Fréttir Stjórnarráðsins frá 1996-2020

Leita

Sýni 3601-3650 af 5714 niðurstöðum

16 nóvember 2018Félags- og húsnæðismálaráðuneytið

Aðgerðir til að auðvelda ungu fólki sín fyrstu húsnæðiskaup

Ráðist verður í sértækar aðgerðir til að gera ungu og tekjulágu fólki kleift að kaupa sér íbúðarhúsnæði. Ríkisstjórnin samþykkti á fundi sínum í dag tillögu Ásmundar Einars Daðasonar, félags- og jafnréttismálaráðherra, um skipun starfshóps sem á að útfæra ákveðnar aðgerðir í þessu skyni sem gefist hafa vel hjá grannþjóðum.

16 nóvember 2018Utanríkisráðuneytið

Íslensk flugfélög geta nú samið um Síberíuflugleiðina

Í kjölfar viðræðna íslenskra og rússneskra stjórnvalda hafa rússnesk stjórnvöld fallið frá kröfum um áætlunarflug til Rússlands sem skilyrði fyrir notkun Síberíuflugleiðarinnar. Íslensk flugfélög sem vilja fá leyfi til yfirflugs munu núna þurfa að semja um yfirflugsgjöld við viðkomandi aðila til að geta hafið flug til Asíu yfir Rússland. Þetta kom fram á samráðsfundi ríkjanna um viðskiptamál 8.…

16 nóvember 2018Heilbrigðisráðuneytið

Aðgerðir til að bregðast við lyfjaskorti

Lyfjastofnun hefur gripið til ákveðinna aðgerða til að bregðast við lyfjaskorti. Markmið þeirra er meðal annars að bæta yfirsýn stofnunarinnar yfir stöðuna á hverjum tíma og auðvelda henni þar með að grípa til ráðstafana þegar nauðsyn krefur.

16 nóvember 2018Atvinnuvegaráðuneytið

Reglugerð um vöktun á sýklalyfjaþoli

Kristján Þór Júlíusson sjávarútvegs- og landbúnaðarráðherra hefur gefið út reglugerð um vöktun á sýklalyfjaþoli. Reglugerðin mælir fyrir um sýnatökur og skýrslugjöf á þoli gegn sýklalyfjum sem greinast í dýrum, dýraafurðum eða matvælum, fóðurefnum til fóðurgerðar, fóðri, fiskimjöli, vatni, umhverfi eða öðrum sýnum sem tengjast eftirliti Matvælastofnunar og heilbrigðisnefnda sveitarfélaga.

15 nóvember 2018Innviðaráðuneytið

Ráðherra úthlutar 120 milljónum krónum í verkefnastyrki til að efla byggðir landsins

Undirritaðir hafa verið samningar við landshlutasamtök sveitarfélaga um níu verkefnastyrki sem veittir eru á grundvelli stefnumótandi byggðaáætlunar fyrir árin 2018-2024.

15 nóvember 2018Félags- og húsnæðismálaráðuneytið

Aukin úrræði fyrir hjúkrunarsjúklinga með alvarlegar geðraskanir

Svandís Svavarsdóttir heilbrigðisráðherra hefur fallist á ósk stjórnenda hjúkrunarheimilisins Markar í Reykjavík um að breyta tíu almennum hjúkrunarrýmum í sérhæfð geðhjúkrunarrými. Þörf fyrir fjölgun sértækra úrræða sem þessara er brýn til að tryggja hjúkrunarsjúklingum með alvarleg geðræn vandamál þjónustu við hæfi.

15 nóvember 2018Félags- og húsnæðismálaráðuneytið

Hjúkrunarrýmum fjölgar um tæp 200 innan tveggja ára

Ný hjúkrunarheimili í Hafnarfirði og á Seltjarnarnesi verða tekin í notkun snemma á næsta ári og framkvæmdir við byggingu hjúkrunarheimilis í Árborg og við Sléttuveg í Reykjavík eru komnar vel á veg. Með þessum framkvæmdum fjölgar hjúkrunarrýmum um tæp 200 innan tveggja ára.

14 nóvember 2018Atvinnuvegaráðuneytið

Frumvarp um takmörkun á notkun burðarpoka úr plasti í samráðsferli

Umhverfis- og auðlindaráðuneytið óskar eftir umsögnum um frumvarp vegna breytinga á lögum um hollustuhætti og mengunarvarnir. Með frumvarpinu er innleidd Evróputilskipun er lýtur að því að draga úr notkun á þunnum burðarpokum úr plasti.

14 nóvember 2018Mennta- og barnamálaráðuneytið

Samráðsferli um sviðslistafrumvarp

Að gefnu tilefni vill mennta- og menningarmálaráðuneyti árétta að frumvarp til sviðslistalaga er enn í vinnslu innan ráðuneytisins. Opið samráð í Samráðsgátt stjórnvalda, þar sem hagsmunaaðilum og öllum almenningi er frjálst að senda inn athugasemdir sínar og ábendingar, mun standa til 27. nóvember.

14 nóvember 2018Félags- og húsnæðismálaráðuneytið

Niðurstöður könnunar um stöðu leiguíbúða á vegum sveitarfélaga

Leiguíbúðum á vegum sveitarfélaga fjölgaði um 13,6% í Reykjavík og 10% í Kraganum á árabilinu 2012-2017 en fækkaði annars á landsbyggðinni nema á Norðurlandi eystra, samkvæmt niðurstöðum könnunar Varasjóðs húsnæðismála á stöðu leiguíbúða sem sveitarfélögin reka.

14 nóvember 2018Dómsmálaráðuneytið

Árangur og áskoranir í jafnréttismálum innan Stjórnarráðsins

Úttekt á launamun kynjanna og leiðréttingar því samfara, markvissar aðgerðir og áætlun gegn kynferðislegri áreitni og annarri ótilhlýðilegri háttsemi og áhersla á jafna kynjaskipan í nefndir, ráð og stjórnir á vegum ríkisins eru meðal verkefna sem hafa verið í forgangi í vinnu jafnréttisfulltrúa Stjórnarráðsins síðustu misseri.…

14 nóvember 2018Fjármála- og efnahagsráðuneytið

Nýir stjórnendur í fjármála- og efnahagsráðuneytinu

Undanfarið hafa orðið talsverðar breytingar á stjórnendahópi fjármála- og efnahagsráðuneytisins.

14 nóvember 2018Dómsmálaráðuneytið

Frestur fyrirtækja og stofnana til að öðlast jafnlaunavottun framlengdur um 12 mánuði

Ásmundur Einar Daðason félags- og jafnréttismálaráðherra hefur ákveðið að framlengja um 12 mánuði frest fyrirtækja og stofnana til að öðlast jafnlaunavottun samkvæmt ákvæðum laga um jafna stöðu og jafnan rétt karla og kvenna. Framlengingin tekur til fyrirtækja og stofnana, óháð stærð þeirra. Reglugerð ráðherra þessa efnis tók gildi í dag.

14 nóvember 2018Forsætisráðuneytið

Forsætisráðherra tók þátt í ráðstefnu Süddeutsche Zeitung

Katrín Jakobsdóttir, forsætisráðherra, tók þátt í alþjóðlegri ráðstefnu um efnahagsmál á vegum Süddeutsche Zeitung, mest lesna dagblaði Þýskalands, ásamt Jüri Ratas, forsætisráðherra Eistlands, og Önu Brnabić, forsætisráðherra Serbíu, í Berlín í gær.

14 nóvember 2018Heilbrigðisráðuneytið

Reglugerð um verkefni vísindasiðanefndar til umsagnar

Drög að reglugerð heilbrigðisráðherra um verkefni vísindasiðanefndar hafa verið birt til umsagnar í samráðsgátt stjórnvalda. Markmið reglugerðarinnar er að kveða nánar á um verkefni nefndarinnar og um heimild hennar til að setja sér starfsreglur.

13 nóvember 2018Umhverfis-٫ orku- og loftslagsráðuneytið

Skýrsla ráðherra um nýjar aðferðir við orkuöflun

Þórdís Kolbrún R. Gylfadóttir hefur að beiðni Alþingis lagt fram skýrslu um nýjar aðferðir við orkuöflun. Einkum er fjallað um nýtingu vindorku, sjávarorku og varmaorku með varmadælum en einnig er stutt umfjöllun um aðra möguleika sem skipt geta auknu máli við orkuöflun á komandi árum.

13 nóvember 2018Umhverfis-٫ orku- og loftslagsráðuneytið

Leiðrétting á fréttaflutningi um sæstreng

Atvinnuvega- og nýsköpunarráðuneytið vill af gefnu tilefni koma því á framfæri, að það er ekki rétt sem sagt er í fréttum í Morgunblaðinu og á vefnum Mbl.is í dag, að fyrirtækið Atlantic SuperConnection hafi verið að skoða möguleika á lagningu sæstrengsins Ice-Link á milli Bretlands og Íslands, sem sé á verkefnalista Evrópusambandsins.

13 nóvember 2018Atvinnuvegaráðuneytið

Breyting á lögum um hollustuhætti og mengunarvarnir í samráðsferli

Umhverfis- og auðlindaráðuneytið óskar eftir umsögnum um frumvarp vegna breytingu á lögum um hollustuhætti og mengunarvarnir. Með breytingunni fá stjórnvöld heimild til að leggja á stjórnvaldssektir vegna brota á lögunum sem og lögum um meðhöndlun úrgangs.

13 nóvember 2018Utanríkisráðuneytið

Stefnuyfirlýsing um NORDEFCO-samstarf undirrituð

Guðlaugur Þór Þórðarson utanríkisráðherra sótti fund varnarmálaráðherra Norðurlanda um NORDEFCO-samstarfið og fund varnarmálaráðherra norrænu ríkjanna og Eystrasaltsríkja sem haldnir voru í Ósló í dag. Norrænu ráðherrarnir undirrituðu á sínum fundi stefnuyfirlýsingu um öryggis- og varnarmálasamstarf ríkjanna.

13 nóvember 2018Mennta- og barnamálaráðuneytið

Styrkir til menningarsamstarfs milli Íslands og Noregs

Opnað hefur verið fyrir umsóknir um styrki til menningarsamstarfs milli Noregs og Íslands.

13 nóvember 2018Menningar-٫ nýsköpunar- og háskólaráðuneytið

Rætt um árangur Íslendinga í íþrótta- og æskulýðsmálum

Menningarmálaráðherra Eista, Indrek Saar, fundaði með Lilju Alfreðsdóttur mennta- og menningarmálaráðherra.

13 nóvember 2018Innviðaráðuneytið

Minningardagur um fórnarlömb umferðarslysa

Fórnarlamba umferðarslysa á Íslandi verður minnst á alþjóðlegum minningardegi sunnudaginn 18. nóvember.

12 nóvember 2018Forsætisráðuneytið

Dagskrá fullveldishátíðar 1. desember 2018

Ríkisstjórn Íslands efnir til fullveldishátíðar í tilefni þess að 100 ár eru liðin síðan Ísland öðlaðist fullveldi.

12 nóvember 2018Dómsmálaráðuneytið

Fræðsluefni um aðgerðir gegn peningaþvætti og fjármögnun hryðjuverka

Unnið er að gerð fræðsluefnis um aðgerðir gegn peningaþvætti og fjármögnun hryðjuverka. Í dag voru birtir fyrstu tveir bæklingarnir.

12 nóvember 2018Forsætisráðuneytið

Forsætisráðherra tekur þátt í ráðstefnu Süddeutsche Zeitung og fundar með kanslara Þýskalands

Katrín Jakobsdóttir, forsætisráðherra, tekur þátt í alþjóðlegri ráðstefnu um efnahagsmál á vegum Süddeutsche Zeitung í Berlín á morgun, 13. nóvember. Forsætisráðherra mun einnig eiga tvíhliða fund með Angelu Merkel, kanslara Þýskalands í Berlín á morgun.

12 nóvember 2018Forsætisráðuneytið

Bréf forsætisráðherra til bankaráðs Seðlabanka Íslands

Forsætisráðherra hefur sent formanni bankaráðs Seðlabanka Íslands bréf vegna umfjöllunar um dóm Hæstaréttar í máli Seðlabanka Íslands gegn Samherja hf. þar sem óskað er eftir greinargerð bankaráðs um málið, sbr. meðfylgjandi bréf.

12 nóvember 2018Innviðaráðuneytið

Opið samráð um endurskoðun reglugerðar ESB um bókunarkerfi í flugi

Framkvæmdastjórn Evrópusambandsins hefur hafið opið samráð vegna endurskoðunar á reglugerð um bókunarkerfi í flugi.

09 nóvember 2018Umhverfis-٫ orku- og loftslagsráðuneytið

Unnið að stofnun miðhálendisþjóðgarðs

63% almennings á Íslandi er fylgjandi stofnun þjóðgarðs á miðhálendi Íslands, ferðamenn nefna sem aðdráttarafl hálendisins að þar sé einstök náttúra og þverpólitísk nefnd vinnur nú að því að undirbúa stofnun miðhálendisþjóðgarðs. Þetta er meðal þess sem fram hefur komið á Umhverfisþingi sem umhverfis- og auðlindaráðherra boðaði til og stendur nú yfir á Grand hóteli.

09 nóvember 2018Innviðaráðuneytið

Verklagsreglur gefnar út um viðauka við fjárhagsáætlun sveitarfélaga

Gefnar hafa verið út verklagsreglur um gerð viðauka við fjárhagsáætlun sveitarfélaga í því skyni að samræma megi reikningsskil sveitarfélaga.

09 nóvember 2018Umhverfis-٫ orku- og loftslagsráðuneytið

Mikill efnahagslegur ávinningur af friðlýstum svæðum

Efnahagsleg áhrif friðlýstra svæða á Íslandi eru ótvírætt jákvæð. Á árinu 2017 var beinn efnahagslegur ávinningur 12 svæða og nærsamfélaga þeirra um 10 milljarðar króna. Ávinningurinn fyrir þjóðarbúið í heild var 33,5 milljarðar króna. Þetta eru niðurstöður fyrstu rannsóknar sem gerð hefur verið á landsvísu á efnahagslegum áhrifum friðlýstra svæða á Íslandi.

09 nóvember 2018Mennta- og barnamálaráðuneytið

Hvatning á degi gegn einelti

Vinaliðaverkefnið hlaut í gær hvatningarverðlaun dags gegn einelti 2018. Verkefnið hefur verið innleitt í 46 íslenskum skólum.

09 nóvember 2018Forsætisráðuneytið

Forsætisráðherra kynnti drög að stefnu um samþykki fyrir nýtingu lands og landsréttinda í þjóðlendum

Forsætisráðherra kynnti drög að stefnu um samþykki fyrir nýtingu lands og landsréttinda í þjóðlendum á ríkisstjórnarfundi í morgun. Drögin að stefnu hafa nú verið birt í samráðsgátt Stjórnarráðsins. Frestur til að skila umsögnum er til 30. nóvember nk.

09 nóvember 2018Umhverfis-٫ orku- og loftslagsráðuneytið

XI. Umhverfisþing hafið - bein útsending

Þétt er setið á XI. Umhverfisþingi sem hófst á Grand Hóteli kl. 13 í dag en metaðsókn er að þinginu. Að þessu sinni fjallar Umhverfisþing um nýja nálgun í náttúruvernd og stofnun þjóðgarðs á miðhálendi Íslands.

09 nóvember 2018Forsætisráðuneytið

Leiði Jóns Magnússonar fyrrverandi forsætisráðherra lagfært

Ríkisstjórnin og skrifstofa Alþingis hafa ákveðið að leggja fé af mörkum til að heiðra minningu Jóns Magnússonar sem var forsætisráðherra þegar Ísland öðlaðist fullveldi 1. desember 1918.

09 nóvember 2018Atvinnuvegaráðuneytið

Heimagistingarvaktin skilar árangri: 80% fjölgun á skráðum heimagistingum

Til að tryggja rétta skráningu og bæta eftirlit heimagistingar, var Heimagistingarvakt efld með sérstakri fjárveitingu ferðamálaráðherra síðasta sumar. Hún hefur nú þegar skilað árangri.

09 nóvember 2018Utanríkisráðuneytið

Landsáætlun Íslands um konur, frið og öryggi 2018-2022 komin út

Guðlaugur Þór Þórðarson utanríkisráðherra kynnti á ríkisstjórnarfundi í morgun þriðju aðgerðaáætlun Íslands vegna ályktunar öryggisráðs Sameinuðu þjóðanna um konur, frið og öryggi. Landsáætlun Íslands um konur, frið og öryggi 2018-2022 er komin út.

09 nóvember 2018Fjármála- og efnahagsráðuneytið

Aukinn stuðningur við rannsóknir, þróun og nýsköpun

Fjármála- og efnahagsráðherra hefur á Alþingi mælt fyrir frumvarpi um að auka stuðning við rannsóknir og þróun fyrirtækja og stuðla þannig að enn frekari nýsköpun. Lagt er til að núgildandi viðmiðunarfjárhæðir endurgreiðslna vegna rannsókna- og þróunarkostnaðar tvöfaldist, hækki úr 300 m.kr. í 600 m.kr.

08 nóvember 2018Utanríkisráðuneytið

Samkomulag við millilandaráð Viðskiptaráðs undirritað

Guðlaugur Þór Þórðarson utanríkisráðherra undirritaði í dag samkomulag við alþjóðlegu viðskiptaráðin, sem starfa innan vébanda Viðskiptaráðs Íslands, um að efla áralangt samstarf þessara aðila á sviði utanríkisviðskipta.

08 nóvember 2018Umhverfis-٫ orku- og loftslagsráðuneytið

Metaðsókn á XI. Umhverfisþing sem fer fram á morgun

Um 400 manns eru skráðir á Umhverfisþing sem haldið er á morgun á Grand Hóteli og hafa aldrei jafn margir skráð sig á þingið. Þetta er í XI. sinn sem umhverfis- og auðlindaráðherra boðar til Umhverfisþings. Að þessu sinni fjallar þingið annars vegar um nýja sýn og nýja nálgun í náttúruvernd og hins vegar um þjóðgarð á miðhálendinu og tækifærin fram undan.

08 nóvember 2018Heilbrigðisráðuneytið

Drög að frumvarpi til laga um ófrjósemisaðgerðir til umsagnar

Velferðarráðuneytið hefur birt til umsagnar í samráðsgátt stjórnvalda drög að frumvarpi heilbrigðisráðherra til nýrra laga um ófrjósemisaðgerðir.

07 nóvember 2018Innviðaráðuneytið

Ráðherra fjallaði um flutningamál framtíðar á ráðstefnu

Samgöngu- og sveitarstjórnarráðherra fjallaði um nýjar fjármögnunarleiðir í samgöngum og mótun nýrrar flugstefnu á ráðstefnu um flutningamál í Hörpu.

07 nóvember 2018Félags- og húsnæðismálaráðuneytið

Notendur velferðarþjónustu hafa meiri væntingar og fatlaðir eiga skilið að lifa sjálfstæðu lífi

Ráðstefnan Tímamót í velferðarþjónustu er haldin í dag á Nordica hótelinu: Þjóðin stendur frammi fyrir stórum ákvörðunum um hvernig standa eigi að framkvæmd velferðarþjónustunnar.

07 nóvember 2018Félags- og húsnæðismálaráðuneytið

Bæta á réttindi og eftirlit með aðbúnaði fatlaðs fólks

Ásmundur Einar Daðason, félags- og jafnréttismálaráðherra, skrifar í dag undir sex reglugerðir sem allar snúa að því að bæta þjónustu við fatlaða og tryggja aukið eftirlit með aðbúnaði á heimilum og stofnunum sem þjóna fötluðum.

07 nóvember 2018Félags- og húsnæðismálaráðuneytið

Samningur um gerð greiningar á stöðu kvenna af erlendum uppruna

Ásmundur Einar Daðason, félags- og jafnréttismálaráðherra, og Unnur Dís Skaptadóttir, fyrir hönd Hreyfanleiki og þverþjóðlegt Ísland og Háskóla Íslands, undirrituðu í dag samning milli velferðarráðuneytisins og Háskóla Íslands um gerð greiningar á stöðu kvenna af erlendum uppruna.

07 nóvember 2018Umhverfis-٫ orku- og loftslagsráðuneytið

Framlengdur frestur til að skila inn umsögnum um aðgerðaáætlun í loftslagsmálum

Umhverfis- og auðlindaráðuneytið hefur ákveðið að framlengja frest til að skila inn umsögnum um aðgerðaáætlun í loftslagsmálum 2018 – 2030 til 15. nóvember næstkomandi.

06 nóvember 2018Utanríkisráðuneytið

Ráðherra ásamt viðskiptasendinefnd til Indlands

Í tilefni af fyrsta beina áætlunarflugi frá Íslandi til Suður-Asíu heldur Guðlaugur Þór Þórðarson utanríkisráðherra til Indlands með WOW air 6. desember ásamt viðskiptasendinefnd.

06 nóvember 2018Utanríkisráðuneytið

Aðkoma atvinnulífs og félagasamtaka mikilvæg í uppbyggingu þróunarríkja

„Meginmarkmiðið með framlagi Íslands til þróunarsamvinnu er að draga úr fátækt og stuðla að atvinnusköpun og viðvarandi sjálfbærum hagvexti í þróunarlöndum til að leggja grunn að aukinni velsæld. Aðkoma atvinnulífsins – sem býr yfir frumkvæði og margs konar sérþekkingu sem nýst getur við að leysa flókin verkefni – er mikilvægur þáttur í þessari uppbyggingu.…

06 nóvember 2018Innviðaráðuneytið

Ný heildarlöggjöf um póstþjónustu lögð fram á Alþingi

Frumvarp til nýrra laga um póstþjónustu felur í sér afnám einkaréttar á póstþjónustu og að tryggja skuli aðgang að alþjónustu.

06 nóvember 2018Forsætisráðuneytið

Ráðherrabifreiðar verða rafvæddar

Samkvæmt tillögu forsætisráðherra, sem samþykkt var í ríkisstjórn í morgun 6. nóvember, verða ráðherrabifreiðar rafvæddar. Er það í samræmi við loftslagsstefnu Stjórnarráðsins og aðgerðaáætlun stjórnvalda í loftslagsmálum.

06 nóvember 2018Umhverfis-٫ orku- og loftslagsráðuneytið