Fréttir Stjórnarráðsins frá 1996-2020

Um rammasamning við ljósmæður og þjónutu við sængurkonur

Um rammasamning við ljósmæður og þjónustu við sængurkonur

Heilbrigðisráðherra leggur kapp á að finna fyrirkomulagi á þjónustu við sængurkonur í heimahúsum traustari umgjörð en felst í þeim rammasamningi sem starfað hefur verið eftir hingað til. Þótt afsögn ljósmæðra af rammasamningi snerti nýbakaðar mæður óhjákvæmilega munu þær engu að síður njóta allrar þjónustu sem þörf er fyrir.

Tillaga um breytingu á verkaskiptingu er varða hergagnaflutninga kynnt ríkisstjórn

Forsætisráðherra hyggst leggja til við forseta Íslands að stjórnskipuleg ábyrgð á leyfisveitingum íslenskra stjórnvalda skv. 1. mgr. 78. gr. loftferðalaga vegna hergagnaflutninga með borgaralegum loftförum verði færð frá samgöngu- og sveitarstjórnarráðuneytinu til utanríkisráðuneytisins.

Styrkir til útgáfu barna- og unglingabóka

Nýjum styrkjaflokki fyrir barna- og unglingabækur verður bætt við styrki Miðstöðvar íslenskra bókmennta frá og með næsta ári. Framtak þetta styður menningarstefnu stjórnvalda þar sem lögð er sérstök áhersla á að efla menningu barna og ungmenna á landinu öllu.

Fjármálaráðherrar Íslands og Noregs funda í Washington

​Fjármálaráðherra Noregs, Siv Jensen, segist sýna því fullan skilning að Ísland þurfi í sumum tilvikum að óska eftir aðlögun vegna regluverks Evrópusambandsins áður en það er tekið upp í EES-samninginn, en þau Bjarni Benediktsson, fjármálaráðherra Íslands, funduðu í Washington í dag.

Sameiningar sveitarfélaga staðfestar

Samgöngu- og sveitarstjórnarráðuneytið hefur staðfest sameiningar sveitarfélaga sem taka gildi 10. júní nk. Er þar annars vegar um að ræða sameiningu Sandgerðisbæjar og Sveitarfélagsins Garðs á Reykjanesi og hins vegar sameiningu Breiðdalshrepps og Fjarðabyggðar á Austurlandi. Sveitarfélögum í landinu fækkar því um tvö og verða 72 talsins.

Þverpólítísk nefnd um stofnun þjóðgarðs á miðhálendinu skipuð

Guðmundur Ingi Guðbrandsson, umhverfis- og auðlindaráðherra, hefur skipað þverpólítískra nefnd um stofnun þjóðgarðs á miðhálendinu. Í nefndinni eiga sæti fulltrúar allra þingflokka á Alþingi auk tveggja fulltrúa sveitarfélaga. Þá sitja fulltrúar frá umhverfis- og auðlindaráðuneytinu og forsætisráðuneytinu í nefndinni.

Utanríkisráðherra ræddi Brexit við Davis

Guðlaugur Þór Þórðarson utanríkisráðherra átti fund með David Davis, ráðherra útgöngumála í bresku ríkisstjórninni, í London í gær þar sem þeir ræddu gang viðræðna Breta og Evrópusambandsins um Brexit og fóru yfir áhrif útgöngunnar á Ísland og önnur EES-EFTA ríki.

Ríkisstjórnin veitir Norræna húsinu 10 milljóna króna styrk í endurbætur

Ríkisstjórnin mun leggja til 10 milljónir króna vegna endurbóta á Norræna húsinu í tilefni af 50 ára afmæli hússins.

Samráðshópur um greiðslukerfi sem styður við markmið starfsgetumats

Ásmundur Einar Daðason, félags- og jafnréttismálaráðherra, hefur skipað samráðshóp um breytt framfærslukerfi almannatrygginga sem styður við starfsgetumat og er til þess fallið að skapa sátt um einföldun kerfisins, tryggja framfærslu örorkulífeyrisþega og efla þá til samfélagsgetu.

Stuðningur við Landssamtök íslenskra stúdenta

Hlutverk Landssamtaka íslenskra stúdenta er að standa vörð um hagsmuni stúdenta og skapa samstarfsvettvang fyrir íslensk stúdentafélög.

Tillögur um viðbrögð við vaxandi nýgengi sykursýki

Starfshópur um viðbrögð við vaxandi nýgengi sykursýki leggur til gerð miðlægrar skrár um sykursýki á Íslandi, að áhersla á forvarnir verði aukin og eftirfylgni með þeim sem greinst hafa með sjúkdóminn verði efld. Hópurinn mælir ekki með almennri skimun fyrir sykursýki. Starfshópurinn hefur skilað Svandísi Svavarsdóttur heilbrigðisráðherra skýrslu með tillögum sínum.

Varðandi framkvæmd heimildar til lækkunar eða niðurfellingar fasteignaskatts hjá tekjulitlum elli- og örorkulífeyrisþegum

Um álagningu fasteignaskatts og undanþágur frá honum er fjallað í II. kafla laga um tekjustofna sveitarfélaga, nr. 4/1995, með síðari breytingum. Samkvæmt 4. mgr. 5. gr. laganna er sveitarstjórn heimilt að lækka eða fella niður fasteignaskatt sem tekjulitlum elli- og örorkulífeyrisþegum er gert að greiða.…

Alþjóðlegur samningur gegn skattaflótta tekur gildi á árinu

Alþjóðasamningurinn MLI, sem ætla er að stemma stigu við skattaflótta, og sem Ísland undirritaði í fyrra, tekur gildi 1. júlí á þessu ári gagnvart þeim ríkjum sem fullgilt hafa samninginn. Undirritunaraðilar samningsins eru nú 78 og hafa yfir 100 ríki lýst vilja til að undirrita samninginn.…

Starfshópur um fjölbreyttari úrræði fyrir gerendur í ofbeldismálum

Félags- og jafnréttismálaráðherra hefur skipað starfshóp sem meðal annars er falið að kortleggja og skilgreina þjónustuþörf fyrir gerendur í ofbeldismálum og þá sem eru í hættu á að fremja ofbeldisbrot. Hópnum er ætlað að skila ráðherra niðurstöðum sínum 1. nóvember næstkomandi.

Norrænir utanríkisráðherrar funduðu í Stokkhólmi

Guðlaugur Þór Þórðarson utanríkisráðherra sat fund utanríkisráðherra Norðurlanda sem haldinn var í Stokkhólmi í dag. Leiðtogafundur Atlantshafsbandalagsins og helstu málefni á alþjóðavettvangi, þar á meðal stríðið í Sýrlandi, voru á meðal umræðuefna á fundinum.

Ráðstefna um öryggismál sjófarenda 20. apríl

Alþjóðleg ráðstefna um öryggismál sjófarenda verður haldin föstudaginn 20. apríl. Kastljósinu verður beint að öryggi sjómanna frá ýmsum hliðum og með þátttöku bæði innlendra og erlendra sérfræðinga.

Skýrsla ráðherra um Alþjóðavinnumálaþingin í Genf 2016 og 2017

Vinnuskilyrði farandverkafólks og vandamál tengd hnattrænum aðfangakeðjum voru meðal umfjöllunarefna á 105. og 106. Alþjóðavinnumálaþingi Alþjóðavinnumálastofnunarinnar sem haldin voru í Genf árin 2016 og 2017 og fjallað er um í skýrslu félags- og jafnréttismálaráðherra til Alþingis.

Metnaðarfull markmið fyrir frístundaheimili

Nú er mikilvægur áfangi er í höfn sem snýr að því að samræma kröfur til starfsemi frístundaheimila og stuðla að þróunarstarfi um land allt í útfærslu og aukinni samþættingu skóla- og frístundastarfs fyrir yngri nemendur í grunnskólum.

Forsætisráðherra á leiðtogafundi í Stokkhólmi

Katrín Jakobsdóttir, forsætisráðherra, sótti leiðtogafund Norðurlanda og Indlands í Stokkhólmi í dag.

Ráðherra á alþjóðlegri ráðstefnu menntaleiðtoga

Kennarasamtökin uLead í Kanada standa árlega fyrir fjölmennri ráðstefnu forystufólks í menntamálum. Mennta- og menningarmálaráðherra sótti ráðstefnuna ásamt hópi íslensks fagfólks og fræðimanna.

Úthlutun styrkja til gæðaverkefna í heilbrigðisþjónustu

Svandís Svavarsdóttir heilbrigðisráðherra veitti í dag styrki til gæðaverkefna í heilbrigðisþjónustu. Gæðastyrkir hafa verið veittir árlega frá árinu 2001. Þeir eru einkum hugsaðar til að stuðla að umbótastarfi, nýbreytni og auknum gæðum heilbrigðisþjónustunnar og sem hvatning og viðurkenning fyrir störf á þessu sviði.

Ráðstefna um snemmtæka íhlutun í málefnum barna 8. maí

Velferðarráðuneytið boðar til til opinnar ráðstefnu um snemmtæka íhlutun í málefnum barna 8. maí næstkomandi á Hilton Reykjavík Nordica kl. 9.00 – 16:00. Meðal fyrirlesara eru norsku sérfræðingarnir Terje Ogden og Svanhild Vik en Norðmenn standa í fremstu röð í þessum efnum.

Minnisblað um þriðja orkupakka ESB

Þriðjudaginn 10. apríl sl. átti ferðamála-, iðnaðar- og nýsköpunarráðherra ásamt embættismönnum í atvinnuvega- og nýsköpunarráðuneytinu fund um þriðja orkupakka Evrópusambandsins með Ólafi Jóhannesi Einarssyni lögmanni hjá BBA lögmannsstofu og áður framkvæmdastjóra hjá Eftirlitsstofnun EFTA (ESA).…

Félagsvísar birtir í sjötta sinn

Út er komin 6. útgáfa Félagsvísa, en þeir eru safn tölulegra upplýsinga sem eiga að auðvelda stjórnvöldum og almenningi að fylgjast með þróun og breytingum í samfélaginu. Má þar nefna áhrif opinberra aðgerða og þjóðfélagsbreytinga á ólíka þjóðfélagshópa og þá sem standa höllum fæti.

Utanríkisráðherra á jafnréttisráðstefnu í Svíþjóð

Mikilvægt hlutverk kvenna í friðarumleitunum og þáttur karlmanna í jafnréttisumræðunni var á meðal þess sem Guðlaugur Þór Þórðarson, utanríkisráðherra, ræddi á jafnréttisráðstefnu í Stokkhólmi sem haldin var í boði utanríkisráðherra Svíþjóðar.

Ráðherra mælti fyrir stefnumótandi byggðaáætlun 2018-2024

Sigurður Ingi Jóhannsson samgöngu- og sveitarstjórnarráðherra mælti á Alþingi í gær fyrir tillögu til þingsályktunar um stefnumótandi byggðaáætlun fyrir árin 2018 til 2024. Áætlunin er unnin í samræmi við lög um byggðaáætlun og sóknaráætlanir nr.…

Úthlutun verkefnastyrkja atvinnuvega- og nýsköpunarráðuneytisins

Tuttugu og tvö verkefni hljóta í ár verkefnastyrki að upphæð 14,9 milljóna frá atvinnuvega- og nýsköpunarráðuneytinu.

Fundur norrænna ráðherra vinnumála gegn félagslegum undirboðum

Ásmundur Einar Daðason, félags- og jafnréttismálaráðherra, fjallaði m.a. um innleiðingu jafnlaunavottunar, frumvarp um keðjuábyrgð og réttindi og skyldur erlendra fyrirtækja sem senda starfsmenn tímabundið til Íslands og um nýtt samkomulag ASÍ og SA um starfsmannaleigur á fundi ráðherranna.

Breyting á reglugerð um lyfjaávísanir til umsagnar

Athygli er vakin á drögum að reglugerð um (2.) breytingu á reglugerð nr. 1266/2017 um lyfjaávísanir og afhendingu lyfja sem birt hefur verið til umsagnar í Samráðsgáttinni. Umsagnarfrestur er til 25. apríl næstkomandi.

Mikilvægt menningarsamstarf ráðuneyta

Ráðuneyti mennta- og menningarmála og utanríkisráðuneytið hafa gert með sér samkomulag um að móta sameiginlega stefnu um áherslur og framkvæmd alþjóðlegs menningarsamstarfs.

Árangursríkt meðferðarátak gegn lifrarbólgu C vekur athygli

Um 650 einstaklingar hafa lokið eða eru í meðferð vegna lifrarbólgu C á grundvelli meðferðarátaks sem hófst í ársbyrjun 2016. Af þeim 473 sem lokið höfðu meðferð þegar 15 mánuðir voru liðnir af átakinu höfðu 94% hlotið lækningu. Fjallað var um átakið á alþjóðlegu þingi í París í liðinni viku.

Áfram áskoranir í loftslagsmálum

Losun gróðurhúsalofttegunda dróst saman um 2% frá 2015 til 2016. Þetta kemur fram í nýrri skýrslu Umhverfisstofnunar um losun gróðurhúsalofttegunda (National Inventory Report) til Loftslagssamnings Sameinuðu þjóðanna. Enn eru þó miklar áskoranir framundan þar sem töluverð aukning hefur verið á losun Íslands frá viðmiðunarárinu 1990.

Styrkir til verkefna sem ætlað er að auka öryggi sjófarenda

Árlega eru veittir styrkir til hugvitsmanna til rannsókna og þróunar verkefna sem geta stuðlað að auknu öryggi sjófarenda. Styrkir eru nú lausir til umsóknar og er frestur til að skila inn umsóknum til 15. maí nk. Frekari upplýsingar er að finna á vef Samgöngustofu.

Sjálfstætt lyfjaeftirlit á Íslandi

Lyfjaeftirlit Íslands mun skipuleggja og framkvæma lyfjaeftirlit á Íslandi, og birta og kynna bannlista um efni þau sem óheimilt er að nota í íþróttum.

Skýrsla starfshóps um gögn og aðferðir til grundvallar jöfnun launa milli markaða

Samráðshópur, sem falið var að meta tölfræðigögn og aðferðir sem þurfa að liggja til grundvallar við jöfnun launa, hefur skilað skýrslu. Hópurinn var stofnaður til aðundirbúa vinnu í tengslum við samkomulag BHM, BSRB, KÍ, ríkisins og Sambands íslenskra sveitarfélaga frá 2016 um breytingar á skipan lífeyrismála opinberra starfsmanna, en í samkomulaginu er fjallað um jöfnun launa. Þar segir m.a.…

Drög að breytingu á reglugerð um framkvæmd siglingaverndar í umsagnarferli

Samgöngu- og sveitarstjórnarráðuneytið hefur nú birt til umsagnar í Samráðsgáttinni drög að breytingu á reglugerð um framkvæmd siglingaverndar. Með drögunum eru lagðar til breytingar sem fela í sér að Samgöngustofa skuli tilnefna stjórnvald hafnaverndar fyrir hverja höfn og það stjórnvald skuli vera ábyrgt fyrir gerð og framkvæmd verndaráætlana. Opið er fyrir innsendingu umsagna til og með 30.…

Ný reglugerð um hækkun sekta fyrir umferðarlagabrot tekur gildi 1. maí

Sigurður Ingi Jóhannsson samgöngu- og sveitarstjórnarráðherra hefur skrifað undir nýja reglugerð um sektir og önnur viðurlög fyrir umferðarlagabrot. Tekur hún gildi 1. maí næstkomandi. Sektir við umferðarlagabrotum hafa ekki hækkað í rúman áratug og er talin ástæða til að sektarupphæðir fylgi þróun verðlags.…

Reykjavíkurborg, ríkið og KSÍ stofna undirbúningsfélag um uppbyggingu Laugardalsvallar

Starfshópur sem ríkið og Reykjavíkurborg skipaði 11. janúar sl. um uppbyggingu Laugardalsvallar hefur nú skilað af sér niðurstöðum.

Menntun fyrir alla á Íslandi

Í framhaldi af viðamikilli úttekt á framkvæmd menntastefnunnar „Menntun fyrir alla“ er komið að næstu skrefum er styðja munu við langtímaþróun menntastefnu á Íslandi.

Skýrsla um bætta framkvæmd EES-samningsins gefin út

Utanríkisráðuneytið hefur gefið út skýrsluna Gengið til góðs – skref í átt að bættri framkvæmd EES-samningsins. Í þessari viðamiklu skýrslu eru rakin ýmis álitamál sem tengjast samningnum, meðal annars tafir á upptöku og innleiðingu EES-gerða og þrengra svigrúm til að hafa áhrif á slíkar gerðir en jafnframt er sjónum beint að endurbótastarfi í þessum efnum.

Menntun fyrir alla: næstu skref

Víðtækt samstarf hefur verið milli ríkis og sveitarfélaga og annarra hagsmunaaðila skólasamfélagsins um menntun fyrir alla. Í framhaldi af viðamikilli úttekt á framkvæmd stefnu um menntun fyrir alla (áður menntun án aðgreiningar) er komið að næstu skrefum er styðja munu við langtímaþróun menntastefnu á Íslandi.

Til heiðurs Ólympíuförunum okkar

Móttaka til heiðurs íslensku keppendunum á Vetrarólympíuleikunum og Vetrarólympíumóti fatlaðra í PyeongChang í Suður-Kóreu fór fram í ráðherrabústaðnum.

Ríkissjóður kaupir eigin bréf fyrir 27 milljarða króna

Ríkissjóður keypti í vikunni eigin skuldabréf af Seðlabanka Íslands samtals að fjárhæð 27 ma.kr. Um er að ræða bréf í flokknum RIKH 18 fyrir um 4,7 ma.kr. að nafnvirði og í flokknum RIKB 19 fyrir um 21,6 ma.kr. að nafnvirði. Uppgjör viðskipta fór fram í dag.

Orkuskipti í íslenskum höfnum

Mótun markvissrar aðgerðaáætlunar um orkuskipti í íslenskum höfnum með uppbyggingu rafinnviða fyrir skip og annarrar haftengdrar starfsemi eru kjarninn í samningi sem Þórdís Kolbrún R. Gylfadóttir, ferðamála, iðnaðar- og nýsköpunarráðherra undirritaði í dag við Íslenska Nýorku og Hafið-Öndvegissetur. Niðurstöðum verður skilað fyrir árslok.

Ýmsir þættir skattkerfisins til endurskoðunar á næstu árum

Næstu árin verða ýmsir þættir íslenska skattkerfisins til endurskoðunar, til hagsbóta fyrir einstaklinga og fyrirtæki, eins og sjá má í nýframkominni fjármálaáætlun ríkisstjórnarinnar fyrir tímabilið 2019-2023. Þar verður m.a. horft til þess að gera Ísland samkeppnishæfara í alþjóðlegum samanburði, auk þess að gera skattheimtu einfaldari, skilvirkari og sanngjarnari.

Áfangaskýrsla vegna flutninga á hergögnum með íslenskum loftförum 2008-2017

Samgöngu- og sveitarstjórnarráðherra kynnti fyrir ríkisstjórn í dag áfangaskýrslu vegna könnunar á flutningi á hergögnum með borgaralegum loftförum en sú vinna var gerð að beiðni forsætisráðherra.

Sendiskrifstofur í síbreytilegum heimi

Í nýútkominni skýrslu Guðlaugs Þórs Þórðarsonar utanríkisráðherra um utanríkis- og alþjóðamál kennir venju samkvæmt ýmissa grasa. Í skýrslunni er bryddað upp á því nýmæli að hafa upplýsingar um hverja sendiskrifstofu og birtar eru tölfræðiupplýsingar um hlutfallslega skiptingu verkefna, viðskipti, starfsfólk og kostnað.

Ráðgert að hefja vinnu við ný lög um leigubifreiðar með hliðsjón af tillögum starfshóps

Starfshópur sem skipaður var á vegum samgöngu- og sveitarstjórnarráðuneytisins í október á síðasta ári til að endurskoða í heild regluverk um leigubifreiðaakstur á Íslandi hefur skilað skýrslu með tillögum sínum. Starfshópurinn telur m.a. rétt að afnema fjöldatakmarkanir á útgefnum atvinnuleyfum til leigubifreiðaaksturs og að fallið verði frá lögbundinni stöðvarskyldu.…

Skýrsla utanríkisráðherra um utanríkis- og alþjóðamál

Guðlaugur Þór Þórðarson utanríkisráðherra flutti í dag Alþingi skýrslu sína um utanríkis- og alþjóðamál. Skýrslan gefur greinargott yfirlit yfir stöðu utanríkismála Íslands og helstu atburði á þeim vettvangi undanfarna tólf mánuði, með áherslu á þær breytingar sem nú eru til framkvæmdar í utanríkisþjónustunni.