Fréttir Stjórnarráðsins frá 1996-2020

Opinn kynningarfundur um landsáætlun um innviði

Boðað er til opins kynningarfundar um landsáætlun um innviði. Þessi stefnumarkandi áætlun er til tólf ára og setur fram sýn um uppbyggingu innviða á ferðamannastöðum svo vernda megi náttúru og menningarminjar sem þar eru fyrir álagi af völdum aukinnar umferðar ferðafólks. Fundurinn fer fram á Skúlagötu 4 í fyrirlestrarsal á 1. hæð, fimmtudaginn 15. febrúar kl. 13:30-15:00.

Skýrsla nefndar um skipulag bankastarfsemi

Nefnd sem fjármála- og efnahagsráðherra skipaði í júlí 2017 um skipulag bankastarfsemi á Íslandi hefur skilað skýrslu til ráðherra.

Verðmæti stöðugleikaeigna aukast um fimmtung

Með setningu laga nr. 60/2015 um stöðugleikaskatt og breytingum á bráðabirgðaákvæði III laga nr. 36/2001 um Seðlabanka Íslands, sem var hluti af áætlun um losun fjármagnshafta, var heimilað að slitabú fallinna fjármálafyrirtækja gætu greitt stöðugleikaframlag í stað greiðslu stöðugleikaskatts. Seðlabanki Íslands veitti stöðugleikaeignunum viðtöku en verðmætin runnu í ríkissjóð.…

Skipað í samráðshóp um endurskoðun búvörusamninga

Sjávarútvegs- og landbúnaðarráðherra hefur skipað í samráðshóp um endurskoðun búvörusamninga. Alls eiga nú átta fulltrúar sæti í hópnum og fara tveir þeirra sameiginlega með formennsku.

Samstarfsráðherrar Norðurlanda funda í Stokkhólmi

Sigurður Ingi Jóhannsson, samgöngu- og sveitarstjórnarráðherra sem jafnframt er samstarfsráðherra Norðurlanda, tók í dag þátt í fundi samstarfsráðherra Norðurlanda sem fram fór í Stokkhólmi. Er þetta fyrsti fundurinn undir formennsku Svíþjóðar í Norrænu ráðherranefndanefndinni.

Stjórnarráð Íslands tekur þátt í Framadögum

Stjórnarráð Íslands tekur þátt í Framadögum sem haldnir eru í Háskólanum í Reykjavík í dag.

Mennta- og menningarmálaráðherra bar saman kreppur í Seúl

Aðdragandi og áhrif íslensku fjármálakreppunnar árið 2008 voru til umræðu í fyrirlestri hjá Lilju Alfreðsdóttur, mennta- og menningarmálaráðherra í Seðlabanka Suður-Kóreu í gær. Líkt og Ísland gekk Suður-Kórea í gegnum fjármálakreppu, en landið tókst á við miklar efnahagsþrengingar í kjölfar asísku fjármálakreppunnar sem hófst árið 1997.

Flugvallarskilyrði í Hvassahrauni verði fullrannsökuð

Starfshópur um framtíð Reykjavíkurflugvallar skilaði Sigurði Inga Jóhannssyni, samgöngu- og sveitarstjórnarráðherra, nýverið áfangaskýrslu sinni. Jón Gunnarsson, fyrrverandi ráðherra, skipaði hópinn í september síðastliðnum.

Undirritun samnings við Fjarðabyggð um móttöku flóttafólks

Ásmundur Einar Daðason, félags- og jafnréttismálaráðherra og Páll Björgvin Guðmundsson, bæjarstjóri Fjarðabyggðar, undirrituðu í dag samning um móttöku fjögurra flóttafjölskyldna frá Írak sem væntanlegar eru til landsins og munu setjast að í sveitarfélaginu.

Brugðist við athugasemdum ESA með frumvarpi til breytinga á lögum um fjármálafyrirtæki

Eftirlitsstofnun EFTA (ESA) birti í dag fréttatilkynningu varðandi rökstutt álit ESA um að íslensk stjórnvöld hafi ekki innleitt þrjú ákvæði tilskipunar 2001/24/EB um endurskipulagningu og slitameðferð lánastofnana með fullnægjandi hætti í íslenskan rétt.

Úrvinnslu stöðugleikaeigna lýkur

Félagið Lindarhvoll ehf., sem stofnað var til að annast umsýslu, fullnustu og sölu svokallaðra stöðugleikaeigna, lauk á dögunum opnu söluferli Lyfju hf. með undirritun kaupsamnings við SID ehf. Það félag er í eigu SIA III, Þarabakka ehf. og Kasks ehf.

Forseti sænska þingsins átti fund með samgöngu- og sveitarstjórnarráðherra

Forseti sænska þjóðþingsins, Urban Ahlin, heimsótti nýverið Sigurð Inga Jóhannsson samgöngu- og sveitarstjórnarráðherra ásamt fylgdarliði en hann var hérlendis í opinberri heimsókn ásamt fjórum þingmönnum. Ræddi hann við ráðherra og nánustu samstarfsmenn í ráðuneytinu.

Valdefling æskunnar rædd í Seúl

,,Menntakerfið er mikilvægt verkfæri til að efla æsku þjóða og virkja ungt fólk til áhrifa‘‘ var meðal þess sem Lilja Alfreðsdóttir, mennta- og menningarmálaráðherra, sagði á ráðstefnu Stofnunar um alþjóðlega virkni og valdeflingar við Yonsei háskóla í Seúl.

Ráðherra á fundum með þremur framkvæmdastjórum SÞ stofnana

Guðlaugur Þór Þórðarson, utanríkisráðherra átti í vikunni fundi með framkvæmdastjórum þriggja stofnana Sameinuðu þjóðanna sem íslensk stjórnvöld eru í samstarfi við, þ.e. Mannfjöldasjóð Sameinuðu þjóðanna (UNFPA), Palestínuflóttamannahjálp Sameinuðu þjóðanna (UNRWA) og Barnahjálp Sameinuðu þjóðanna (UNICEF).…

Kristján Þór heimsótti Hafrannsóknastofnun

Kristján Þór Júlíusson, sjávarútvegs- og landbúnaðarráðherra, heimsótti í gær höfuðstöðvar Hafrannsóknastofnunar og fékk kynningu á starfsemi stofnunarinnar.

Hörgársveit hlýtur Orðsporið 2018

Sveitarfélagið Hörgársveit hlýtur Orðsporið 2018 – hvatningarverðlaun sem eru veitt á Degi leikskólans, 6. febrúar ár hvert. Hörgársveit hlýtur verðlaunin í ár fyrir að vera það sveitarfélag sem státar af hæsta hlutfalli leikskólakennara sem starfa við uppeldi og menntun leikskólabarna.

Hvítbók um fjármálakerfið

Fjármála- og efnahagsráðherra hyggst skipa starfshóp sem vinna á hvítbók um framtíðarsýn og stefnu fyrir fjármálakerfið á Íslandi, í samræmi við stjórnarsáttamála ríkisstjórnarinnar. Markmiðið er að skapa traustan grundvöll fyrir umræðu, stefnumörkun og ákvarðanatöku um málefni er varða fjármálakerfið, framtíðargerð þess og þróun.

Ísland styrkir stoðir stofnana SÞ með kjarnaframlögum

Guðlaugur Þór Þórðarson, utanríkisráðherra hitti í dag framkvæmdastjóra þriggja stofnana Sameinuðu þjóðanna sem íslensk stjórnvöld eru í samstarfi við, þ.e. Mannfjöldasjóð Sameinuðu þjóðanna (UNFPA), Palestínuflóttamannahjálp Sameinuðu þjóðanna (UNRWA) og Barnahjálp Sameinuðu þjóðanna (UNICEF).

Ráðherra heimsækir stofnanir

Guðmundur Ingi Guðbrandsson, umhverfis- og auðlindaráðherra, hefur undanfarna daga heimsótt nokkrar stofnanir umhverfis- og auðlindaráðuneytisins.

Fjölmennasti kvennaskóli veraldar heimsóttur

Ewha-háskólinn í Seúl í Suður-Kóreu var heimsóttur af Lilju Alfreðsdóttur, mennta- og menningarmálaráðherra. Skólinn á sér merkilega sögu en hann var stofnaður árið 1886 til að efla menntun kvenna og auka aðgengi þeirra að námi. Um 25.000 konur stunda nám við skólann, sem gerir hann að fjölmennasta kvennaskóla veraldar.

Þórdís Kolbrún á ferðamálaráðstefnu á Grænlandi

Þórdís Kolbrún R. Gylfadóttir ferðamálaráðherra kynnti áherslur Íslands í ferðamálum á þemaráðstefnu Vestnorræna ráðsins sem haldin var í Ilulissat á Grænlandi í síðustu viku.

Lýsti stuðningi við áherslur aðalframkvæmdastjóra SÞ

Guðlaugur Þór Þórðarson utanríkisráðherra átti í gær fund með António Guterres, aðalframkvæmdastjóra Sameinuðu þjóðanna, í höfuðstöðvum stofnunarinnar í New York. Hann hitti einnig Miroslav Lajcak, forseta allsherjarþingsins, og Jeffrey Feltman, yfirmann stjórnmáladeildar Sameinuðu þjóðanna.

5. fundur 6. feb - dagskrá og gögn

Áframhald samstarfs við UN Women

Guðlaugur Þór Þórðarson utanríkisráðherra og Phumzile Mlambo-Ngcuka, framkvæmdastýra stofnunar Sameinuðu þjóðanna um kynjajafnrétti og valdeflingu kvenna (UN Women) undirrituðu í morgun rammasamning um áframhaldandi samstarf íslenskra stjórnvalda og UN Women.

Aukið gagnsæi með opnun samráðsgáttar

Katrín Jakobsdóttir, forsætisráðherra, og Sigríður Á. Andersen, dómsmálaráðherra, opnuðu í dag nýja samráðsgátt stjórnvalda á vefslóðinni samradsgatt.Island.is.

Drög að landsáætlun um innviði til umsagnar

Umhverfis- og auðlindaráðuneytið kynnir til umsagnar drög að landsáætlun sem fjallar um hvernig eigi að byggja upp helstu innviði til verndar náttúru og menningarsögulegum minjum. Fjallar hún um stefnumótun vegna uppbyggingar innviða á ferðamannastöðum, leiðum og svæðum. Jafnframt er kynnt verkefnaáætlun um þau verkefni sem á að vinna á næstu þremur árum.

Frumvarp um rafrettur verður lagt fyrir Alþingi

Heilbrigðisráðherra mun leggja fram á Alþingi frumvarp til laga um rafrettur sem felur í sér heildstæðar reglur um innflutning, sölu og markaðssetningu á rafrettum og áfyllingum fyrir þær, auk ákvæða um eftirlit og skorður við notkun þeirra. Ráðherra kynnti frumvarpið á fundi ríkissstjórnar í liðinni viku.

Kristján Þór heimsótti Fiskistofu

Kristján Þór Júlíusson, sjávarútvegs- og landbúnaðarráðherra, heimsótti í morgun höfuðstöðvar Fiskistofu í Borgum á Akureyri og fékk kynningu á starfsemi stofnunarinnar.

Einar Hannesson ráðinn aðstoðarmaður Sigríðar Á. Andersen dómsmálaráðherra

Einar Hannesson lögmaður hefur verið ráðinn aðstoðarmaður Sigríðar Á. Andersen dómsmálaráðherra. Einar hefur störf á næstu vikum og mun starfa með Laufeyju Rún Ketilsdóttur sem hefur verið aðstoðarmaður ráðherra undanfarið eitt ár.

Afburðaárangur nýsveina verðlaunaður

27 nýsveinar voru heiðraðir fyrir góða frammistöðu og fagleg vinnubrögð á nýsveinahátíð Iðnaðarmannafélagsins í Reykjavík sem haldin var í tólfta sinn í ráðhúsi Reykjavíkur að viðstöddu fjölmenni. Að þessu sinni komu nýsveinarnir úr sjö verkmenntaskólum í 18 iðngreinum.

Mótun heildarlöggjafar um net- og upplýsingaöryggi

Sigurður Ingi Jóhannsson, samgöngu- og sveitarstjórnarráðherra kynnti á ríkisstjórnarfundi í dag, mótun heildarlöggjafar um net- og upplýsingaöryggi sem er næsta skref til eflingar netöryggis á Íslandi.

Auknar fjárveitingar til meðferðar kynferðisbrota hjá lögreglu og héraðssaksóknara

Sigríður Á. Andersen dómsmálaráðherra kynnti í dag á blaðamannafundi í dómsmálaráðuneytinu aðgerðaáætlun um meðferð kynferðisbrota í réttarvörslukerfinu og áform um eflingu löggæslunnar í landinu. Auka á fjárveitingar til að bæta við stöðugildum hjá lögreglu og hjá héraðssaksóknara, til að auka endurmenntun og til að bæta rannsóknarbúnað og verklagsreglur hjá lögreglu.

Menntakerfi sem undirbýr nemendur fyrir síbreytilegt hátæknisamfélag

Fjórða iðnbyltingin svokallaða breytir lífsháttum okkar og störfum og það er grundvallaratriði að menntakerfið sé í stakk búið til þess að undirbúa nýjar kynslóðir fyrir þessar miklu breytingar. Menntun á tímum fjórðu iðnbyltingarinnar var meðal umræðuefna á opnum fundi sem Félag atvinnurekenda efndi til í vikunni og var mennta- og menningarmálaráðherra á meðal þeirra sem ávörpuðu fundinn.

Verkefnisstjóri stjórnarskrárendurskoðunar

Forsætisráðherra hefur falið Unni Brá Konráðsdóttur að vera verkefnisstjóri vinnu við endurskoðun stjórnarskrárinnar.

Minnt á umsagnarfrest vegna heildarendurskoðunar jafnréttislaga

Vegna heildarendurskoðunar á lögum um jafna stöðu og jafnan rétt kvenna og karla hefur velferðarráðuneytið óskað eftir umsögnum og tillögum að breytingum á gildandi löggjöf. Minnt er á að umsagnir þurfa að berast ráðuneytinu fyrir 13. febrúar næstkomandi.

Styrkir til áhugahópa og faglegs starfs á verkefnasviðum atvinnuvega- og nýsköpunarráðuneytisins

Atvinnuvega og nýsköpunarráðuneyti styrkir félög, samtök, fyrirtæki eða einstaklinga eftir því sem við á, til að styðja við áhugahópa og faglegt starf á verkefnasviði ráðuneytisins. Umsóknarfrestur rennur út 28. febrúar 2018

Fyrirhugaðar endurbætur á löggjöf á sviði tjáningar-, fjölmiðla- og upplýsingafrelsis

Á fundi ríkisstjórnar í morgun kynnti forsætisráðherra fyrirkomulag vinnu við endurbætur á löggjöf á sviði tjáningar- fjölmiðla- og upplýsingafrelsis.

Drög að breytingu á reglugerð um útlendinga til umsagnar

Drög að breytingu á reglugerð um útlendinga nr. 540/2017 með síðari breytingum eru nú til umsagnar hjá dómsmálaráðuneytinu. Unnt er að senda ráðuneytinu umsagnir um drögin til og með 12. febrúar næstkomandi.

Jafnréttissjóður Íslands auglýsir eftir umsóknum um styrki

Auglýst er eftir umsóknum um styrki úr sjóðnum árið 2018. Sjóðurinn nýtur framlaga af fjárlögum og nemur árlegt framlag 100 milljónum króna. Umsóknarfrestur rennur út 22. mars næstkomandi kl. 16.00.

Nýir fulltrúar í stjórn Lánasjóðs íslenskra námsmanna

Lilja Alfreðsdóttir, mennta- og menningarmálaráðherra, hefur skipað Eygló Harðardóttur, Lárus Sigurð Lárusson, Sigrúnu Elsu Smáradóttur og Teit Björn Einarsson, tilnefndan af fjármála- og efnahagsráðherra, í stjórn Lánasjóðs íslenskra námsmanna.

Staða kvenna af erlendum uppruna rædd á öðrum fundi ráðherranefndar um jafnréttismál

Annar fundur ráðherranefndar um jafnréttismál var haldinn í forsætisráðuneytinu í morgun.

Breyttar reglur um afgreiðslu tiltekinna ávanabindandi lyfja

Lyfjastofnun hefur ákveðið að breyta reglum um afgreiðslu tiltekinna lyfja sem valdið geta ávana- og fíkn, til að hamla gegn misnotkun. Gert er ráð fyrir að nýjar reglur stofnunarinnar um þetta taki gildi 3. apríl næstkomandi.

Kolmunnakvóti Íslands 293 þúsund tonn

Sjávarútvegs- og landbúnaðarráðherra hefur í dag gefið út reglugerð um togveiðar íslenskra skipa á kolmunna árið 2018 og kveður hún á um að hlutur Íslands verði 293 þúsund tonn, sem nemur 21,1% af ráðlögðum heildarafla.

Ýmis álitaefni uppi um lagalega stöðu rafmynta

Undanfarið hefur nokkuð verið fjallað um rafmyntir og kaup og sölu á þeim. Íslensk stjórnvöld vöruðu árið 2014 við þeirri áhættu sem fylgir rafmynt eða sýndarfé (e. virtual/crypto currencies) svo sem Bitcoin. Þá hefur Fjármálaeftirlitið sent frá sér tilkynningu þar sem varað er við þeirri miklu áhættu sem fylgir viðskiptum með sýndarfé.

Tilnefning Vatnajökulsþjóðgarðs á heimsminjaskrá UNESCO afhent í París

Tilnefning Íslands um að Vatnajökulsþjóðgarður og hluti gosbeltisins verði tekinn inn á heimsminjaskrá Sameinuðu þjóðanna var afhent á skrifstofu UNESCO í París í dag.

Opið fyrir umsóknir í ungmennaráð Heimsmarkmiða Sameinuðu þjóðanna

Óskað er eftir umsóknum frá ungmennum á aldrinum 13 til 18 ára frá öllum landshlutum.

Byggðastofnun falin gerð þjónustukorts í samstarfi við Samband íslenskra sveitarfélaga

Sigurður Ingi Jóhannsson, samgöngu- og sveitarstjórnarráðherra, hefur falið Byggðastofnun að vinna þjónustukort í samstarfi við Samband íslenskra sveitarfélaga. Kortið á að sýna á aðgengi landsmanna að þjónustu hins opinbera og einkaaðila. Er það í samræmi við sáttmála ríkisstjórnarinnar.

Árni Páll til Uppbyggingarsjóðs EES

Árni Páll Árnason tekur við stöðu varaframkvæmdastjóra skrifstofu Uppbyggingarsjóðs EES í Brussel á morgun, 1. febrúar en hann var tilnefndur til starfans af íslenskum stjórnvöldum.

Nemendur í Vættaskóla hófu Lífshlaupið

Nemendur í Vættaskóla tóku þátt í þrautabraut við upphaf Lífshlaupsins og kepptu við Lilju Alfreðsdóttur, mennta- og menningarmálaráðherra, Dag B. Eggertsson borgarstjóra, Lárus Blöndal forseta ÍSÍ og Þuríði Óttarsdóttur, skólastjóra Vættaskóla.

Ársskýrsla innflytjendaráðs 2017

Innflytjendaráð hefur skilað félags- og jafnréttismálaráðherra skýrslu um störf sín árið 2017 í samræmi við lög um málefni innflytjenda.