Úrskurðarnefnd um upplýsingamál

Kærð var synjun Landsvirkjunar um að veita aðgang að gögnum um virkjun eða stíflugerð í Laxá, uppgræðslu við Kráká og samningum við aðila á Laxársvæðinu. Gildissvið. Kæruheimild. Frávísun.

Kærð var meðferð bankastjórnar Landsbanka Íslands á beiðni um upplýsingar um ferðakostnað maka bankastjóra og aðstoðarbankastjóra bankans á tilteknu tímabili. Málshraði. Ámælisverður dráttur á að beiðni væri afgreidd. Synjun. Kæruheimild. Gildissvið gagnvart tölvulögum. Tilgreining máls. Fyrirliggjandi gögn. Synjun staðfest.

Kærð var meðferð Ríkiskaupa á beiðni um aðgang að útboðsskilmálum vegna sölu tiltekinnar ríkisjarðar, öllum kauptilboðum sem bárust og að kaupsamningi sem gerður var um hana. Málshraði. Synjun. Kæruheimild. Einka- eða fjárhagsmálefni einstaklinga. Ákvæði annarra laga, er heimila víðtækari aðgang að gögnum, halda gildi sínu. Þinglýsing. Aðgangur veittur.

Kærð var synjun landbúnaðarráðuneytisins um að veita aðgang að forðagæsluskýrslum fyrir Hvalfjarðarstrandarhrepp. Beiðni beint að réttu stjórnvaldi. Ákvæði annarra laga, sem heimila víðtækari aðgang að upplýsingum, halda gildi sínu. Gildissvið gagnvart tölvulögum. Tilgreining máls. Aðgangur veittur.

Kærðar voru synjanir iðnaðarráðuneytisins, Náttúruverndar ríkisins og Orkustofnunar um að veita aðgang að skýrslu sem nefnd á vegum þessara þriggja stofnana hafði látið vinna um áhrif hugsanlegra virkjana norðan Vatnajökuls á ferðaþjónustu. Gildissvið. Lögvarðir hagsmunir kæranda. Frávísun. Vinnuskjal. Höfundarréttur. Aðgangur veittur.

Kærð var synjun Félagsmálastofnunar Reykjavíkurborgar um að veita upplýsingar um starfskjör allra háskólamenntaðra starfsmanna stofnunarinnar. Gildissvið gagnvart tölvulögum. Tilgreining máls eða gagna sem mál varða. Synjun staðfest.

Kærðar voru synjanir félagsmálaráðuneytisins og umhverfisráðuneytisins um að veita upplýsingar um öll starfskjör starfsmanna í ráðuneytunum. Gildissvið gagnvart tölvulögum. Tilgreining máls. Skýring upplýsingalaga. Einka- eða fjárhagsmálefni einstaklinga. Synjanir staðfestar.

Kærð var meðferð Sjúkrahúss Reykjavíkur og heilbrigðis- og tryggingamálaráðuneytisins á beiðni um aðgang að skýrslu um meintar ávirðingar tiltekins hóps starfsmanna á einni af deildum sjúkrahússins. Málshraði. Ámælisverður dráttur á að beiðni væri afgreidd. Synjun. Kæruheimild. Stjórnsýslulög. Upplýsingaréttur aðila. Einkamálefni annarra. Aðgangur veittur að hluta.

Kærð var synjun félagsmálaráðuneytisins um að veita aðgang að hluta skýrslu, sem unnin hafði verið um samstarfsörðugleika kæranda og annarra starfsmanna á tilteknum vinnustað. Stjórnsýslulög. Upplýsingaréttur aðila. Einkamálefni annarra. Þagnarskylda. Upplýsingar veittar í trúnaði. Aðgangur veittur að hluta.

Kærð var synjun Seðlabanka Íslands um að veita aðgang að gögnum um utanferðir bankastjóra, aðstoðarbankastjóra og eiginkvenna bankastjóra Seðlabankans á tilteknu tímabili. Gildissvið. Tilgreining máls. Mikilvægir almannahagsmunir. Mikilvægir fjárhags- eða viðskiptahagsmunir fyrirtækja og annarra lögaðila. Einka- eða fjárhagsmálefni einstaklinga. Vinnuskjal sem stjórnvald ritar. Eigin afnot stjórnvalds. Synjun staðfest. Aðgangur veittur í heild og að hluta.

Kærð var synjun útvarpsstjóra Ríkisútvarpsins um að veita aðgang að greinargerðum sem útvarpsráð hafði leitað eftir frá umsækjendum um starf fréttastjóra fréttastofu Ríkisútvarpsins sjónvarps um viðhorf þeirra til starfsins. Umsóknir um störf hjá ríki eða sveitarfélögum og gögn sem þær varða. Hlutverk útvarpsráðs. Synjun staðfest.

Kærð var synjun Félagsmálastofnunar Reykjavíkurborgar um að veita upplýsingar um nöfn og heimilisföng bótaþega húsaleigubóta hjá stofnuninni. Gildissvið gagnvart tölvulögum. Kæruheimild. Frávísun.

Kærð var synjun Landsvirkjunar um að veita afrit af fundargerðum stjórnar Landsvirkjunar þar sem fjallað hefði verið um virkjun eða stíflugerð í Laxá, uppgræðslu við Kráká og samninga við aðila á Laxársvæðinu, svo og að fundargerðum samninganefndar Landsvirkjunar við samninganefnd heimaaðila um sömu mál. Gildissvið. Frávísun.

Kærðar voru synjanir flugmálastjórnar og samgönguráðuneytisins um að veita aðgang að gögnum ákvörðunar um að framlengja uppsagnarfrest flugumferðarstjóra vegna hópuppsagna þeirra haustið 1995. Kærufrestur. Skráning upplýsinga um málsatvik. Kæruheimild. Öll gögn er málið varða. Almannahagsmunir. Gögn tekin saman fyrir ráðherrafund. Synjun staðfest.

Kærð var synjun Framkvæmdasýslu ríkisins um að veita undirverktaka upplýsingar um fyrir hve marga fermetra stofnunin hefði greitt aðalverktaka fyrir múrverk. Gildissvið gagnvart stjórnsýslulögum. Upplýsingaréttur aðila. Einkamálefni annarra. Samþykki. Aðgangur veittur.

Kærð var synjun Akraneskaupstaðar um að veita upplýsingar um launakjör tiltekinna starfsmanna sveitarfélagsins. Leiðbeiningarskylda stjórnvalda. Gildissvið gagnvart tölvulögum. Einka- eða fjárhagsmálefni einstaklinga. Fyrirliggjandi gögn. Aðgangur veittur í heild og að hluta.

Kærð var synjun bankastjórnar Landsbanka Íslands um að veita upplýsingar um kaupverð bankans á tiltekinni íbúð, greiðsluskilmálum kaupverðs, mánaðarlegri leigufjárhæð meðan fasteignin var í eigu bankans og söluverði þegar eignin var seld. Einka- eða fjárhagsmálefni einstaklinga. Þagnarskylda. Ákvæði annarra laga, sem heimila víðtækari aðgang að upplýsingum, halda gildi sínu. Synjun staðfest.

Kærð var synjun Vestmannaeyjabæjar um að veita aðgang að ráðningarsamningum og upplýsingum um launakjör nítján nafngreindra bæjarstarfsmanna. Gildissvið gagnvart tölvulögum. Einka- eða fjárhagsmálefni einstaklinga. Þagnarskylda. Aðgangur veittur.

Kærð var synjun Vestmannaeyjabæjar um að veita upplýsingar um hvort tiltekinn söfnuður hefði þegið greiðslu frá bæjarsjóði sem húsaleigu vegna tónlistarskóla, hvenær hætt hefði verið að sérgreina sálfræði- og sérfræðiþjónustu í ársreikningum bæjarsjóðs og aðgang að samningi bæjarins við einkafyrirtæki um sorphirðu. Tilgreining máls. Kæruheimild. Mikilvægir fjárhags- eða viðskiptahagsmunir fyrirtækja eða annarra lögaðila. Lögbundin verkefni sveitarfélaga. Samkeppni. Aðgangur veittur.

Kærð var synjun dóms- og kirkjumálaráðuneytisins um að veita brotaþola upplýsingar um ástæður náðunar á afplánun refsingar brotamanns. Aðild að stjórnsýslumáli. Gildissvið gagnvart stjórnsýslulögum. Ekki hefur þýðingu í hvaða skyni ætlunin er að nota umbeðnar upplýsingar. Skjöl tekin saman fyrir fundi ríkisráðs. Einka- eða fjárhagsmálefni einstaklinga. Synjun staðfest að hluta. Aðgangur veittur að hluta.

Kærð var synjun Listasafns Reykjavíkur um að veita upplýsingar um öll keypt verk á tilteknu tímabili, kaupverð og seljendur. Gildissvið gagnvart tölvulögum. Kæruheimild. Frávísun.

Kærð var synjun Vestmannaeyjabæjar um að veita aðgang að samningi við Hvítasunnusöfnuðinn um rekstur leikskóla í bænum. Mikilvægir fjárhags- eða viðskiptahagsmunir fyrirtækja og annarra lögaðila. Mikilvægir almannahagsmunir. Samkeppni. Lögboðin verkefni sveitarfélaga. Aðgangur veittur.

Kærð var synjun menntamálaráðuneytisins um að veita aðgang að skýrslu um Þjóðminjasafn Íslands. Kærufrestur. Vinnuskjal. Eigin afnot stjórnvalds. Einka- eða fjárhagsmálefni einstaklinga. Skjal merkt sem trúnaðarmál. Aðgangur veittur

Kærð var synjun landbúnaðarráðuneytisins um að veita aðgang að upplýsingum um kaup ríkisins á fasteignum á tilteknum ríkisjörðum. Ekki hefur þýðingu í hvaða skyni ætlunin er að nota umbeðnar upplýsingar. Einka- eða fjárhagsmálefni einstaklinga. Þinglýsing. Synjun staðfest. Sérálit. Ákvæði annarra laga, sem heimila víðtækari aðgang að upplýsingum, halda gildi sínu. Aðgangur veittur.

Kærð var synjun Byggðastofnunar um að veita upplýsingar um afgreiðslu umsókna tiltekinna fyrirtækja um lán samkvæmt lögum nr. 96/1994, um ráðstafanir til að stuðla að stækkun atvinnu- og þjónustusvæða á Vestfjörðum. Beiðni um aðgang beint að réttu stjórnvaldi. Öll gögn er málið varða. Mikilvægir fjárhags- eða viðskiptahagsmunir fyrirtækja og annarra lögaðila. Þagnarskylda. Synjun staðfest að hluta. Aðgangur veittur.

Kærð var synjun Akureyrarbæjar um að veita upplýsingar um launakjör bæjarstjórans. Gildissvið gagnvart tölvulögum. Einka- eða fjárhagsmálefni einstaklinga. Aðgangur veittur.

Kærð var synjun Iðnlánasjóðs um að veita aðgang að upplýsingum um ráðstöfun fjár til að greiða fyrir hagrannsóknum í þágu iðnaðarins og aðgerðum sem stuðla að þjóðhagslega hagkvæmri iðnþróun í landinu og til nýrra útflutningsverkefna, þróunarverkefna og rannsókna í iðnaði. Gildissvið. Tilgreining máls. Mikilvægir almannahagsmunir. Mikilvægir fjárhags- eða viðskiptahagsmunir fyrirtækja og annarra lögaðila. Þagnarskylda. Meginregla upplýsingalaga. Aðgangur veittur.

Kærð var synjun sjávarútvegsráðuneytisins um að veita aðgang að skýrslu starfshóps sem sjávarútvegsráðherra hafði skipað til að undirbúa tillögu til þingsályktunar um hvalveiðar. Almannahagsmunir. Gögn tekin saman fyrir ráðherrafund. Synjun staðfest.

Kærðar voru synjanir iðnaðarráðuneytisins og Landsvirkjunar um að veita upplýsingar um mögulegt söluverð raforku í stórsölu o.fl. Gildissvið upplýsingalaga. Frávísun. Tilgreining máls. Mikilvægir fjárhags- eða viðskiptahagsmunir fyrirtækja og annarra lögaðila. Synjun staðfest.

Kærð var synjun Rafmagnsveitna ríkisins um að veita aðgang að bréfi, er hafði að geyma upplýsingar er snertu kæranda sjálfan. Gildissvið upplýsingalaga. Gildissvið gagnvart stjórnsýslulögum. Upplýsingaréttur aðila. Einkamálefni annarra. Aðgangur veittur.

Kærð var meðferð átta ráðuneyta á beiðni um upplýsingar um nöfn arkitekta og verkfræðinga sem unnið höfðu sem verktakar fyrir ráðuneytin á tilteknu tímabili og um greiðslur til þeirra á sama tímabili. Kæruheimild. Gildissvið gagnvart tölvulögum. Tilgreining máls. Aukinn aðgangur. Frávísun. Synjun staðfest.

Kærð var synjun Súðavíkurhrepps um að veita aðgang að bókunum í fundargerðum tveggja hreppsnefndarfunda og drög að viðskiptasamkomulagi hreppsins við stjórnir tveggja hlutafélaga og Landsbanka Íslands. Mikilvægir fjárhags- eða viðskiptahagsmunir fyrirtækja og annarra lögaðila. Mikilvægir almannahagsmunir. Þagnarskylda. Aðgangur veittur. Aðgangur veittur að hluta. Synjun staðfest.

Kærð var synjun iðnaðarráðuneytisins um að veita aðgang að skýrslu ríkisendurskoðunar um viðskipti Iðnlánasjóðs og Byggingarfélagsins [A] hf. Gildissvið. Mikilvægir fjárhags- eða viðskiptahagsmunir fyrirtækja og annarra lögaðila. Mikilvægir almannahagsmunir. Þagnarskylda. Aðgangur veittur.

Kærð var synjun Rannsóknastofnunar uppeldis- og menntamála um að leysa úr beiðni um aðgang að útreikningum á meðaltali einkunna úr samræmdum prófum í 10. bekk einstakra grunnskóla árin 1995 og 1996 á grundvelli upplýsingalaga. Gildissvið gagnvart tölvulögum. Þagnarskylda. Einkamálefni einstaklinga. Álit sérfróðs aðila. Aðgangur veittur að hluta.

Kærðar voru synjanir sýslumannsins í Hafnarfirði, lögreglustjórans í Reykjavík og dóms- og kirkjumálaráðuneytisins um að veita aðgang að gögnum um umsókn tiltekins umsækjanda um leyfi til að eiga og nota skotvopn. Beiðni ekki beint að réttu stjórnvaldi. Frávísun. Einka- eða fjárhagsmálefni einstaklinga. Samþykki. Synjun staðfest að hluta. Aðgangur veittur að hluta. Aðgangur veittur.