Fréttir Stjórnarráðsins frá 1996-2020

Íslensk stjórnvöld mótmæla aðgerðum bandarískra stjórnvalda

Íslensk stjórnvöld hafa í morgun komið á framfæri hörðum mótmælum við aðgerðum sem bandarísk stjórnvöld kynntu í gærkvöldi. Þær fela í sér komubann ferðamanna sem dvalið hafa í Schengen-ríkjum og munu geta haft alvarleg áhrif á Íslandi, einkum fyrir ferðaþjónustu.

Einangrun fyrir hunda og ketti verður tvær vikur

Kristján Þór Júlíusson, sjávarútvegs- og landbúnaðarráðherra, hefur undirritað nýja reglugerð um innflutning hunda og katta. Lágmarkstími fyrir einangrun dýranna við innflutning verða nú að lágmarki tvær vikur í stað fjögurra. Reglugerðin heimilar einnig að einangrun tiltekinna hjálparhunda fari fram í heimaeinangrun.

Aðgerðaáætlun um opinbera nýsköpun

Aðgerðaáætlun um opinbera nýsköpun hefur verið kynnt ríkisstjórn í samræmi við stefnu stjórnvalda um að auka markvisst notkun nýskapandi lausna hjá hinu opinbera og nýsköpunarstefnu fyrir Ísland.

Bakvarðasveit heilbrigðisþjónustunnar - óskað eftir heilbrigðisstarfsfólki á útkallslista

Heilbrigðisyfirvöld óska eftir liðsinni heilbrigðisstarfsfólks úr hópi lækna, hjúkrunarfræðinga og sjúkraliða í svokallaða bakvarðasveit heilbrigðisþjónustunnar. Leitað er að fólki sem hefur aðstæður og er reiðubúið að koma tímabundið til starfa í heilbrigðisþjónustunni með skömmum fyrirvara, hvort heldur í fullt starf, hlutastarf eða í tímavinnu, eftir því sem aðstæður leyfa.

Starfshópur kanni arðsemi repjuræktunar

Sigurður Ingi Jóhannsson, samgöngu- og sveitarstjórnarráðherra, hefur skipað starfshóp um ræktun og nýtingu orkujurta, s.s. repju.

Kennsla heldur áfram

Yfirlýst neyðarstig almannavarna hefur bein og óbein áhrif á skólastarf í landinu. Skólastjórnendur og kennarar hafa sýnt mikla yfirvegun við þessar óvenjulegu aðstæður og horft til fyrirmæla í nýsamþykktri landsáætlun sóttvarnarlæknis og ríkislögreglustjóra

Starfshópur um styttingu boðunarlista

Dómsmálaráðherra hefur skipað starfhóp sem ætlað er að móta tillögur til úrbóta sem eiga að stytta boðunarlista til afplánunar refsinga.

Heilsugæsla höfuðborgarsvæðisins eflir fjarþjónustu

Í ljósi neyðarstigs almannavarna vegna COVID-19 mun Heilsugæsla höfuðborgarsvæðisins efla fjarþjónustu á öllum heilsugæslustöðvum sínum. Vakin er athygli á tilkynningu stofnunarinnar um þetta. Eins og þar kemur fram verður símaþjónusta aukin til muna og símatímum lækna fjölgað. Einnig er áhersla lögð á aukna þjónustu í gegnum vefinn heilsuvera.is m.a.…

Viðspyrna fyrir íslenskt efnahagslíf

Ríkisstjórnin samþykkti á fundi sínum í morgun að beita sér fyrir markvissum aðgerðum til að mæta efnahagslegum áhrifum COVID-19.

Innleiðing rafrænna eyðublaða hjá sýslumönnum

Dómsmálaráðuneytið hefur undanfarið unnið með verkefnastofunni um stafrænt Ísland, sýslumönnum og forriturum að því markmiði að bæta þjónustu sýslumanna með auknu framboði rafrænna eyðublaða.

Beint að efninu: Ísland.is fær nýja ásýnd og þjónusta efld

Ísland.is hefur fengið nýja ásýnd og merki sem endurspeglar kröfur nútímans um sjálfvirkni, einfaldleika og stafrænar lausnir. Vefurinn verður stórefldur á þessu ári og þjónusta bætt, m.a. með rafrænum eyðublöðum sem fela í sér mikinn tímasparnað og einfaldari samskipti.…

Breyttu fyrirkomulagi um afhendingu lyfja (skriflegt umboð) frestað til 30. mars

Breyttu fyrirkomulagi um afhendingu lyfja, sem taka átti að gildi þriðjudaginn 10. mars 2020, hefur verið frestað til 30. mars næstkomandi. Í tilkynningu Lyfjastofnunar um frestunina segir að í ljósi örrar fjölgunar COVID-19 smita sé mikilvægt að hægja á eða stöðva ferla sem geti haft aukna smithættu í för með sér. Skriflegt umboð sé þess eðlis að það auki hættu á að veirur berist manna á milli.…

Nýr samningur um þjónustu Reykjalundar

Sjúkratryggingar Íslands hafa gert samning við Reykjalund, endurhæfingarmiðstöð SÍBS, um endurhæfingarþjónustu stofnunarinnar. Samningurinn tekur gildi 1. apríl næstkomandi og er til tveggja ára, með möguleika á framlengingu um tvö ár til viðbótar.…

1,5 milljarði veitt til innviða og náttúruverndar á ferðamannastöðum

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, og Guðmundur Ingi Guðbrandsson, umhverfis- og auðlindaráðherra, gerðu í dag grein fyrir úthlutun fjármuna til uppbyggingu innviða, náttúruverndar og annarra verkefna á ferðamannastöðum árið 2020.…

Evrópsku loftslagslögin – stefna í jafnréttismálum

Alþjóðleg ráðstefna samtaka sem berjast gegn kynferðislegu og kynbundnu ofbeldi og áreitni á Íslandi 2021 og afmæli Stígamóta

Ríkisstjórnin samþykkti á fundi sínum á föstudag að veita 15 milljónir króna af ráðstöfunarfé sínu til að standa að alþjóðlegri ráðstefnu samtaka sem berjast gegn kynferðislegu og kynbundnu ofbeldi og áreitni á Íslandi 2021.

Föstudagspóstur - á laugardegi 7. mars 2020

Áframhaldandi samstarf Norðurlanda og Eystrasaltsríkja um stafræna þróun

Bjarni Benediktsson, fjármála- og efnahagsráðherra, tók í gær þátt í fundi norrænu ráðherranefndarinnar um stafræn málefni, sem haldinn var í Kaupmannahöfn.

Viðbragðsáætlun almannavarna: Heimsfaraldur – Landsáætlun

Ríkislögreglustjórinn og sóttvarnalæknir hafa gefið út viðbragðsáætlun sem ætlað er að segja fyrir um skipulag og stjórn aðgerða vegna hvers kyns heimsfaraldurs. Áætlunin styðst við lög um almannavarnir nr. 82/2008 og sóttvarnalög nr. 19/1997.…

Dregið verði úr flugeldamengun

Skýrsla starfshóps dómsmálaráðherra, heilbrigðisráðherra og umhverfis- og auðlindaráðherra um hvernig draga megi úr neikvæðum áhrifum mengunar frá flugeldum er komin út.

Breytt fyrirkomulag við afhendingu lyfja í apóteki

Þann 30. mars næstkomandi ganga í gildi breytingar sem varða afhendingu lyfja í apótekum. Eftir það verður einungis heimilt að afhenda lyf eiganda lyfjaávísunar, eða þeim sem hefur ótvírætt umboð hans til að fá þau afhent. Framvísa þarf persónuskilríkjum hvort sem um ræðir eiganda eða umboðsmann. Vakin er athygli á tilkynningu með nánari upplýsingum á vef Lyfjastofnunar.

Innleiðingarhalli EES gerða aðeins 0,6 prósent

Fjórða skiptið í röð er innleiðingarhalli Íslands eitt prósent eða minna, en aldrei hefur hallinn haldist undir einu prósenti í svo langan tíma. Samkvæmt nýbirtu frammistöðumati Eftirlitsstofnunar EFTA (ESA) á eftir að innleiða 0,6 prósent EES-gerða hér á landi.

Göngudeildarþjónusta SÁÁ mikilvægur hluti af meðferð og endurhæfingu

Svandís Svavarsdóttir heilbrigðisráðherra kynnti sér starfsemi göngudeildarþjónustu SÁÁ þegar hún heimsótti starfsstöð samtakanna í Efstaleiti í gær. Valgerður Rúnarsdóttir, framkvæmdastjóri lækninga, segir göngudeildarþjónustuna mjög mikilvægan hluta af meðferð og endurhæfingu vegna neyslu- og fíknivanda og hluta af heilsteyptri meðferð á mismunandi stigum.…

Þingsályktun um forvarnastefnu afgreidd úr ríkisstjórn

Katrín Jakobsdóttir, forsætisráðherra, lagði fram í ríkisstjórn í morgun tillögu til þingsályktunar um forvarnir gegn kynferðislegu og kynbundnu ofbeldi og áreitni, ásamt áætlun fyrir árin 2021 – 2025.

Réttarstaða þriðja aðila bætt með breytingu á upplýsingalögum ​

Katrín Jakobsdóttir forsætisráðherra lagði fram í ríkisstjórn í morgun frumvarp til laga um breytingu á upplýsingalögum nr. 140/2012.

Þjónusta á heilsueflandi móttökum í heilsugæslu verði samræmd um allt land

Þróunarmiðstöð íslenskrar heilsugæslu mun gegna mikilvægu hlutverki við innleiðingu á heilsueflandi móttökum í heilsugæslu á landsvísu. Ráðinn verður verkefnisstjóri í þessu skyni og hefur heilbrigðisráðherra veitt þróunarmiðstöðinni 15 milljónir króna til verkefnisins á þessu ári og því næsta.

Utanríkisvarpið - 1. þáttur. Utanríkisstefnan - Guðlaugur Þór Þórðarson, utanríkis- og þróunarsamvinnuráðherra

Utanríkisvarpið - 1. þáttur. Fyrsti gestur Utanríkisvarpsins er Guðlaugur Þór Þórðarson, utanríkis- og þróunarsamvinnuráðherra. Í þættinum ræða þeir Sveinn H. Guðmarsson vítt og breitt um utanríkisstefnu Íslands og áherslur ráðherra í þeim efnum, meðal annars út frá utanríkisviðskiptum, þróunarsamvinnu, öryggis- og varnarmálum og heimspólitíkinni almennt.

Stutt við loftslagsvænni landbúnað

Guðmundur Ingi Guðbrandsson, umhverfis- og auðlindaráðherra og Kristján Þór Júlíusson, sjávarútvegs- og landbúnaðarráðherra hafa skrifað undir samning um loftslagsvænni landbúnað.

Yfirlýsing ríkisstjórnar, SA og ASÍ um laun í sóttkví

Ríkisstjórnin, Samtök atvinnulífsins og Alþýðusamband Íslands hafa komist að samkomulagi um hvernig staðið verði að launagreiðslum til fólks sem þarf að vera í sóttkví vegna COVID-19.

Frumvarp um íslensk landshöfuðlén lagt fram á Alþingi

Sigurður Ingi Jóhannsson, samgöngu- og sveitarstjórnarráðherra, mælti í dag fyrir frumvarpi til laga um íslensk landshöfuðlén.

Tillögur um menntun sjúkraliða

Starfshópur sem heilbrigðisráðherra skipaði í desember sl. til að gera tillögur um menntun og viðbótarmenntun sem leitt geta til fjölgunar útskrifaðra sjúkraliða hefur skilað ráðherra niðurstöðum sínum. Auk tillagna um menntun og viðbótarmenntun eru einnig lagðar til leiðir sem eiga að styrkja störf sjúkraliða, gera störf þeirra áhugaverðari og gefa þeim færi á framgangi í starfi.

Jafnréttismál á dagskrá í Póllandi

Lilja Alfreðsdóttir mennta- og menningarmálaráðherra ávarpaði jafnréttisráðstefnu sem Jafnréttisþing pólskra kvenna (e. Polish Women‘s Congress) stóð fyrir í Varsjá í Póllandi í gær.

Hvítbók um gervigreind o.fl.

Stefnumótun hjá Evrópusambandinu og starf fastanefndarinnar í Brussel við að gæta hagsmuna Íslands.

Áslaug Eir sett í embætti Fiskistofustjóra til 30. apríl 2020

Kristján Þór Júlíusson, sjávarútvegs- og landbúnaðarráðherra, hefur sett Áslaugu Eir Hólmgeirsdóttur í embætti Fiskistofustjóra frá deginum í dag til 30. apríl 2020. ​

Ráðherra veitti Espiflöt og Garði landbúnaðarverðlaunin 2020

Kristján Þór Júlíusson, ráðherra landbúnaðarmála, veitti Garðyrkjustöðinni Espiflöt í Biskupstungum og Garði í Eyjafirði landbúnaðarverðlaunin 2020 á nýyfirstöðnu Búnaðarþingi. Hugmyndin að baki verðlaununum er að veita bændum og býlum sem á einn eða annan máta vekja athygli og eru til fyrirmyndar í íslenskum landbúnaði, viðurkenningar og hvatningarverðlaun.…

Efla menntasamstarf Íslands og Póllands

Lilja Alfreðsdóttir mennta- og menningarmálaráðherra og Dariusz Piontkowski menntamálaráðherra Póllands, undirrituðu í gær samstarfsyfirlýsingu íslenskra og pólskra menntamálayfirvalda.

Borgarbyggð verði Barnvænt sveitarfélag

Félags- og barnamálaráðherra, framkvæmdastjóri UNICEF á Íslandi og formaður fræðsluráðs Borgarbyggðar undirrita samstarfssamning. ​Borgarbyggð innleiðir Barnasáttmálann og stefnir að því að verða Barnvænt sveitarfélag.

Opinn kynningarfundur á Egilsstöðum um Hálendisþjóðgarð

Umhverfis- og auðlindaráðherra, Guðmundur Ingi Guðbrandsson, kynnir áform um stofnun Hálendisþjóðgarðs á opnum fundi á Egilsstöðum fimmtudaginn 5. mars klukkan 20:00. Fundurinn er sá síðasti af átta í röð kynningarfunda vítt og breitt um landið.

Lög til að sporna við lyfjaskorti

Lyfjastofnun fær heimild til að leggja bann við því að tilteknar birgðir lyfja séu fluttar úr landi ef nauðsyn krefur til að tryggja framboð tiltekinna lyfja sem stofnunin telur mikilvæg. Frumvarp til breytinga á lyfjalögum þessa efnis hefur verið samþykkt á Alþingi. Um varúðarráðstöfun er að ræða og eru sambærileg ákvæði liður í löggjöf margra þjóða.

Hjúkrunarheimili fyrir 99 manns við Sléttuveg tekið í notkun

Stór áfangi í uppbyggingu hjúkrunarrýma á höfuðborgarsvæðinu var innsiglaður þegar nýtt hjúkrunarheimili fyrir 99 manns við Sléttuveg var vígt síðastliðinn föstudag að viðstöddu fjölmenni. Fyrstu íbúar heimilisins eru fluttir inn og er kappkostað að því að koma heimilinu í fullan rekstur sem fyrst.

Rannsóknir og loftslagsmál í Varsjá

Lilja Alfreðsdóttir ávarpaði ráðstefnuna „Umhverfi, orka og breytingar í loftslagsmálum“ í Varsjá í Pólland í morgun.

Fimmtán aðgerðir til að treysta búsetu og atvinnulíf á Flateyri

Forsætisráðherra, fjármála- og efnahagsráðherra og samgöngu- og sveitarstjórnarráðherra skipuðu þann 24. janúar sl. starfshóp til að móta tillögur um aðgerðir til að treysta atvinnulíf og búsetu á Flateyri við Önundarfjörð í kjölfar snjóflóðanna þann 14. janúar sl.

Þjóðaröryggisráð fundar um viðbrögð og viðbúnað vegna COVID-19

Í dag var haldinn upplýsinga- og stöðufundur í þjóðaröryggisráði um viðbrögð og viðbúnað hér á landi vegna COVID-19.

Velferðarvaktin - Jafnt aðgengi að námi og bætt þjónusta

Í dag kynnti Velferðarvaktin niðurstöður tveggja kannana sem rannsóknarfyrirtækið Maskína framkvæmdi að hennar beiðni í árslok 2019.

Verkefni færð til Vestmannaeyja

Dómsmálaráðherra og samgöngu- og sveitarstjórnarráðherra undirrituðu í dag samkomulag um að færa verkefni við rafræna útgáfu á reglugerðarsafni frá höfðuðborgarsvæðinu til embættis Sýslumannsins í Vestmannaeyjum

Menntastefna 2030 – drög í opið samráð

Drög að þingsályktunartillögu um menntastefnu eru nú til umsagnar í Samráðsgátt og er skilafrestur umsagna 13. mars nk.

Samkomulag um að efla rafræna birtingu reglugerða

Samgöngu- og sveitarstjórnarráðherra og dómsmálaráðherra undirrituðu í dag samning um verkefni sem lýtur að rafrænni birtingu reglugerða.

Landbúnaðarstefna verður mótuð fyrir Ísland

Mótuð verður Landbúnaðarstefna fyrir Ísland um sameiginlega sýn og skýrar áherslur til framtíðar. Verkefnið verður í forgangi í atvinnuvega- og nýsköpunarráðuneytinu og mun fyrsti þáttur verkefnisins hefjast á næstu vikum, meðal annars með opnum fundum um allt land. Þetta kom fram í ávarpi Kristjáns Þórs Júlíussonar, sjávarútvegs- og landbúnaðarráðherra, við setningu Búnaðarþings í dag.…

Allir reikningar ríkisstofnana sendir rafrænt frá 1. maí

Allir reikningar frá ríkissjóði og ríkisstofnunum verða frá og með 1. maí næstkomandi sendir rafrænt til viðskiptavina. Markmiðið er að lækka viðskiptakostnað allra aðila, nútímavæða viðskiptaumhverfi ríkisins með auknu framboði stafrænnar þjónustu og framfylgja umhverfissjónarmiðum.

Nýjar reglur um skipan sendiherra

Drög að frumvarpi til breytinga á lögum um utanríkisþjónustu hafa verið birt í samráðsgátt stjórnvalda til umsagnar. Breytingarnar miða að því að koma á fastari skipan við val á sendiherrum til framtíðar með því að setja þak á fjölda sendiherra, afnema almenna undanþágu frá auglýsingaskyldu og lögfesta sérstakar hæfniskröfur.