Fréttir Stjórnarráðsins frá 1996-2020

Námsefni í lestri fyrir elstu bekki leikskóla

Menntamálastofnun og Lions-hreyfingin standa sameiginlega að dreifingu námsefnapakka til allra nemenda í elstu bekkjum leikskóla á Íslandi með það að markmiði að efla hæfni þeirra í lestri.

Reglugerð varðandi tilkynningar um markaðssetningu rafrettna til umsagnar

Drög að reglugerð heilbrigðisráðherra um tilkynningar til Neytendastofu um markaðssetningu rafrettna og áfyllinga fyrir rafrettur hefur verið birt til umsagnar í samráðsgátt stjórnvalda.

Heildarútgjöld til löggæslumála

Meðfylgjandi súlurit sýnir þróun heildarútgjalda til löggæslumála síðasta áratug og hvers vænta má á komandi ári.

Íslenskar ritreglur skýrðar – leiðbeiningar um greinarmerkjasetningu

Íslensk málnefnd semur íslenskar ritreglur sem meðal annars gilda í skólakerfinu. Nýjar ritreglur sem gilda um stafsetningarkennslu í skólum og útgefnu efni á vegum hins opinbera voru gefnar út nú í sumar.

Aðgerðir gegn misnotkun lyfja

Svandís Svavarsdóttir heilbrigðisráðherra fjallar um aðgerðir til að sporna við misnotkun lyfja sem valdið geta ávana og fíkn, í blaðagrein sem birtist í dag. Hún segir heilbrigðisyfirvöld verða að gera allt sem í þeirra valdi stendur til að sporna gegn þessum vanda og rekur í greininni það sem þegar hefur verið gert í þessu skyni og hvaða aðgerðir eru í bígerð.

Úttekt á smásölu lyfja á Íslandi

Velferðarráðuneytið hefur samið við Hagfræðistofnun Háskóla Íslands um gerð úttektar á smásölu lyfja hér á landi. Skoðað verður hvernig markaðurinn hefur þróast frá því að verslun með lyf var gefin frjáls árið 1996 og hvort helstu markmiðum lyfjalaga sé framfylgt.

Öryggi iðkenda í fyrirrúmi

Starfshópur mennta- og menningarmálaráðherra, sem skipaður var í kjölfar #églíka-yfirlýsinga íþróttakvenna, hefur skilað ráðherra tillögum um aðgerðir gegn kynferðislegri áreitni og ofbeldishegðun í íþrótta- og æskulýðsstarfi.

Drög að reglugerð um skömmtun lyfja til umsagnar

Drög að endurskoðaðri reglugerð heilbrigðisráðherra um skömmtun lyfja hefur verið birt til umsagnar í samráðsgátt stjórnvalda. Umsagnarfrestur er til 10. september næstkomandi.

Drög að frumvarpi um framlengingu og víkkun gildissviðs laga um svæðisbundna flutningsjöfnun til umsagnar

Samgöngu- og sveitarstjórnarráðuneytið óskar eftir umsögnum um drög að frumvarpi þar sem lagt er til að gildistími laga um svæðisbundna flutningsjöfnun verði framlengdur til ársloka 2025. Skilyrði flutningsjöfnunarstyrkja verði jafnframt rýmkuð til að fjölga þeim framleiðendum á landsbyggðinni sem mögulega geta notið slíkra styrkja. Opið er fyrir umsagnir til og með 30. ágúst nk.

Skýrsla starfshóps um endurskoðun skattlagningar ökutækja og eldsneytis

Starfshópur sem unnið hefur að endurskoðun skattlagningar ökutækja og eldsneytis hefur skilað skýrslu til fjármála- og efnahagsráðherra.

Fundir stjórnvalda og aðila vinnumarkaðarins

Ríkisstjórn Katrínar Jakobsdóttur og aðilar vinnumarkaðarins hafa fundað um ýmis viðfangsefni sem lúta að samskiptum vinnumarkaðarins og stjórnvalda frá því í desember 2017.

Elíza Gígja spennt að sjá Úganda með augum unglingsins

Elíza Gígja Ómarsdóttir fimmtán ára reykvísk stúlka hefur verið valin til að taka þátt í gerð heimildarmyndar um Heimsmarkmið Sameinuðu þjóðanna sem utanríkisráðuneytið fyrir hönd íslenskra stjórnvalda stendur að í samvinnu við auglýsingastofuna Hvíta húsið og RÚV. Katrín Jakobsdóttir forsætisráðherra tilkynnti Elízu Gígju óvænt niðurstöðuna í gær á Víkingsvellinum í Fossvogi.…

Nýr aðstoðarmaður mennta- og menningarmálaráðherra

Jón Pétur Zimsen hefur verið ráðinn aðstoðarmaður Lilju Alfreðsdóttur mennta- og menningarmálaráðherra.

Mikilvægi Evrópusamvinnu fyrir rannsóknir og nýsköpun

Vinna er hafin við níundu rannsóknar- og nýsköpunaráætlun ESB, Horizon Europe, og birti framkvæmdastjórn ESB drög að henni í byrjun júní.

Viðvaranir Embættis landlæknis vegna misnotkunar lyfja

Vegna frétta undanfarið um notkun ungmenna á ávanabindandi lyfjum hefur embættið tekið saman upplýsingar um alvarleg áhrif og afleiðingar misnotkunar. Fjallað er um bráðar og óafturkræfar afleiðingar sem hlotist geta af því að taka inn of stóran skammt af tilteknum lyfjum.

Norski utanríkisráðherrann í vinnuheimsókn

Utanríkisráðherra Noregs heimsótti í dag bændur í Borgarfirði sem ætla að selja hey til norskra bænda. Þau Guðlaugur Þór Þórðarsson utanríkisráðherra ræddu ýmis málefni í vinnuheimsókn hennar hingað til lands.

Endurskoðun laga um mat á umhverfisáhrifum hafin

Húsfyllir var á upphafsfundi umhverfis- og auðlindaráðherra vegna endurskoðunar laga um mat á umhverfisáhrifum. Fundurinn var haldinn á Grand hóteli í gær með þjóðfundarsniði.

Norrænir sveitarstjórnarráðherrar funda í Finnlandi

Sigurður Ingi Jóhannsson, samgöngu- og sveitarstjórnarráðherra, situr nú fund norrænna sveitarstjórnarráðherra í bænum Porvoo i Finnlandi. Meðal umræðuefna er stefnumörkun landanna og umbætur á sveitarstjórnarstiginu.…

Umhverfis- og auðlindaráðherra heldur kynningarfundi um drög að frumvarpi um nýja stofnun fyrir verndarsvæði á Íslandi

Umhverfis- og auðlindaráðherra boðar til funda með sveitarfélögum, umhverfisverndarsamtökum, ferðamálasamtökum og útivistarsamtökum þar sem kynnt verða drög að frumvarpi um nýja stofnun sem ætlað er að hafa með höndum umsýslu allra þjóðgarða á Íslandi og annarra friðlýstra svæða auk almennrar náttúruverndar.

Fjölmenni á alþjóðlegu fornsagnaþingi

Íslendingasögurnar eru í brennidepli á alþjóðlegu fornsagnaþingi sem nú stendur yfir á vegum Stofnunar Árna Magnússonar í íslenskum fræðum og Háskóla Íslands.

Skýrari staða og hlutverk landshlutasamtaka sveitarfélaga

Samgöngu- og sveitarstjórnarráðherra hefur skipað starfshóp sem hefur það hlutverk að meta stöðu landshlutasamtaka sveitarfélaga með það að markmiði að skýra hlutverk þeirra og stöðu gagnvart sveitarfélögum annars vegar og ríkinu hins vegar

10. fundur 13. ágúst - dagskrá

Forsætisráðherra ávarpar gesti Gleðigöngunnar

Katrín Jakobsdottir, forsætisráðherra, ávarpaði gesti í Hljómskálagarðinum í dag að lokinni Gleðigöngunni, hápunkti Hinsegindaganna.

Mótun menntastefnu Íslands til ársins 2030 – fundaröð í haust

Vinna er hafin við að móta nýja menntastefnu Íslands til ársins 2030. Menntastefna sú mun ávarpa og setja í forgang þær áskoranir sem íslenskt samfélag stendur frammi fyrir í mennta- og velferðarmálum.

Rætt um karla í kennarastétt

Andri Rafn Ottesen, nýútskrifaður kennari, kynnti rannsókn sína og lokaverkefni fyrir Lilju Alfreðsdóttur mennta- og menningarmálaráðherra í gær. Í meistaraverkefni sínu fylgdi Andri Rafn eftir fjórum nýbrautskráðum kennslukörlum fyrstu mánuði þeirra í starfi í íslenskum grunnskólum.

Fulltrúar kínverska kommúnistaflokksins funduðu með fjármála- og efnahagsráðherra

Fulltrúar kínverska kommúnistaflokksins, CPC, heimsóttu Ísland á dögunum og óskuðu eftir fundi með Bjarna Benediktssyni, fjármála- og efnahagsráðherra. Á fundinum kynntu fulltrúar CPC hugmyndir flokksins að auknu samstarfi við önnur ríki.

Vegna ferðalaga til Indónesíu

Nokkuð hefur verið um að fólk hafi haft samband við borgarþjónustu utanríkisráðuneytisins að undanförnu vegna jarðskjálftanna í Indónesíu. Utanríkisráðuneytið gefur sjaldan út ferðaviðvaranir en bendir í staðinn á viðvaranir helstu samstarfsþjóða.

Aukið samstarf Íslands og Japan á sviði mennta- og vísindamála

Samvinna á sviði mennta- og vísindamála og málefni norðurslóða voru aðalefni fundar Lilju Alfreðsdóttur mennta- og menningarmálaráðherra og hr. Toshiei Mizuochi, ráðherra mennta- og vísindamála Japana.

Heimsókn forsætisráðherra á Íslendingaslóðir í Kanada og Bandaríkjunum

Forsætisráðherra, Katrín Jakobsdóttir, og eiginmaður hennar, Gunnar Sigvaldason, voru heiðursgestir á Íslendingahátíðum sem haldnar voru í Gimli í Manitoba og í Mountain í Norður-Dakóta 4. og 6. ágúst sl. Flutti forsætisráðherra ávarp á báðum hátíðum og tók þátt í hátíðahöldum þeim tengdum. Íslendingahátíð var nú haldin í 119. sinn í Mountain og í 129. sinn í Gimli.

Hækkun viðmiðunarfjárhæða gjafsóknar

Þann 1. ágúst sl. tók gildi reglugerð dómsmálaráðherra um breytingu á reglugerð um skilyrði gjafsóknar og starfshætti gjafsóknarnefndar nr. 45/2008.

Forsætisráðherrahjónin heimsækja Íslendingaslóðir

Katrín Jakobsdóttir, forsætisráðherra, og eiginmaður hennar, Gunnar Sigvaldason, heimsækja Íslendingaslóðir í Kanada og Bandaríkjunum 2.-7. ágúst nk.

Nýr aðstoðarmaður samgöngu- og sveitarstjórnarráðherra

Sigtryggur Magnason er nýr aðstoðarmaður Sigurðar Inga Jóhannssonar samgöngu- og sveitarstjórnarráðherra.

Drög að frumvarpi til nýrra heildarlaga um aðgerðir gegn peningaþvætti og fjármögnun hryðjuverka.

Dómsmálaráðuneytið óskar eftir umsögnum um drög nýjum heildarlögum um aðgerðir gegn peningaþvætti og fjármögnun hryðjuverka. Frumvarpið hefur verið birt í Samráðsgátt og skal umsögnum skilað þar eigi síðar en 8. ágúst nk.

Drög að reglum um úthlutun styrkja og framlaga sem veitt eru á grundvelli stefnumótandi byggðaáætlunar

Samgöngu- og sveitarstjórnarráðuneytið kynnir drög að reglum um úthlutun styrkja og framlaga og óskar eftir umsögnum um þær í samráðsgátt stjórnvalda.

Valgerður Gunnarsdóttir skipuð skólameistari Framhaldsskólans á Húsavík

Valgerður Gunnarsdóttir hefur verið skipuð skólameistari Framhaldsskólans á Húsavík.

Lilja Guðný Jóhannesdóttir skipuð skólameistari Verkmenntaskóla Austurlands

Lilja Guðný Jóhannesdóttur hefur verið skipuð skólameistari Verkmenntaskóla Austurlands.

Kristín Þórðardóttir skipuð sýslumaður

Dómsmálaráðherra hefur skipað Kristínu Þórðardóttur til að vera sýslumaður á Suðurlandi frá 1. ágúst nk.

Forsætisráðherra Katrín Jakobsdóttir á Sturluhátíð

Katrín Jakobsdóttir ávarpaði Sturluhátíð í gær. Í ræðu sinni fjallaði hún um hliðstæður milli Sturlungaaldar og samtímans með tilliti til nýrra miðla og áhrifa þeirra á stjórnmálin. Þá fjallaði hún einnig um gildi fornsagnanna fyrir þau sem börðust fyrir fullveldinu á sínum tíma

Ríkisstjórnin styrkir Kvennafrí 2018 um fimm milljónir kr.

Þann 24. október 1975 lögðu þúsundir kvenna um land allt niður vinnu til að sýna fram á mikilvægi vinnuframlags kvenna undir yfirskriftinni kvennafrí og síðan hafa konur fjórum sinnum til viðbótar gengið út af vinnustað sínum til að mótmæla misrétti og misjöfnum kjörum kynjanna á íslenskum vinnumarkaði.

Ríkisstjórnin styrkir skákfélagið Hrókinn í tilefni af 20 ára afmæli félagsins á þessu ári

Ríkisstjórnin samþykkti á fundi sínum í morgun að veita skákfélaginu Hróknum þriggja milljóna kr. styrk af ráðstöfunarfé ríkisstjórnarinnar í tilefni af 20 ára afmæli félagsins árið 2018 og verkefnum sem tengjast þeim tímamótum.

Endurskoðun sauðfjársamnings flýtt

Sjávarútvegs- og landbúnaðarráðherra hefur í samráði við Bændasamtök Íslands ákveðið að flýta viðræðum um endurskoðun samnings um starfsskilyrði sauðfjárræktar og verða skipaðar samninganefndir á vegum ríkisins og bænda á næstu dögum.

Drög að frumvarpi um nýja stofnun verndarsvæða til umsagnar

Umhverfis- og auðlindaráðuneytið óskar eftir umsögnum um frumvarp um nýja stofnun sem ætlað er að hafa með höndum umsýslu allra þjóðgarða á Íslandi og annarra friðlýstra svæða auk almennrar náttúruverndar. Samhliða er kallað eftir tillögum um nafn á hina nýju stofnun.

Steinn Jóhannsson skipaður rektor Menntaskólans við Hamrahlíð

Steinn Jóhannsson hefur verið skipaður rektor Menntaskólans við Hamrahlíð.

Magnús Ingvason skipaður skólameistari FÁ

Magnús Ingvason hefur verið skipaður í embætti skólameistara Fjölbrautaskólans við Ármúla.

Framlög úr Framkvæmdasjóði aldraðra árið 2018

Stjórn Framkvæmdasjóðs aldraðra auglýsir eftir umsóknum um framlög úr Framkvæmdasjóði aldraðra fyrir árið 2018. Hlutverk sjóðsins er að stuðla að uppbyggingu og efla öldrunarþjónustu um allt land.

Moody’s breytir horfum fyrir lánshæfiseinkunnir ríkissjóðs Íslands í jákvæðar úr stöðugum

Matsfyrirtækið Moody’s Investors Service breytti í kvöld horfum fyrir lánshæfiseinkunnir ríkissjóðs Íslands í jákvæðar úr stöðugum og staðfesti lánshæfiseinkunnina A3 fyrir langtímaskuldbindingar.

Dómsmálaráðherra sótti fund Schengen ríkja í Austurríki.

Sigríður Á. Andersen dómsmálaráðherra sótti óformlegan fund dóms- og innanríkisráðherra Schengen ríkjanna sem haldinn var í Innsbruck, Austurríki, fimmtudaginn 12. júlí 2018 en Austurríki tók við formennsku í ráðinu 1. júlí 2018.

Byggðin við Bakkaflóa

Samgöngu- og sveitarstjórnarráðherra hefur skipað nefnd um málefni byggðarinnar við Bakkaflóa. Verkefni nefndarinnar er að yfirfara tillögur starfshóps á vegum heimamanna og fleiri aðila um málefni byggðarinnar við Bakkaflóa og gera tillögur til ríkisstjórnar um viðbrögð stjórnvalda.

Ísland undanþegið verndartollum ESB

EFTA-ríkin innan EES, þar með talið Ísland, eru undanþegin tímabundnum verndartollum ESB á stálvörum sem tilkynnt var um í dag. Undanþágan, sem veitt er á grundvelli EES-samningsins, skapar fordæmi og mun einnig gilda um mögulega verndartolla á innflutning á áli til ESB sem nú eru til skoðunar.

Tillögur um Barnamenningarsjóð Íslands og nýtt hafrannsóknarskip samþykktar á hátíðarfundi Alþingis á Þingvöllum

Tillögur formanna stjórnmálaflokka, annars vegar um stofnun Barnamenningarsjóðs Íslands sem ætlað er að tryggja þátttöku allra barna í sköpun og menningu og hins vegar um að efla haf- og fiskirannsóknir með smíði nýs hafrannsóknaskips, voru samþykktar á hátíðarfundi Alþingis á Þingvöllum í dag, miðvikudaginn 18. júlí 2018.