Úrskurðarnefnd um upplýsingamál

Úrskurðarnefnd um upplýsingamál er starfrækt á grundvelli V. kafla upplýsingalaga nr. 140/2012 til að leysa úr ágreiningsmálum um aðgang almennings að upplýsingum hjá stjórnvöldum. Nefndin er sjálfstæð og óháð stjórnsýslunefnd sem skipað er til hliðar við hið almenna stjórnkerfi ríkis og sveitarfélaga. Valdsvið nefndarinnar nær til allrar stjórnsýslu hins opinbera án tillits til á hvaða stjórnsýslustigi ákvörðun er tekin. Aðili þarf því ekki að tæma aðrar kæruleiðir innan stjórnsýslunnar áður en til hennar er leitað. Úrskurðir nefndarinnar eru endanlegir og verður ekki skotið annað innan stjórnsýslunnar. Þeir hafa því jafnframt fordæmisgildi fyrir önnur stjórnvöld og stuðla þannig að auknu samræmi í framkvæmd upplýsingalaganna.

Sjá nánar um kæruheimild og verklagsreglur nefndarinnar.

Skipan úrskurðarnefndar

Samkvæmt 21. gr. upplýsingalaga nr. 140/2012 skipar forsætisráðherra þrjá menn í úrskurðarnefnd um upplýsingamál til fjögurra ára í senn og jafnmarga til vara. Tveir nefndarmenn og varamenn þeirra skulu uppfylla starfsgengisskilyrði héraðsdómara. Skal annar þeirra vera formaður nefndarinnar en hinn varaformaður. Nefndarmenn mega ekki vera fastráðnir starfsmenn í Stjórnarráði Íslands. Sjá skipan úrskurðarnefndar.

Nefndin er sjálfstæð í störfum sínum og óháð öðrum stjórnvöldum. Nefndin nýtur þó ritara og skrifstofuþjónustu úr forsætisráðuneytinu og má beina kærum til nefndarinnar á netfangið [email protected]. Einnig er unnt að senda kæru til nefndarinnar með því að fylla út rafrænt eyðublað á vef Stjórnarráðsins, mínar síður (sjá leiðbeiningar um notkun á mínum síðum).

Ritari nefndarinnar er Egill Pétursson.

Hér fyrir neðan eru allir úrskurðir nefndarinnar. Á annarri síðu er hægt að nota fullkomnari leit sem tekur t.d. tillit til beygingar orða og þar er einnig hægt að leita innan ákveðins árs.

 Sýni 1301-1350 af 1386 niðurstöðum
81/1999 Úrskurður frá 1. september 1999 í málinu nr. A-81/1999

Kærð var synjun iðnaðarráðuneytisins um að að veita aðgang að prófskírteinum tiltekinna arkitekta, húsgagna- og innanhússhönnuða og byggingarfræðinga sem lögð höfðu verið til grundvallar löggildingu starfsréttinda þeirra. Tilgreining máls eða gagna í máli. Gögn í fjölda mála. Synjun staðfest.

82/1999 Úrskurður frá 1. september 1999 í málinu nr. A-82/1999

Kærð var synjun Seltjarnarneskaupstaðar um aðgang að upplýsingum um laun og launakjör 81 nafngreinds starfsmanns kaupstaðarins. Fyrirliggjandi gögn. Tilgreining máls eða gagna í máli. Gögn í fjölda mála. Gildissvið gagnvart tölvulögum. Einka- eða fjárhagsmálefni einstaklinga. Synjun staðfest.

78c/1999 Úrskurður frá 25. ágúst 1999 í málinu nr. A-78/1999c

Fjármálaeftirlitið krafðist þess að réttaráhrifum úrskurðar, sem kveðinn var upp 16. ágúst 1999 í málinu nr. A-78/1999, yrði frestað að því er varðaði gögn sem stofnuninni var gert skylt að veita kæranda aðgang að. Skýring upplýsingalaga. Kröfu hafnað.

78b/1999 Úrskurður frá 16. ágúst 1999 í málinu nr. A-78/1999b

Kærð var synjun Fjármálaeftirlitsins um aðgang að bréfaskiptum stofnunarinnar og tveggja lífeyrissjóða vegna fjárfestinga þeirra í hlutabréfum fyrirtækja í heimabyggð sjóðanna. Fyrirliggjandi gögn. Þagnarskylda. Mikilvægir fjárhagshagsmunir fyrirtækja og annarra lögaðila. Synjun staðfest. Eftirlitshagsmunir hins opinbera. Aðgangur veittur.

80/1999 Úrskurður frá 28. júlí 1999 í málinu nr. A-80/1999

Kærð var synjun landbúnaðarráðuneytisins um að veita aðgang að tilteknum upplýsingum um ríkisjarðir. Kærufrestur. Kæruleiðbeiningar. Frávísun. Fyrirliggjandi gögn. Tilgreining máls eða gagna í máli. Gögn í fjölda mála. Synjun staðfest.

78a/1999 Úrskurður frá 20. júlí 1999 í málinu nr. A-78/1999a

Kærð var synjun Fjármálaeftirlitsins um aðgang að bréfaskiptum stofnunarinnar og tveggja lífeyrissjóða vegna fjárfestinga þeirra í hlutabréfum fyrirtækja í heimabyggð sjóðanna. Meginregla upplýsingalaga. Fyrirliggjandi gögn þegar afstaða er tekin til beiðni. Gildissvið upplýsingalaga. Þagnarskylda. Skýring upplýsingalaga. Kæruheimild. Kærusamband. Rannsóknarskylda úrskurðarnefndar. Skylt að láta úrskurðarnefnd umbeðin gögn í té.

79/1999 Úrskurður frá 20. júlí 1999 í málinu nr. A-79/1999

Kærð var synjun ríkissaksóknara um að veita aðgang að greinargerð lögreglu um rannsókn á starfsemi tiltekins eignarleigufyrirtækis ásamt gögnum er henni fylgdu. Rannsókn eða saksókn í opinberu máli. Gildissvið upplýsingalaga. Kæruheimild. Frávísun.

77/1999 Úrskurður frá 2. júlí 1999 í málinu nr. A-77/1999

Kærð var synjun stjórnar Vinnueftirlits ríkisins um aðgang að gögnum er veittu upplýsingar um öryggisútbúnað krana í eigu tiltekinna aðila. Kröfugerð kæranda. Gildissvið gagnvart tölvulögum. Tilgreining máls eða gagna í máli. Ekki skylt að veita aðgang. Sérálit.

75/1999 Úrskurður frá 23. júní 1999 í málinu nr. A-75/1999

Kærð var meðferð Vestmannaeyjabæjar á beiðnum um aðgang að upplýsingum. Kæruheimild. Fyrirliggjandi gögn. Gildissvið gagnvart tölvulögum. Frávísun. Gögn í skilningi upplýsingalaga. Tilgreining máls eða gagna í máli. Kröfugerð kæranda. Synjun staðfest.

76/1999 Úrskurður frá 15. júní 1999 í málinu nr. A-76/1999

Kærð var meðferð sambýlis fyrir fatlaða á beiðni um aðgang að gögnum sem höfðu að geyma upplýsingar um meðferð og töku ákvörðunar um að binda enda á samskipti kæranda við íbúa á sambýlinu. Gildissvið gagnvart stjórnsýslulögum. Upplýsingaréttur aðila. Einkamálefni annarra. Aðgangur veittur.

74/1999 Úrskurður frá 25. maí 1999 í málinu nr. A-74/1999

Kærð var synjun Ríkiskaupa um að veita aðgang að forvalsgögnum vegna tiltekins útboðs og samningum sem gerðir voru á grundvelli þess. Gildissvið upplýsingalaga. Upplýsingaréttur aðila. Skýring upplýsingalaga. Samkeppnishagsmunir hins opinbera. Einkamálefni annarra. Synjun staðfest. Mikilvægir fjárhags- eða viðskiptahagsmunir fyrirtækja. Samkeppni. Aðgangur veittur að hluta.

72/1999 Úrskurður frá 23. mars 1999 í málinu nr. A-72/1999

Kærð var meðferð Þróunarfélags Vestmannaeyja sf. á fjórum umsóknum um aðgang að upplýsingum. Gildissvið upplýsingalaga. Frávísun.

73/1999 Úrskurður frá 23. mars 1999 í málinu nr. A-73/1999

Kærð var meðferð læknadeildar Háskóla Íslands á beiðnum um aðgang að tilteknum prófum í deildinni á árunum 1990 til 1998. Meginregla upplýsingalaga. Almannahagsmunir. Fyrirhuguð próf. Brottfall takmarkana. Aðgangur veittur.

71/1999 Úrskurður frá 27. janúar 1999 í málinu nr. A-71/1999

Kærð var synjun Ríkiskaupa um að veita aðgang að gögnum vegna tiltekins útboðs. Kærufrestur. Leiðbeiningarskylda stjórnvalda. Gildissvið upplýsingalaga. Skýring upplýsingalaga. Gildissvið gagnvart stjórnsýslulögum. Upplýsingaréttur aðila. Samkeppnishagsmunir hins opinbera. Einkamál efni annarra. Aðgangur veittur. Aðgangur veittur að hluta.

70/1998 Úrskurður frá 29. desember1998 í málinu nr. A-70/1998

Kærð var synjun heilbrigðis- og tryggingamálaráðuneytisins um að synja um að veita aðgang að umsögn stöðunefndar um umsækjendur um embætti landlæknis. Umsókn um störf hjá ríki eða sveitarfélögum og gögn sem þær varða. Synjun staðfest.

69/1998 Úrskurður frá 18. desember 1998 í málinu nr. A-69/1998

Kærð var synjun Landsbanka Íslands hf. um að veita aðgang að skjölum og gögnum um laxveiðar á kostnað Landsbanka Íslands hf. Fyrirliggjandi upplýsingar. Gögn í skilningi upplýsingalaga. Gildissvið gagnvart tölvulögum. Kæruheimild. Frávísun. Synjun staðfest.

68/1998 Úrskurður frá 17. desember 1998 í málinu nr. A-68/1998

Kærð var synjun fjármálaráðuneytisins um að veita aðgang að skjölum um útreikning bifreiðahlunninda ráðherra. Einka- eða fjárhagsmálefni einstaklinga. Aðgangur veittur að hluta.

67/1998 Úrskurður frá 3. desember 1998 í málinu nr. A-67/1998

Kærð var synjun landbúnaðarráðuneytisins um að veita aðgang að samningi um malartökuleyfi og öðrum tengdum gögnum. Meginregla upplýsingalaga. Mikilvægir fjárhags- eða viðskiptahagsmunir fyrirtækja. Aðgangur veittur. Aðgangur veittur að hluta.

66/1998 Úrskurður frá 30. nóvember 1998 í málinu nr. A-66/1998

Kærð var meðferð Vestmannaeyjabæjar á ýmsum erindum kæranda. Sameining mála. Kæruheimild. Fyrirliggjandi gögn. Tilgreining máls. Gildissvið gagnvart tölvulögum. Meginregla upplýsingalaga. Málshraði. Frávísun. Aðgangur veittur. Synjun staðfest.

64/1998 Úrskurður frá 30. nóvember 1998 í málinu nr. A-64/1998

Kærð var synjun ríkistollstjóra um að veita aðgang að gögnum um innflutning og tollmeðferð háhyrningsins Keikós. Beiðni um aðgang ekki beint að réttu stjórnvaldi. Valdbærni. Kæruheimild. Frávísun.

65/1998 Úrskurður frá 25. nóvember 1998 í málinu nr. A-65/1998

Kærð var synjun Siglingastofnunar Íslands um að veita aðgang að gögnum um breytingar á skráðu afli aðalvéla í ótilgreindum fjölda skipa. Gildissvið gagnvart stjórnsýslulögum. Kæruheimild. Kæruleið. Valdþurrð. Kærufrestur. Fyrirliggjandi gögn. Tilgreining máls. Synjun staðfest.

63/1998 Úrskurður frá 19. nóvember 1998 í málinu nr. A-63/1998

Kærð var synjun landbúnaðarráðuneytisins um að veita aðgang að álagningarskrá sem hafði að geyma yfirlit um leigu á ríkisjörðum. Gögn í skilningi upplýsingalaga. Tilgreining máls. Meginregla upplýsingalaga. Einka- eða fjárhagsmálefni einstaklinga. Aðgangur veittur að hluta.

62/1998 Úrskurður frá 12. nóvember 1998 í málinu nr. A-62/1998

Kærð var synjun utanríkisráðuneytisins um að veita aðgang að bréfaskriftum ráðuneytisins til bandarískra yfirvalda vegna útboðs á sjóflutningum fyrir varnarliðið á Keflavíkurflugvelli. Tilgreining máls. Mikilvægir almannahagsmunir vegna öryggis- eða varnarmála. Mikilvægir almannahagsmunir vegna samskipta við önnur ríki. Synjun staðfest.

61/1998 Úrskurður frá 18. október 1998 í málinu nr. A-61/1998

Kærð var synjun landbúnaðarráðuneytisins um að veita aðgang að skýrslu ríkisendurskoðunar um tiltekið hlutafélag og önnur gögn er hana vörðuðu. Gildissvið upplýsingalaga. Mikilvægir fjárhagshagsmunir fyrirtækja. Synjun staðfest.

60/1998 Úrskurður frá 8. október 1998 í málinu nr. A-60/1998

Kærð var synjun Skipulagsstofnunar um að veita upplýsingar um greiddan og áætlaðan kostnað af gerð svæðisskipulags fyrir miðhálendið. Fyrirliggjandi gögn. Gögn í skilningi upplýsingalaga. Gildissvið gagnvart tölvulögum. Kæruheimild. Frávísun.

59/1998 Úrskurður frá 1. október 1998 í málinu nr. A-59/1998

Kærð var synjun utanríkisráðuneytisins um að veita aðgang að gögnum um eignir sem eigendur sameignarfélags hefðu tekið úr félaginu og skipt með sér við slit þess. Kærufrestur. Leiðbeiningarskylda stjórnvalda. Mikilvægir fjárhags- eða viðskiptahagsmunir fyrirtækja. Mikilvægir almannahagsmunir vegna viðskipta. Synjun staðfest.

58/1998 Úrskurður frá 25. september 1998 í málinu nr. A-58/1998

Kærð var synjun Samkeppnisstofnunar um að veita aðgang að öllum gögnum um álit samkeppnisráðs um samruna tiltekinna fyrirtækja. Þagnarskylda. Gildissvið gagnvart þjóðréttarsamningum. Mikilvægir fjárhags- eða viðskiptahagsmunir fyrirtækja. Synjun staðfest.

57/1998 Úrskurður frá 21. september 1998 í málinu nr. A-57/1998

Kærð var synjun Hagþjónustu landbúnaðarins um að veita aðgang að drögum að skýrslu um úttekt og stöðumat á hrossabúskap í landinu. Vinnuskjal. Eigin afnot stjórnvalds. Synjun staðfest.

56/1998 Úrskurður frá 18. september 1998 í málinu nr. A-56/1998

Kærð var synjun Félagsmálastofnunar Reykjavíkur um að veita aðgang að gögnum um afskipti barnaverndarnefndar af högum kæranda og fjölskyldu hennar. Upplýsingaréttur aðila. Einkamálefni annarra. Aðgangur veittur. Einkamálefni einstaklinga. Synjun staðfest.

B-31/1998 Úrlausn frá 2. september 1998 í málinu nr. B-31/1998

Álitsumleitan Almannavarna ríkisins um úrlausn á beiðni um aðgang að upplýsingum. Hlutverk úrskurðarnefndar. Kæruheimild. Stjórnvöld geta ekki borið álitaefni um túlkun upplýsingalaga undir úrskurðarnefnd um upplýsingamál.

55/1998 Úrskurður frá 27. ágúst 1998 í málinu nr. A-55/1998

Kærð var synjun Menningarsjóðs útvarpsstöðva um að veita upplýsingar um greiðslur í sjóðinn og styrkveitingar úr honum. Fyrirliggjandi gögn. Gildissvið gagnvart tölvulögum. Kæruheimild. Aðgangur veittur. Frávísun.

54/1998 Úrskurður frá 17. ágúst 1998 í málinu nr. A-54/1998

Kærð var synjun Búnaðarbanka Íslands hf. um að veita aðgang að gögnum um afnot af íbúð bankans í Lundúnum. Gildissvið upplýsingalaga. Gildissvið gagnvart tölvulögum. Gögn í skilningi upplýsingalaga. Gildissvið upplýsingalaga gagnvart starfsemi sem færð hefur verið úr opinberu í einkaréttarlegt rekstrarumhverfi. Einkamálefni einstaklinga. Mikilvægir almannahagsmunir. Aðgangur veittur.

53/1998 Úrskurður frá 7. ágúst 1998 í málinu nr. A-53/1998

Kærð var synjun Búnaðarbanka Íslands hf. um að veita upplýsingar um laxveiðiferðir stjórnenda Búnaðarbanka Íslands. Gildissvið upplýsingalaga. Gildissvið upplýsingalaga gagnvart starfsemi sem færð hefur verið úr opinberu í einkaréttarlegt rekstrarumhverfi. Skylda til skráningar mála og varðveislu málsgagna. Fyrirliggjandi gögn. Synjun staðfest.

52/1998 Úrskurður frá 16. júlí 1998 í málinu nr. A-52/1998

Kærð var synjun Fangelsismálastofnunar ríkisins um að veita aðgang að gögnum um meðferð á umsókn kæranda um að fá að afplána hluta af fangelsisrefsingu með vistun utan fangelsis. Kærandi aðili að stjórnsýslumáli. Gildissvið gagnvart stjórnsýslulögum. Kæruheimild. Frávísun.

51/1998 Úrskurður frá 11. júlí 1998 í málinu nr. A-51/1998

Kærð var synjun Landsbanka Íslands hf. um að veita aðgang að hluta af skýrslu lögmanns um réttarstöðu fyrrverandi bankastjóra bankans. Gildissvið upplýsingalaga. Frávísun.

49/1998 Úrskurður frá 26. júní 1998 í málinu nr. A-49/1998

Kærð var synjun sýslumanns um að veita aðgang að lögregluskýrslu vegna ætlaðs húsbrots og eignaspjalla. Rannsókn eða saksókn í opinberu máli. Gildissvið upplýsingalaga. Kæruheimild. Frávísun.

50/1998 Úrskurður frá 26. júní 1998 í málinu nr. A-50/1998

Kærð var synjun heilbrigðis og tryggingamálaráðuneytisins um að veita aðgangað tveimur lögfræðiálitum sem hafði verið aflað við undirbúning nýrrar lyfjalöggjafar. Fyrirliggjandi gögn. Bréfaskipti við sérfræðinga til afnota í dómsmáli eða við athugun á því hvort slíkt mál skuli höfðað. Aðgangur veittur.

48/1998 Úrskurður frá 22. júní 1998 í málinu nr. A-48/1998

Kærð var synjun Tryggingastofnunar ríkisins um að veita upplýsingar um greiðslur stofnunarinnar til einstakra lyfjabúða og um innbyrðis stærðarhlutföll þeirra, á tilteknu tímabili. Gögn í skilningi upplýsingalaga. Samkeppni. Mikilvægir viðskiptahagsmunir fyrirtækja eða annarra lögaðila. Synjun staðfest.

B-27/1998 Úrlausn frá 2. júní 1998 í málinu nr. B-27/1998

Kærð var meðferð utanríkisráðuneytisins á beiðni um aðgang að öllum gögnum um svokallað Heiðarfjallsmál eða H-2 svæðið á Heiðarfjalli/Hrolllaugsstaðafjalli í landi Eiðis á Langanesi eða um beiðendur upplýsinganna. Skráning gagna. Málshraði. Tilkynning um ástæður tafa og hvenær ákvörðunar sé að vænta.

47/1998 Úrskurður frá 24. apríl 1998 í málinu nr. A-47/1998

Kærð var staðfesting dóms- og kirkjumálaráðuneytisins og á synjun sýslumannsins í Reykjavík um að veita aðgang að gögnum um fjárhag ófjárráða sonar kæranda. Gildissvið upplýsingalaga gagnvart stjórnsýslulögum. Kærandi aðili að stjórnsýslumáli. Kæruheimild. Frávísun.

45/1998 Úrskurður frá 15. apríl 1998 í málinu nr. A-45/1998

Kærð var synjun Háskóla Íslands um að veita aðgang að dómnefndaráliti um umsækjendur um starf prófessors. Kæruheimild. Umsóknir um störf hjá ríki eða sveitarfélögum og gögn sem þær varða. Synjun staðfest.

40/1998 Úrskurður frá 15. apríl 1998 í málinu nr. A-40/1998

Kærð var synjun heilbrigðis- og tryggingamálaráðuneytisins um að veita aðgang að skýrslu um fjárhagslega aðgreiningu rannsóknarstofa í blóðmeinafræði og meinefnafræði frá öðrum rekstri Landspítala og Borgarspítala. Samkeppnishagsmunir hins opinbera. Mikilvægir almannahagsmunir. Fyrirhugaðar ráðstafanir. Frestur til að hrinda ráðstöfunum í framkvæmd. Synjun staðfest.

46/1998 Úrskurður frá 26. mars 1998 í málinu nr. A-46/1998

Kærð var meðferð Ísafjarðarbæjar á beiðni um upplýsingar um styrki til greiðslu fasteignagjalda af fasteignum á Flateyri og um uppkaup húseigna þar og synjun um aðgang að matsgerð verkfræðinga um skemmdir þar. Tilgreining máls. Kæruheimild. Fjárhagsmálefni einstaklinga. Aðgangur veittur.

43/1998 Úrskurður frá 3. mars 1998 í málinu nr. A-43/1998

Kærð var synjun Flugmálastjórnar um að veita upplýsingar um greidda, fasta/óunna yfirvinnu, bifreiðahlunnindi og aðrar fastar greiðslur til nafngreindra starfsmanna stofnunarinnar. Fyrirliggjandi gögn. Tilgreining máls. Gildissvið gagnvart tölvulögum. Fjárhagsmálefni einstaklinga. Synjun staðfest.

41/1998 Úrskurður frá 26. febrúar 1998 í málinu nr. A-41/1998

Kærð var synjun Biskupsstofu um að veita aðgang að bréfi er kærandi hafði sjálfur ritað. Skylda til að skrá mál og varðveita málsgögn. Einkamálefni einstaklinga. Aðgangur veittur.

42/1998 Úrskurður frá 20. febrúar 1998 í málinu nr. A-42/1998

Beiðni um endurupptöku máls hafnað.

44/1998 Úrskurður frá 20. febrúar 1998 í málinu nr. A-44/1998

Kærð var meðferð Kópavogsbæjar á beiðni um upplýsingar um heildargreiðslu til tveggja verktaka fyrir skipulagsvinnu. Málshraði. Ámælisverður dráttur á meðferð máls. Gildissvið gagnvart tölvulögum. Kæruheimild. Frávísun.

39/1998 Úrskurður frá 13. febrúar 1998 í málinu nr. A-39/1998

Kærð var meðferð og afgreiðsla Reykjavíkurborgar á ýmsum erindum kæranda. Fyrirliggjandi gögn. Tilgreining máls. Gildissvið gagnvart tölvulögum. Meginregla upplýsingalaga. Fjárhagsmálefni einstaklinga. Nýtt skjal eða gagn búið til í skilningi upplýsingalaga. Meðferð máls ekki lokið. Vinnuskjal. Valdbærni. Kærufrestur. Beiðni um endurupptöku máls. Synjun staðfest. Aðgangur veittur. Frávísun. Endurupptöku hafnað.

38/1998 Úrskurður frá 4. febrúar 1998 í málinu nr. A-38/1998

Kærð var synjun Vegagerðarinnar um að veita aðgang að gögnum um niðurstöðu útboðs á vetrarþjónustu á Holtavörðuheiði. Kærufrestur. Leiðbeiningarskylda stjórnvalds. Upplýsingaréttur aðila. Vinnuskjal. Upplýsingar ekki að finna annars staðar. Einkamálefni annarra. Aðgangur veittur að hluta.

36/1998 Úrskurður frá 13. janúar 1998 í málinu nr. A-36/1998

Kærð var synjun Flugmálastjórnar um að veita upplýsingar um laun ákvörðuð í einstaklingsbundnum ráðningarsamningum við félagsmenn. Kærufrestur. Leiðbeiningarskylda stjórnvalds. Gildissvið gagnvart tölvulögum. Tilgreining máls. Meginregla upplýsingalaga. Einka- eða fjárhagsmálefni einstaklinga. Stjórnvaldi ekki skylt að veita aðgang. Stjórnvaldi óheimilt að veita aðgang.

Úrskurðarnefnd um upplýsingamál