Ársskýrsla ríkisfyrirtækja 2024

Í skýrslu þessari er greint frá og birtar upplýsingar um ríkisfyrirtæki sem eru flokkuð í A3-, B- og C-hluta ríkissjóðs. Íslenska ríkið átti alfarið eða veigamikinn eignarhlut í 45 félögum árið 2024 með mismunandi starfsemi og markmið. Ríkisfélögin eru að langmestu leyti hlutafélög, opinber hlutafélög og einkahlutafélög, en einnig stofnanir eða sjóðir með ákveðið þjónustu­hlutverk. Við umfjöllun um ríkisfélögin eru hér notuð orðin félög og fyrirtæki óháð því hvaða form er á rekstri þessara aðila.