Fréttir Stjórnarráðsins frá 1996-2020

Katrín Jakobsdóttir tók þátt í Heimsþingi kvenleiðtoga og í viðburði á vegum Stofnunar Vigdísar Finnbogadóttur í erlendum tungumálum

Katrín Jakobsdóttir, forsætisráðherra, flutti lokaávarp á Reykjavík Global Forum – heimsþingi kvenleiðtoga í Hörpu í dag. Í lokaávarpi sínu áréttaði forsætisráðherra mikilvægi alþjóðlegrar samvinnu til að takast á við stærstu áskoranir samtímans, einkum loftslagsbreytingar, ójafnrétti og ójöfnuð.

Ungt fólk vill taka þátt í stefnumótun um samgöngumál

Á málþingi um börn og samgöngur sögðu fyrirlesarar af yngri kynslóðinni að ungt fólk vildi taka virkan þátt í stefnumótun um samgöngumál og umferðaröryggi.

Nýr ríkissáttasemjari frá áramótum

Bryndís Hlöðversdóttir ríkissáttasemjari mun flytjast í embætti ráðuneytisstjóra í forsætisráðuneytinu frá og með 1. janúar næstkomandi með vísan til heimildar í 36. gr. laga nr. 70/1996, um réttindi og skyldur starfsmanna ríkisins. ​

Ráðuneytisstjóraskipti í forsætisráðuneytinu um næstu áramót

Ráðuneytisstjóraskipti verða í forsætisráðuneytinu frá með 1. janúar nk. þegar Ragnhildur Arnljótsdóttir, ráðuneytisstjóri, tekur við nýju embætti í utanríkisþjónustunni.

Endurskoðun aflareglu fyrir þorsk

​Kristján Þór Júlíusson, sjávarútvegs- og landbúnaðarráðherra, hefur skipað nefnd til að endurskoða aflareglu fyrir þorsk. Horft er til þess að aflareglan skili hámarksafla, uppfylli kröfur um varúðarsjónarmið auk þess sem að veiðar séu hagkvæmar og vistspor þeirra lágt. ​

Gagnleg úttekt Ríkisendurskoðunar á rekstri Ríkisútvarpsins

Að beiðni mennta- og menningarmálaráðuneytis hefur Ríkisendurskoðun lokið úttekt á rekstri Ríkisútvarpsins ohf. Skýrsla með niðurstöðum hefur verið send Alþingi og verður hún birt á vef Ríkisendurskoðunar.

Áform kynnt um lagafrumvarp um þjóðgarð á miðhálendi Íslands

Umhverfis- og auðlindaráðherra áformar að leggja fram frumvarp til laga um þjóðgarð á miðhálendi Íslands. Þverpólitísk nefnd um undirbúning að stofnun þjóðgarðsins hefur unnið að áherslum sem frumvarpið mun byggja á. Áformin hafa verið birt í samráðsgátt stjórnvalda.

Innistæðutryggingar til umræðu á EES-ráðsfundi

Guðlaugur Þór Þórðarson utanríkisráðherra ítrekaði á fundi EES-ráðsins í dag að ekki kæmi til greina að Ísland tæki upp tilskipun um innistæðutrygginga nema að tryggt væri að þeim fylgdi ekki ríkisábyrgð. Á fundinum lagði ráðherra áherslu á hve vel EES-samningurinn hefði reynst báðum aðilum í þann aldarfjórðung sem liðinn er frá gildistöku hans.

Ríkisstjórnin samþykkir viðbótargreiðslur í desember til umsækjenda um alþjóðlega vernd

Undanfarin ár hafa umsækjendur um alþjóðlega vernd hér á landi fengið greiðslu í desember til viðbótar við fastar framfærslugreiðslur.

Ríkisstjórnin styrkir hjálparsamtök í aðdraganda jóla.

Ríkisstjórnin samþykkti á fundi sínum í morgun að veita 5 milljónir kr. af ráðstöfunarfé sínu til hjálparsamtaka hér á landi í aðdraganda jóla.

Aðgerðir ríkisstjórnarinnar til að auka traust á íslensku atvinnulífi

Ríkisstjórnin ákvað á fundi sínum í morgun að grípa til eftirfarandi aðgerða í því skyni að auka traust á íslensku atvinnulífi:

Styðja við byggingu fimm leiguíbúða í Árnesi

Ásmundur Einar Daðason,​félags- og barnamálaráðherra, og Kristófer Tómasson, sveitarstjóri Skeiða- og Gnúpverjahrepps, undirrituðu í gær viljayfirlýsingu um aðkomu stjórnvalda að húsnæðisuppbyggingu í Árnesi.

Vel heppnað heilbrigðisþing að baki

Fjölmennt var á heilbrigðisþingi um siðferðileg gildi og forgangsröðun í heilbrigðisþjónustu síðastliðinn föstudag og margir fylgdust með þinginu í beinni útsendingu á vefnum. Hægt er að nálgast upptöku af þinginu í heild, glærur fyrirlesara hafa verið gerðar aðgengilegar og sömuleiðis fjöldi ljósmynda sem teknar voru af fyrirlesurum og gestum þingsins meðan á því stóð.

Breytingar á úthlutun tollkvóta til hagsbóta fyrir neytendur

Neytendur eiga að njóta aukins vöruúrvals, lægra vöruverðs og aukinnar samkeppni á markaði með landbúnaðarvörur. Einföldun og skýrara regluverk er varðar úthlutun tollkvóta mun stuðla að þessu, segir Kristján Þór Júlíusson, sjávarútvegs og landbúnaðarráðherra, sem í gær mælti á Alþingi fyrir frumvarpi til laga um breytingu á búvörulögum og tollalögum (úthlutun tollkvóta).

Alþjóðleg vitundarvika um skynsamlega notkun sýklalyfja: Ísland verði leiðandi í að draga úr útbreiðslu sýklalyfjaónæmis

Í dag 18. nóvember 2019 hefst fimmta alþjóðlega vitundarvika Alþjóðaheilbrigðismálastofnunarinnar (WHO) um skynsamlega notkun sýklalyfja, „Antibiotic Awareness Week “.

Opnir kynningarfundir um Menntasjóð námsmanna

Haldnir verða opnir kynningarfundir um nýtt stuðningskerfi fyrir námsmenn í vikunni. Frumvarp um Menntasjóð námsmanna, sem mennta- og menningarmálaráðherra mælti nýlega fyrir á Alþingi, felur í sér grundvallarbreytingu á fyrirkomulagi námsstuðnings hér á landi.

Um skynsamlega notkun sýklalyfja

Alþjóðaheilbrigðismálastofnunin (WHO) stendur fyrir alþjóðlegri vitundarviku um skynsamlega notkun sýklalyfja sem hófst í dag. Tilgangurinn er að minna almenning, stjórnvöld og heilbrigðisstarfsmenn á mikilvægi þess að nota sýklalyf skynsamlega og jafnframt að minna á þá ógn sem stafar af útbreiðslu sýklalyfjaónæmra baktería.…

Ársfundur Norðaustur-Atlantshafsfiskveiðiráðsins

Áhersla á að stöðva veiðar á karfa á Reykjaneshrygg.

Öll sveitarfélög á Íslandi verði barnvæn

Ásmundur Einar Daðason, félags- og barnamálaráðherra, og Bergsteinn Jónsson, framkvæmdastjóri UNICEF á Íslandi, undirrituðu í dag tímamótasamstarfssamning fyrir réttindi barna á Íslandi.

Verðlaun Jónasar Hallgrímssonar á degi íslenskrar tungu 2019

Verðlaun Jónasar Hallgrímssonar voru afhent á degi íslenskrar tungu, þann 16. nóvember, í Gamla bíói í Reykjavík og hlaut þau að þessu sinni Jón G. Friðjónsson prófessor. Jón hefur kennt málvísindi og íslenska málfræði við Háskóla Íslands um áratuga skeið.

Föstudagspósturinn 15. nóvember 2019

Alþjóðlegur jafnlaunadagur að frumkvæði Íslands

Ályktun um alþjóðlegan jafnlaunadag, sem Ísland var í forystu fyrir, var samþykkt einróma í mannréttindanefnd allsherjarþings Sameinuðu þjóðanna í New York í dag. Auk Íslands stóðu sjö ríki að ályktuninni, Ástralía, Kanada, Nýja Sjáland, Panama, Suður-Afríka, Sviss og Þýskaland. Um hundrað ríki til viðbótar voru meðflytjendur að ályktuninni sem sýnir mjög breiðan stuðning við málefnið.

Samkomulag um formlegt samstarf gegn brotastarfsemi á vinnumarkaði undirritað

Stjórnvöld sem fara með valdheimildir á vinnumarkaði gerðu í dag, að frumkvæði Ásmundar Einars Daðasonar, félags- og barnamálaráðherra, með sér samkomulag um formlegt samstarf og samráð gegn brotastarfsemi á vinnumarkaði. Samkomulagið var undirritað í Ráðherrabústaðnum.

Aðgerðir til að koma í veg fyrir skattundanskot og tryggja virkt skattaeftirlit

Fjármála- og efnahagsráðherra kynnti í dag í ríkisstjórn helstu atriði sem fjármála- og efnahagsráðuneytið hefur unnið að undanfarið með það að markmiði að koma í veg fyrir skattundanskot og tryggja virkt skattaeftirlit og eftirfylgni skattaframkvæmdar. Enn fremur gerði ráðherra grein fyrir áformum um hert skatteftirlit á komandi fjárlagaári.

Starfshópur mótar tillögur gegn matarsóun

Umhverfis- og auðlindaráðherra hefur skipað starfshóp til að móta tillögur að aðgerðum gegn matarsóun. Markmiðið er að gerð verði heildstæð áætlun gegn matarsóun til næstu ára.

Þjóð undir þaki - húsnæðisþing 27. nóvember

Ásmundur Einar Daðason, félags- og barnamálaráðherra, boðar til húsnæðisþings þriðja árið í röð miðvikudaginn 27. nóvember næstkomandi á Hilton Reykjavík Nordica.

Ríkisstjórnin styrkir verkefni sem hefur það markmið að efla starf þriðja geirans og félagasamtaka hér á landi

Ríkisstjórnin samþykkti á fundi sínum í morgun, að tillögu forsætisráðherra og ferðamála- iðnaðar og nýsköpunarráðherra, að veita fjórar milljónir króna til samstarfs um að efla starf þriðja geirans og félagasamtaka hér á landi.

Frumvarp til laga um samvinnuverkefni um vegaframkvæmdir í samráðsgátt

Drög að frumvarpi til laga um samvinnuverkefni um vegaframkvæmdir í samráðsgátt hafa verið birt í samráðsgátt stjórnvalda til umsagnar.

Bein útsending frá heilbrigðisþingi

Heilbrigðisþing er haldið í dag. Á fjórða hundrað manns eru skráð á þingið og komast færri að en vilja. Hér er hægt að fylgjast með þinginu í beinni útsendingu sem hefst kl. 9.00 með ávarpi Svandísar Svavarsdóttur heilbrigðisráðherra.

Menntamál eru velferðarmál á heimsvísu

Lilja Alfreðsdóttir mennta- og menningarmálaráðherra ávarpaði aðalráðstefnu framkvæmdastjórnar Mennta-, vísinda- og menningarmálastofnunar Sameinuðu þjóðanna (e. UNESCO) í dag og ræddi þar um áherslur Íslands í alþjóðlegu samstarfi.

Ísland ítrekar skuldbindingar á sviði kyn- og frjósemisheilbrigðismála

Fulltrúar Íslands áréttuðu áform ríkisstjórnarinnar um auknar aðgerðir á sviði kyn- og frjósemisheilbrigðis á alþjóðaráðstefnu um mannfjölda og þróun í Naíróbí í Kenya. Á fundum þeirra samhliða ráðstefnunni voru jafnréttis- og heilbrigðismál í brennidepli.

Skeiða- og Gnúpverjahreppur gengur til samninga um uppbyggingu hótels í Þjórsárdal

Forsætisráðherra hefur í dag veitt samþykki sitt fyrir því að Skeiða- og Gnúpverjahreppur gangi til samninga við Rauðakamb ehf. um uppbyggingu hótels í hlíðum Rauðakambs í Þjórsárdal innan þjóðlendu sem nefnist Búrfells- og Skeljafellssvæði

Þarfir í sjöunda veldi

Guðlaug Rakel Jónsdóttir, framkvæmdastjóri meðferðarsviðs Landspítala, hefur í starfi sínu lagt áherslu á innleiðingu rauntímamæla, gæða og öryggisvísa. Hún hefur starfað við stjórnun heilbrigðisþjónustu í yfir tuttugu ár og setið í innlendum og erlendum fagnefndum innan heilbrigðisþjónustu.…

Endurnýjun í úrskurðarnefnd um upplýsingamál

Katrín Jakobsdóttir, forsætisráðherra, hefur skipað nýja nefndarmenn í úrskurðarnefnd um upplýsingamál í samræmi við 1. mgr. 21. gr. upplýsingalaga nr. 140/2012. Skipunartími nefndarinnar er frá 19. nóvember 2019 til 19. nóvember 2023.

Árangur Íslendinga afar góður í Horizon 2020

Á fundinum kom fram að árangur Íslendinga af umsóknum í evrópska samkeppnissjóði hefur verið mjög góður. Í Horizon 2020 er árangurhlutfall íslenskra umsækjenda um 20% í samanburði við 14% meðaltal allra þátttökuríkja.

Lausnir 21. aldarinnar við langvinnum sjúkdómum - umfjöllunarefni á heilbrigðisþingi 2019

Langvinnir lífsstílstengdir sjúkdómar eiga þátt í allt að 86% dauðsfalla í Vestur-Evrópu og taka til sín um 70-80% alls kostnaðar sem tengist heilbrigðismálum. Marga þessara sjúkdóma og dauðsfalla er hægt að fyrirbyggja eða takmarka með markvissu forvarnastarfi og lífsstílsmeðferð.…

Póst- og fjarskiptastofnun falið að útnefna alþjónustuveitanda í pósti

Samgöngu- og sveitarstjórnarráðuneytið hefur ákveðið að fela Póst- og fjarskiptastofnun að útnefna alþjónustuveitanda í pósti frá og með 1. janúar nk. til að tryggja alþjónusta í pósti.

Tæpum fimmtán milljónum úthlutað til verslunar í strjálbýli

Tæpum fimmtán milljónum króna hefur verið úthlutað til verslunar í strjálbýli á grundvelli byggðaáætlun fyrir árin 2018-2024.

Fjallað um lýðheilsu og mikilvægi heilsulæsis á heilbrigðisþingi

Mikilvægi heilsulæsis í lýðheilsustarfi, jafnt í heilsueflingu og forvörnum verður umfjöllunarefni Dóru Guðrúnar Guðmundsdóttur sálfræðings og doktors í lýðheilsuvísindum, á heilbrigðisþinginu næstkomandi föstudag.

Uppfærð þýðing laga um meðferð sakamála

Ensk þýðing laga um meðferð sakamála hefur verið uppfærð.

Ríkisstjórnin setur á fót stýrihóp um samræmingu viðbragða vegna fíkniefnamála

Ríkisstjórnin samþykkti á fundi sínum í morgun að setja á fót stýrihóp um samræmingu viðbragða vegna fíkniefnamála. Stýrihópnum er ætlað að tryggja gott samstarf á milli ráðuneyta og stofnana í þessum málaflokki að því er varðar gagnkvæma upplýsingagjöf, forvarnir, meðferðarúrræði og fleira.

Fjármála- og efnahagsráðherra skipar hæfnisnefnd vegna umsækjenda um embætti varaseðlabankastjóra fjármálastöðugleika

Fjármála- og efnahagsráðherra hefur skipað þriggja manna hæfnisnefnd í samræmi við ákvæði laga um Seðlabanka Íslands til að meta hæfni umsækjenda um embætti varaseðlabankastjóra fjármálastöðugleika.

Undirstöðugrein fyrir framkvæmdir: nám í jarðvinnu á teikniborðinu

„Við viljum stuðla að nýsköpun í menntakerfinu og góðu samstarfi milli skóla- og atvinnulífs. Framtak þetta er gott dæmi um slíkt verkefni,“ segir Lilja Alfreðsdóttir mennta- og menningarmálaráðherra. Samkomulag um formlegt nám í jarðvinnu var undirritað í gær.

Samningar um sóknaráætlanir landshluta auka ábyrgð og völd í héraði

Skrifað var undir nýja samninga um sóknaráætlanir til fimm ára við átta landshlutasamtök sveitarfélaga í dag.

Móttaka flóttafólks árið 2020

Ríkisstjórn Íslands samþykkti þann 8. nóvember síðastliðinn tillögu flóttamannanefndar þess efnis að tekið yrði á móti 85 einstaklingum í samstarfi við Flóttamannastofnun Sameinuðu þjóðanna.

MAST í átaksverkefni vegna afnáms leyfisveitingakerfisins

Kristján Þór Júlíusson, sjávarútvegs- og landbúnaðarráðherra og Jón Gíslason, forstjóri Matvælastofnunar (MAST), undirrituðu í dag samkomulag um átaksverkefni um aukið eftirlit í kjölfar afnáms leyfisveitingakerfis þann 1. janúar nk. vegna innflutnings á tilteknum landbúnaðarafurðum innan EES. ​

Starfsstjórn tekin til starfa á Reykjalundi

Sérstök þriggja manna starfsstjórn Reykjalundar sem sett hefur verið á fót fyrir tilstilli heilbrigðisráðherra var kynnt fyrir starfsfólkinu þar í morgun. Starfsstjórnin hefur fullt sjálfstæði og óskorað umboð til athafna við stjórnun stofnunarinnar meðan unnið verður að því að aðgreina rekstur endurhæfingarþjónustu Reykjalundar frá annarri starfsemi og eignum SÍBS.…

Forgangsröðun í fjárveitingum til umfjöllunar á heilbrigðisþingi 15. nóvember

Hildigunnur Svavarsdóttir, framkvæmdastjóri hjúkrunar og framkvæmdastjóri bráða- og þróunarsviðs Sjúkrahússins á Akureyri er meðal fyrirlesara á heilbrigðisþingi næstkomandi föstudag.…

Auglýsing um tollkvóta vegna innflutnings á landbúnaðarvörum frá ríkjum Evrópusambandsins.

Skriflegar umsóknir skulu berast til atvinnuvega- og nýsköpunarráðuneytis, Skúlagötu 4, 150 Reykjavík, 5. hæð, eða á [email protected] fyrir kl. 16:00 miðvikudaginn 20. nóvember 2019.

Ráðherra ákveður heildarafla fyrir rækjuveiðar

Kristján Þór Júlíusson, sjávarútvegs- og landbúnaðarráðherra, hefur gefið út reglugerð um leyfilegan heildarafla fyrir rækjuveiðar í Ísafjarðardjúpi og í Arnarfirði. Reglugerðin er í samræmi við ráðgjöf Hafrannsóknastofnunar.