Fréttir Stjórnarráðsins frá 1996-2020

Skatturinn tekur til starfa um áramót: Stofnunum fækkar

Stofnunum á sviði skatta og tolla fækkar um eina um áramót, en Alþingi samþykkti í dag lög sem greiða fyrir sameiningu embætta ríkisskattstjóra og tollstjóra. Sameinuð stofnun mun heita Skatturinn og verða öflug og leiðandi upplýsingastofnun á sviði skatta- og tollamála.

Aðgerðaráætlun um heilbrigðisþjónustu fanga

Dómsmála- og heilbrigðisráðherra hafa samþykkt aðgerðaráætlun um aðgerðir í heilbrigðismálum í fangelsum og úræðum vegna vímuefnavanda fanga.

Frumvarp til nýrra laga um fjarskipti birt í samráðsgátt

Drög að frumvarpi til nýrra laga um fjarskipti og breytingar á lögum um Póst- og fjarskiptastofnun hafa verið birt í samráðsgátt stjórnvalda til umsagnar.

Skattafrétt mest lesna frétt stjórnarráðsvefjarins frá upphafi

Engin frétt á vef Stjórnarráðsins hefur verið lesin jafnoft og frétt um skattalækkun sem fjármála- og efnahagsráðuneytið birti í síðustu viku.

Þróunarsamvinna: Sjö íslenskum félagasamtökum falið að ráðstafa rúmum 200 milljónum

Utanríkisráðuneytið hefur gefið vilyrði fyrir styrkjum til sjö íslenskra félagasamtaka um ráðstöfun rúmlega 210 milljóna króna til verkefna á sviði þróunarsamvinnu. Flest verkefnanna eru langtímaverkefni sem fá árlegar greiðslur frá ráðuneytinu. Hæstu styrkjunum verður varið til verkefna í þremur Afríkuríkjum, Síerra Leóne, Úganda og Tógó.

Málþing um lýðræði í skólastarfi og menntun fyrir alla

Norrænt málþing um menntun fyrir alla og lýðræði í skólastarfi fór fram í Reykjavík á dögunum þar sem meginviðfangsefnin var virk þátttaka ungmenna, jafnrétti og efling lýðræðisvitundar í menntakerfinu.

Skýrsla OECD um heilbrigðismál

Hægt er að lesa ýmsar upplýsingar um heilsufar þjóða, helstu áhættuþætti, gæði og árangur heilbrigðiskerfa, heilbrigðisútgjöld, lyfjanotkun, mönnun heilbrigðiskerfisins og margt fleira í nýrri skýrslu Efnahags- og framfarastofnunarinnar (OECD); Health at a Glance þar sem birtur er samanburður milli aðildarríkja stofnunarinnar.

Alþjóðamannréttindadagurinn haldinn hátíðlegur með málþingi

Lina al-Hathloul, baráttukona fyrir mannréttindum í Sádí-Arabíu, var aðalræðumaður á málþingi sem haldið var í tilefni af alþjóðlega mannréttindadeginum, sem haldinn er hátíðlegur 10. desember ár hvert.…

Heilbrigðisráðherra skrifar um geðheilbrigðisþjónustu við fanga

Svandís Svavarsdóttir heilbrigðisráðherra skrifar um tímamót í geðheilbrigðisþjónustu við fanga með stofnun sérstaks geðheilsuteymis í blaðagrein í Morgunblaðinu í dag.

„Verðum að nálgast loftslagsvána með hugarfari þess sem vill og getur“ – umhverfis- og auðlindaráðherra ávarpaði Loftslagsráðstefnu SÞ

Guðmundur Ingi Guðbrandsson, umhverfis- og auðlindaráðherra, ávarpaði í dag Loftslagsráðstefnu Sameinuðu þjóðanna fyrir Íslands hönd. Hann hvatti þjóðir heims til lausnamiðaðrar nálgunar í baráttunni gegn hamfarahlýnun. „Ef athafnir okkar geta stefnt okkur í jafnmikinn voða og raun ber vitni þá getum við líka gripið til aðgerða sem afstýra hættunni. Við mannfólkið getum unnið stórkostleg afrek.…

Mikilvægt skref í rafbílavæðingu – hleðslubúnaður í fjöleignarhúsum

Ásmundur Einar Daðason, félags- og barnamálaráðherra, mun á næstu dögum leggja fram á Alþingi frumvarp til laga um breytingu á lögum um fjöleignarhús sem lýtur að hleðslubúnaði fyrir rafbíla.

Stefnumótun í sveitarstjórnarmálum vekur athygli í Strassborg

Stefna ríkisins um málefni sveitarfélagsins sem liggur fyrir Alþingi var kynnt á samráðsvettvangi Evrópuráðsins um sveitarstjórnarmál í gær.

Tímamót í yfirfærslu á þjónustu ríkisins við fatlað fólk til sveitarfélaga

Ásmundur Einar Daðason, félags- og barnamálaráðherra, og Aðalsteinn Sigfússon, félagsmálastjóri Kópavogs, undirrituðu í dag að viðstöddum Svandís Svavarsdóttir heilbrigðisráðherra og Birki Jóni Jónssyni, formanni bæjarráðs Kópavogs, samning um yfirtöku Kópavogsbæjar á þjónustu við íbúa Kópavogsbrautar 5a (áður deildar 20 á Kópavogshæli).

Samantekt um sjónarmið umsagnaraðila í samráði um staðartíma á Íslandi birt

Á undanförnum árum hefur farið fram umræða hvort seinka eigi klukkunni og færa staðartíma nær sólartíma miðað við hnattræna legu Íslands.

Lokað kl. 14.00 vegna veðurs

Afgreiðslu heilbrigðisráðuneytisins verður lokað kl. 14.00 í dag vegna afleitrar veðurspár og viðvörunar frá Veðurstofu Íslands. Gert er ráð fyrir venjubundnum opnunartíma á morgun frá kl. 8.30 – 16.00 að því gefnu að versta veðrið verði þá gengið niður.

Fulltrúi Íslands á Feneyjartvíæringnum 2021: Sigurður Guðjónsson

Kynningarmiðstöð íslenskrar myndlistar hefur tilkynnt að fulltrúi Íslands á Feneyjartvíæringnum 2021 verði Sigurður Guðjónsson.

Umhverfis- og auðlindaráðherra ræðir súrnun sjávar á loftslagsráðstefnu SÞ

Guðmundur Ingi Guðbrandsson, umhverfis- og auðlindaráðherra situr nú loftslagsráðstefnu Sameinuðu þjóðanna (Cop25) sem fram fer í Madrid á Spáni en svokölluð ráðherravika hófst þar í dag.

Jón B. Stefánsson ráðinn í starf verkefnastjóra

Jón B. Stefánsson hefur verið ráðinn tímabundið í starf verkefnastjóra í mennta- og menningarmálaráðuneytinu.

Milla ráðin aðstoðarmaður mennta- og menningarmálaráðherra

Milla Ósk Magnúsdóttir hefur verið ráðin aðstoðarmaður Lilju Alfreðsdóttur mennta- og menningarmálaráðherra.

Áform um frumvarp til laga um villt dýr kynnt í samráðsgátt

Umhverfis- og auðlindaráðuneytið hefur kynnt í samráðsgátt áform um heildarendurskoðun laga um vernd, friðun og veiðar á villtum fuglum og villtum spendýrum, m.a. með hliðsjón af þeirri þróun sem átt hefur sér stað í málaflokkum sem lögin taka til.

Áform um breytingar á lögum um rammaáætlun kynnt í samráðsgátt

Umhverfis- og auðlindaráðuneyti hefur kynnt í samráðsgátt áform um breytingar á lögum um verndar- og orkunýtingaráætlun. Áformin eru liður í að móta opinbera stefnu til framtíðar um vindorku hér á landi og leyfisveitingarferli hennar.

Föstudagspósturinn 6. desember 2019

Drög að reglugerð um sektir við brotum á umferðarlögum

Drög að nýrri reglugerð um sektir allt að 500.000 kr. við brotum við umferðarlög hafa verið birt í samráðsgátt stjórnvalda.

Steinunn Inga Óttarsdóttir skipuð skólameistari FVA

Tilkynnt hefur verið að Steinunn Inga Óttarsdóttir verði skipuð skólameistari Fjölbrautaskóla Vesturlands á Akranesi

Brugðist við fjölgun umsókna um vegabréfsáritun til Íslands

Í dag var opnað fyrir afgreiðslu umsókna í Kuala Lumpur í Malasíu, en umsóknir verða fluttar þaðan til sendiráðsins í Nýju Delí til meðferðar.

Lög um heilbrigðisþjónustu endurspegli áherslur heilbrigðisstefnu

Svandís Svavarsdóttir heilbrigðisráðherra mælti í vikunni fyrir frumvarpi til breytinga á lögum um heilbrigðisþjónustu. Áformaðar breytingar eru liður í því að hrinda í framkvæmd heilbrigðisstefnu til ársins 2030 þannig að lögin endurspegli áherslur hennar.

Reglugerð um bann við notkun svartolíu í landhelgi Íslands

Guðmundur Ingi Guðbrandsson, umhverfis- og auðlindaráðherra, hefur skrifað undir reglugerð um hertar kröfur varðandi eldsneyti í íslenskri landhelgi, sem í raun bannar notkun svartolíu innan hennar. Bannið er meðal annars liður í að framfylgja aðgerðaáætlun ríkisstjórnarinnar í loftslagsmálum, sem og stjórnarsáttmála.

Upptökuhalli EES-gerða ekki minni í sex ár

Fjöldi upptekinna EES-gerða á þessu ári hefur stuðlað að því að upptökuhallinn hefur ekki verið minni í sex ár. Á fjórða hundrað ákvarðana um upptöku gerða í EES-samninginn hafa verið teknar á þessu ári, fleiri en nokkru sinni fyrr.

Ríkisstjórnin styrkir Íslensku óperuna

Ríkisstjórnin samþykkti á fundi sínum í morgun að veita fjórar milljónir króna af sameiginlegu ráðstöfunarfé sínu til að styrkja uppsetningu íslensku óperunnar Agnes í tilefni af 40 ára afmæli Íslensku óperunnar. ​

Samið um heimahjúkrun langveikra barna

Sjúkratryggingar Íslands hafa samið við sjö hjúkrunarfræðinga í samstarfi við Landspítalann um að sinna heimahjúkrun langveikra barna á höfuðborgarsvæðinu. Samningurinn hefur verið undirritaður af samningsaðilum og staðfestur af heilbrigðisráðherra.

Kristján Þór fundaði um heimaslátrun

Á fundinum fór Kristján Þór yfir þá vinnu sem farið hefur fram í ráðuneytinu á undanförnum misserum

Bjarni Benediktsson hlaut hvatningarverðlaun Samtóns

Bjarni Benediktsson, fjármála- og efnahagsráðherra, hlaut í dag hvatningarverðlaun Samtóns, samtaka rétthafa íslenskrar tónlistar. Verðlaunin hlaut hann fyrir að vera fyrsti ráðherra heims sem viðurkennir höfundarrétt til jafns við annan eignarrétt.

Helstu nýmæli i frumvarpi um leigubifreiðaakstur

Ýmis nýmæli og breytingar eru í nýju frumvarpi um leigubifreiðaakstur sem samgöngu- og sveitarstjórnarráðherra mælti fyrir á Alþingi í gær.

Embætti ríkissáttasemjara laust til umsóknar

Félagsmálaráðuneytið hefur auglýst embætti ríkissáttasemjara laust til umsóknar. Ásmundur Einar Daðason, félags- og barnamálráðherra, mun skipa í embættið til fimm ára. Umsóknir verða metnar af sérstakri ráðgefandi hæfnisnefnd sem ráðherra skipar.

Desemberuppbót til foreldra langveikra og alvarlega fatlaðra barna

Ásmundur Einar Daðason, félags- og barnamálaráðherra, hefur undirritað reglugerð sem kveður á um að foreldrar barna sem eru langveik eða alvarlega fötluð fái greidda desemberuppbót. Óskert desemberuppbót er 59.758 krónur.

Svar dómsmálaráðuneytis til fjárlaganefndar

Dómsmálaráðuneytið hefur svarað fyrirspurn fjárlaganefndar Alþingis vegna starfsloka ríkislögreglustjóra.

Brotið í blað í geðheilbrigðisþjónustu við fanga

Heilsugæslu höfuðborgarsvæðisins (HH) hefur verið falið að sinna geðheilbrigðisþjónustu við fanga í öllum fangelsum landsins. Stofnað verður sérhæft, þverfaglegt geðheilsuteymi fanga (GHTF) í þessu skyni sem mun starfa með og styðja við starfsemi heilsugæslunnar í fangelsum. Teymið verður hreyfanlegt og mun einnig nýta tæknilausnir á sviði fjarheilbrigðisþjónustu til að sinna þjónustunni.…

Framlög aukin og framkvæmdum flýtt í samgönguáætlun

Tillaga að þingsályktun um samgönguáætlun fyrir tímabilið 2020-2034 var lögð fram á Alþingi í dag.

Veruleg lækkun tekjuskatts

Tekjuskattur lækkar verulega með nýsamþykktum lögum Alþingis um tekjuskatt og staðgreiðslu opinberra gjalda. Lækkunin verður í tveimur áföngum, 1. janúar 2020 og 1. janúar 2021.

Forsætisráðherra ræddi afvopnunarmál, loftslagsbreytingar og kynferðislegt ofbeldi á fundi leiðtoga Atlantshafsbandalagsins

Katrín Jakobsdóttir, forsætisráðherra, og Guðlaugur Þór Þórðarson, utanríkisráðherra, sóttu afmælisfund leiðtoga Atlantshafsbandalagsins sem lauk í Lundúnum í dag. Forsætisráðherra fjallaði þar um afvopnunarmál, loftslagsbreytingar og baráttuna gegn kynferðislegu ofbeldi og áreitni á vettvangi bandalagsins.

Fundað með stjórn Bandalags íslenska listamanna

Árlegur samráðsfundur mennta- og menningarmálaráðherra og stjórnar Bandalags íslenskra listamanna (BÍL) fór fram á dögunum

Leiðbeiningar um verklag í samskiptum ráðuneyta og stofnana við ríkislögmann

Forsætisráðuneytið hefur gefið út leiðbeiningar um verklag í samskiptum ráðuneyta og stofnana við embætti ríkislögmanns. Voru þær unnar í samráði við dómsmálaráðuneytið, fjármála- og efnahagsráðuneytið og embætti ríkislögmanns og kynntar í ríkisstjórn.

Auglýsing um tollkvóta vegna innflutnings á ostum frá Noregi.

Skriflegar umsóknir skulu berast til atvinnuvega- og nýsköpunarráðuneytisins, fyrir kl. 16:00 mánudaginn 9. desember 2019.

Auglýsing um tollkvóta vegna innflutnings á blómum.

Skriflegar umsóknir skulu berast til atvinnuvega- og nýsköpunarráðuneytisins, fyrir kl. 16:00 þriðjudaginn 10. desember 2019.

Landsbyggðarverkefni félagsmálaráðherra stuðlar að húsnæðisuppbyggingu í Súðavíkurhreppi

Ásmundur Einar Daðason, félags- og barnamálaráðherra, kynnti sér í gær áformaða húsnæðisuppbyggingu í Súðavíkurhreppi

Guðrún Ögmundsdóttir skipuð skrifstofustjóri skrifstofu rekstrar og innri þjónustu

Fjármála- og efnahagsráðherra hefur skipað Guðrúnu Ögmundsdóttur í embætti skrifstofustjóra á skrifstofu rekstrar og innri þjónustu í fjármála og efnahagsráðuneytinu til fimm ára, frá 2. desember 2019.

Umsækjendur um embætti skrifstofustjóra á skrifstofu lýðheilsu og forvarna

Alls bárust 17 umsóknir um embætti skrifstofustjóra á skrifstofu lýðheilsu og forvarna í heilbrigðisráðuneytinu en umsóknarfrestur rann út 29. nóvember síðastliðinn. Sérstök hæfnisnefnd, skipuð þremur einstaklingum, mun meta hæfni umsækjenda og skila greinargerð til ráðherra. Nefndin starfar samkvæmt reglum nr.…

Heimilt að fullnýta fisk og fiskeldisafurðir til lýsis og fiskimjöls framleiðslu

Kristján Þór Júlíusson, sjávarútvegs- og landbúnaðarráðherra, hefur undirritað breytingu á reglugerð sem heimilar að nota megi allar fiskeldisafurðir og allan fisk við framleiðslu á fiskimjöli og lýsi sem ætlað er til manneldis, svo framarlega sem meðferð hráefnisins uppfylli kröfur um hollustuhætti og matvæli.

Mikilvægt að hlusta á ungt fólk í umræðum um loftslagsmál

Sigurður Ingi Jóhannsson, samstarfsráðherra Norðurlanda, ræddi loftslagsmál við norræn ungmenni á málþingi í Stokkhólmi.

Forsætisráðherra hélt erindi um velsældarhagkerfi hjá Chatham House

Katrín Jakobsdóttir, forsætisráðherra, flutti fyrirlestur um velsældarhagkerfi á vegum bresku hugveitunnar Chatham House í Lundúnum í dag.