnunarinnar á nýju fjárhagskerfi fyrir ríkissjóð og stofnanir hans. Tilgreining gagna í máli. Upplýsingaréttur aðila máls. Aðild að máli. Samkeppnishagsmunir hins opinbera. Mikilvægir fjárhags- eða viðskiptahagsmunir fyrirtækja. Samkeppni. Stjórnvöld geta ekki heitið trúnaði umfram það er leiðir af ákvæðum upplýsingalaga. Aðgangur veittur að hluta. Synjun staðfest.
A-132/2001 Úrskurður frá 23. október 2001
Kærð var synjun Ríkisútvarpsins um að veita aðgang að tilteknu bréfi sem formaður og framkvæmdastjóri Landssambands íslenskra útvegsmanna höfðu skrifað útvarpsstjóra. Einkahagsmunir. Álit þess er hlut á að máli. Aðgangur veittur.
A-131/2001 Úrskurður frá 11. október 2001
Kærð var synjun Nýsköpunarsjóðs atvinnulífsins um að veita aðgang að fundargerðum sjóðsstjórnar á mánuðunum maí, júní og júlí árið 1999. Gildissvið upplýsinglaga. Almenn ákvæði laga um þagnarskyldu. Upplýsingar varða ekki kæranda sjálfan. Tilgreining máls. Beiðni varðar aðgang að upplýsingum í fleiri en einu máli. Umfang gagna. Mikilvægir fjárhagshagsmunir fyrirtækja. Fjárhagsmálefni einstaklinga. Umsóknir um störf hjá ríki eða sveitarfélögum og gögn er þær varða. Aðgangur veittur að hluta.
A-130/2001 Úrskurður frá 24. september 2001
Kærð var synjun dóms- og kirkjumálaráðuneytisins um að veita aðgang að fjárlagatillögum lögreglustjórans í Reykjavík fyrir árin 2000 og 2001 ásamt gögnum og rökstuðningi er þeim hafi fylgt. Gildissvið upplýsingalaga. Upplýsingaréttur alþingismanna. Gögn sem upplýsingalögin taka til. Vinnuskjöl. Eigin afnot stjórnvalds af vinnuskjali. Gögn tekin saman fyrir ráðherrafund. Fyrirhugaðar ráðstafanir. Ráðstöfunum að fullu lokið. Aðgangur veittur.
A-129/2001 Úrskurður frá 19. september 2001
Kærð var synjun Íbúðalánasjóðs um að veita aðgang að upplýsingum stöðu á tilteknu láni hjá sjóðnum. Upplýsingar kerfisbundið færðar í skiplagsbundna skrá. Gildissvið gagnvart lögum um persónuvernd og meðferð persónuupplýsinga. Frávísun.
A-127/2001 Úrskurður frá 6. september 2001
Kærð var synjun Endurbótasjóðs menningarbygginga um að veita aðgang að fundargerðum sjóðsstjórnar næstliðin tvö ár. Rannsókn í opinberu máli. Tilgreining máls. Beiðni varðar aðgang að fleiri en einu máli. Umfang gagna. Vinnuskjal. Aðgangur veittur að hluta.
A-128/2001 Úrskurður frá 6. september 2001
Kærð var synjun landbúnaðarráðuneytisins um að afhenda kærendum ljósrit af reikningi tiltekins hæstaréttarlögmanns fyrir vinnu við gerð samkomulags um ábúðarlok kærenda á tilteknum jörðum. Málshraði. Ámælisverður dráttur á afgreiðslu máls. Upplýsingaréttur aðila máls. Einkahagsmunir annarra. Aðgangur veittur. Skylt að veita ljósrit af umbeðnu skjali.
A-126/2001 Úrskurður frá 31. ágúst 2001
Kærð var synjun Ríkiskaupa um að veita aðgang að niðurstöðum vinnuhópa í verkþætti 2 í útboði á nýju fjárhagskerfi fyrir ríkissjóð og stofnanir hans og að tilteknu tilboði í útboðinu. Upplýsingaréttur aðila máls. Vinnuskjöl. Einkahagsmunir annarra. Mikilvægir viðskiptahagsmunir. Synjun staðfest.
A-124/2001 Úrskurður frá 10. ágúst 2001
Kærð var synjun Framkvæmdasýslu ríkisins um að veita aðgang að sundurliðuðu yfirliti um kostnað vegna framkvæmda við Þjóðleikhúsið á árunum 1996–1998. Gögn varða rannsókn að hætti opinberra mála. Frávísun. Sérálit.
A-123/2001 Úrskurður frá 10. ágúst 2001
Kærð var synjun þjóðleikhússtjóra um að veita aðgang að fundargerðum byggingarnefndar Þjóðleikhússins. Gögn varða rannsókn að hætti opinberra mála. Frávísun. Sérálit.
A-125/2001 Úrskurður frá 10. ágúst 2001
Kærð var synjun menntamálaráðuneytisins um að veita aðgang að minnisblöðum og bréfum í vörslum ráðuneytisins varðandi ráðuneytið og Framkvæmdasýslu ríkisins vegna byggingarnefndar Þjóðleikhússins. Gögn varða rannsókn að hætti opinberra mála. Frávísun. Sérálit.
A-122/2001 Úrskurður frá 1. ágúst 2001
Kærð var synjun Akureyrarbæjar um að veita aðgang að ráðningarsamningum við tvo sviðsstjóra hjá bænum. Gildissvið gagnvart lögum um persónuvernd og meðferð persónuupplýsinga. Upplýsingaréttur aðila máls. Einkahagsmunir annarra. Aðgangur veittur.
A-121/2001 Úrskurður frá 31. júlí 2001
Kærð var synjun Flugmálastjórnar um að veita aðgang að athugasemdum stofnunarinnar við drög að skýrslu rannsóknarnefndar flugslysa vegna tiltekins flugslyss. Upplýsingaréttur aðila máls. Sérstök ákvæði laga um þagnarskyldu. Þjóðréttarlegar skuldbindingar um takmarkanir á aðgangi. Skýring upplýsingalaga til samræmis við alþjóðasamninga sem Ísland á aðild að. Markmið upplýsingalaga. Aðgangur veittur.
A-120/2001 Úrskurður frá 2. júlí 2001
Kærð var meðferð Launasjóðs fræðirithöfunda á beiðni um aðgang að tilteknum upplýsingum um úthlutun starfslauna á árinu 2001. Kærandi aðili að stjórnsýslumáli í skilningi stjórnsýslulaga. Gildissvið upplýsingalaga gagnvart stjórnsýslulögum. Frávísun.
A-119/2001 Úrskurður frá 14. júní 2001
Kærð var synjun húsnæðisnefndar Reykjavíkur um að veita aðgang að upplýsingum um sölu íbúða á vegum nefndarinnar á tímabilinu frá 4. júní 1999 til 10. febrúar 2001. Umbeðnar upplýsingar ekki verið teknar saman. Fyrirliggjandi gögn. Tilgreining máls eða gagna í máli. Gögn í fjölda mála. Umfang mála. Synjun staðfest.
A-118/2001 Úrskurður frá 22. maí 2001
Kærð var synjun hreindýraráðs um að veita aðgang að upplýsingum um skiptingu hreindýraarðs í tilteknu sveitarfélagi vegna hreindýraveiða á árinu 2000. Gildissvið laga um persónuvernd og meðferð persónuupplýsinga gagnvart upplýsingalögum. Afmörkun máls í skilningi upplýsingalaga. Einka- eða fjárhagsmálefni einstaklinga. Aðgangur veittur.
A-117/2001B Úrskurður frá 17. maí 2001
Kærð var synjun Byggðastofnunar um að veita aðgang að gögnum samskipti stofnunarinnar við útgerðaraðila togara. Gildissvið upplýsingalaga. Frestur stjórnvalda til að láta úrskurðarnefnd í té rökstutt álit á máli. Skylda stjórnvalda til að láta úrskurðarnefnd gögn máls í té. Mikilvægir fjárhagshagsmunir fyrirtækja. Þagnarskylda. Lögskýring. Samkeppnishagsmunir hins opinbera. Ráðstöfun almannafjár. Almennir lánaskilmálar. Vinnuskjöl. Synjun staðfest. Aðgangur veittur að hluta.
A-117/2001 Úrskurður frá 7. maí 2001
Byggðastofnun krafðist þess að réttaráhrifum úrskurðar, sem kveðinn var upp 7. maí 2001 í málinu nr. A-117/2001, yrði frestað að því er varðaði gögn sem stofnuninni var gert skylt að veita kæranda aðgang að. Skýring upplýsingalaga. Kröfu hafnað.
A-116/2001 Úrskurður frá 23. apríl 2001
Kæra á synjun Landsvirkjunar um að veita aðgang að fundargerðum í vörslum Landsvirkjunar um virkjun eða stíflugerð í Laxá í Suður-Þingeyjarsýslu, uppgræðslu við Kráká og samninga við aðila á Laxársvæðinu var tekin til meðferðar á ný vegna tilmæla umboðmanns Alþingis. Fyrirliggjandi gögn um umhverfismál. Gildissvið upplýsingalaga. Kæruheimild. Gildissvið laga um upplýsingamiðlun og aðgang að upplýsingum um umhverfismál. Áhrif hins opinbera á einkaréttarlegt fyrirtæki. Upplýsingaréttur aðila máls. Vinnuskjöl. Fundargerðir. Upplýsingar sem ekki verður aflað annars staðar frá. Samkeppnishagsmunir hins opinbera. Einkahagsmunir annarra. Aðgangur veittur.
A-115/2001 Úrskurður frá 9. mars 2001
Kærð var synjun landbúnaðarráðuneytisins um að veita að aðgang að myndbandsupptöku, er hafði verið í vörslum ráðuneytisins þegar beiðni um aðgang barst, en fjarlægð þaðan áður en hún var afgreidd. Gagn er varðar tiltekið mál. Málshraði. Meginmarkmið upplýsingalaga. Skylda til að varðveita málsgögn þannig að þau séu aðgengileg. Forsendur kærumeðferðar. Frávísun.
A-114/2001 Úrskurður frá 23. febrúar 2001
Kærð var meðferð tollstjórans í Reykjavík á beiðni um aðgang að upplýsingum um hversu mörgum gjaldendum hefðu verið greiddir inneignarvextir vegna endurákvörðunar skatta og gjalda á tímabilinu frá 1. janúar 1995 til júlí 1999 og hvaða fjárhæðum þær greiðslur næmu. Umbeðnar upplýsingar ekki verið teknar saman. Fyrirliggjandi gögn. Tilgreining máls. Gögn í fjölda mála. Ekki skylt að verða við beiðni. Synjun staðfest.
A-113/2001 Úrskurður frá 13. febrúar 2001
Kærðar voru synjanir félagsmálaráðuneytisins og Seðlabanka Íslands um að veita aðgang að drögum að reglugerð um breytingu á reglugerð um húsbréf og húsbréfaviðskipti. Beiðni um aðgang skal einvörðungu beint að því stjórnvaldi sem gefur fyrirmæli út. Kæruheimild. Frávísun. Fyrirhugaðar ráðstafanir á vegum hins opinbera. Synjun staðfest.
A-112/2001 Úrskurður frá 25. janúar 2001
Kærð var synjun ríkissaksóknara um að veita aðgang að bréfum tveggja sálfræðinga. Gildissvið upplýsingalaga. Gagna ekki aflað vegna rannsóknar eða saksóknar í opinberu máli. Gildissvið gagnvart stjórnsýslulögum. Upplýsingaréttur aðila máls. Bréfaskipti við sérfróða menn til afnota í dómsmáli eða við athugun á því hvort slíkt mál skuli höfðað. Ástæður stjórnvalds fyrir öflun gagna. Einkahagsmunir annarra. Aðgangur veittur.
A-111/2001 Úrskurður frá 23. janúar 2001
Kærð var synjun forsætisráðuneytisins um að veita aðgang að minnisblaði, sem fylgdi skipunarbréfi starfshóps, er forsætisráðherra skipaði í samræmi við ákvörðun ríkisstjórnarinnar til að meta áhrif hæstaréttardóms frá 19. desember 2000 í málinu nr. 125/2000: Tryggingastofnun ríkisins gegn Öryrkjabandalagi Íslands. Gögn tekin saman fyrir ráðherrafund. Upplýsingaréttur aðila máls. Synjun staðfest.
A-109/2000 Úrskurður frá 21. desember 2000
Kærð var meðferð Húsaskóla og Öldutúnsskóla á beiðnum um aðgang að öllum fyrirliggjandi gögnum um kæranda. Gildissvið gagnvart tölvulögum. Frávísun.
A-110/2000 Úrskurður frá 21. desember 2000
Kærð var synjun Siglingastofnunar Íslands um að veita aðgang að skoðunarskýrslu skips. Mikilvægir fjárhags- eða viðskiptahagsmunir fyrirtækja eða annarra lögaðila. Aðgangur veittur.
A-108/2000 Úrskurður frá 30. nóvember 2000
Kærð var meðferð byggingarfulltrúa Dalabyggðar og Reykhólahrepps á ítrekaðri beiðni um aðgang að upplýsingum um tiltekin hús í Flatey á Breiðafirði. Málshraði. Fyrirliggjandi gögn. Tilgreining máls. Ekki skylt að veita aðgang.
A-106/2000 Úrskurður frá 10. nóvember 2000
Kærð var synjun utanríkisráðuneytisins um aðgang að gögnum varðandi andlát unnusta kæranda. Upplýsingaréttur aðila máls. Fordæmi hæstaréttar. Lögskýring. Meginregla upplýsingalaga. Einkamálefni einstaklinga. Vinnuskjal. Synjun staðfest.
A-107/2000 Úrskurður frá 7. nóvember 2000
Kærð var synjun Sjúkrahúss Reykjavíkur um að veita aðgang að upplýsingum um hverjum hafi verið veittur aðgangur að sjúkraskrám kæranda. Gildissvið gagnvart tölvulögum og lögum um réttindi sjúklinga. Kæruheimild. Frávísun.
A-105/2000 Úrskurður frá 2. nóvember 2000
Kærðar voru synjanir samgönguráðuneytisins og Flugmálastjórnar um aðgang að skjölum og öðrum gögnum um vöruflutningavél sem kom hingað til lands. Öll gögn er málið varða. Skráning mála. Skráning upplýsinga um málsatvik. Valdbærni. Þagnarskylda. Synjun staðfest. Aðgangur veittur.
A-104/2000 Úrskurður frá 13. október2000
Kærð var meðferð utanríkisráðuneytisins á beiðni um aðgang að gögnum um samvinnu íslenskra aðila við fyrirtæki í Kína um framleiðslu á lakkrís. Ámælisverður dráttur á afgreiðslu á beiðni. Kærufrestur. Mikilvægir fjárhags- eða viðskiptahagsmunir fyrirtækja og annarra lögaðila. Mikilvægir almannahagsmunir vegna samskipta við önnur ríki eða fjölþjóðastofnanir. Skýring upplýsingalaga. Fordæmi hæstaréttar. Synjun staðfest.
A-103/2000 Úrskurður frá 7. september 2000
Kærð var meðferð sóknarnefndar Borgarnessóknar á beiðni um aðgang að gjaldskrá og ársreikningum Útfararþjónustu Borgarfjarðar. Gildissvið upplýsingalaga. Beiðni beint að réttu stjórnvaldi. Samkeppnishagsmunir hins opinbera. Mikilvægir fjárhags- eða viðskiptahagsmunir fyrirtækja eða annarra lögaðila. Lögskýring. Aðgangur veittur að hluta.

Úrskurðarnefnd um upplýsingamál