Fréttir Stjórnarráðsins frá 1996-2020

Styðjandi samfélag, verkefni fyrir fólk með heilabilun, stutt af félags- og barnamálaráðherra

Ásmundur Einar Daðason, félags- og barnamálaráðherra, ávarpaði í dag fund í Ketilshúsinu á Akureyri sem haldinn var til að marka upphaf verkefnisins Styðjandi samfélag.

Úthlutun til verkefna er stuðla að faglegri uppbyggingu á sviði menningarmála 2020

Mennta- og menningarmálaráðuneyti hefur úthlutað styrkjum fyrir árið 2020 til verkefna er stuðla að faglegri uppbyggingu á sviði menningarmála. Í auglýsingu ráðuneytisins 4. október 2019 var tekið fram að úthlutað yrði styrkjum á sviði lista og menningararfs annars vegar og til mannvirkja á sviði íþrótta- og æskulýðsmála hinsvegar.

Starfshópur um heilsueflingu aldraðra

Heilbrigðisráðherra hefur falið starfshópi að móta tillögur um samstarfsverkefni til að vinna að heilsueflingu aldraðra og stuðla þannig að því að þeir geti búið sem lengst í heimahúsum. Hópurinn er tekinn til starfa. Gert er ráð fyrir að hann ljúki vinnu sinni með tillögum til ráðherra í lok maí næstkomandi.

Milljarði varið í fjárfestingar vegna innviða fyrir orkuskipti á tveimur árum

Þórdís Kolbrún Reykfjörð Gylfadóttir, ferðamála-, iðnaðar og nýsköpunarráðherra og Guðmundur Ingi Guðbrandsson, umhverfis- og auðlindaráðherra, hafa ákveðið að veita 200 milljónum króna í styrki til uppbyggingar innviða fyrir orkuskipti í samgöngum.…

Jákvætt samstarf heimilis, skóla og samfélags: Heimsókn í Norðlingaskóla

Lilja Alfreðsdóttir mennta- og menningarmálaráðherra heimsótti Norðlingaskóla í Norðlingaholti í Reykjavík á dögunum. Ráðherra kynnti sér starfsemi skólans, hitti fulltrúa nemenda og fékk kynningu á verkefninu „Hjólakraftur fyrir 1.-10. bekk“ sem hlaut Foreldraverðlaun samtakanna Heimilis og skóla.

Ákall til aðgerða gegn ofbeldi í nánum samböndum

Dómsmálaráðherra sat fund OECD í París dagana 5.- 6. febrúar sl. þar sem 18 ríki samþykktu ákall til aðgerða gegn ofbeldi í nánum samböndum. Ráðherra sat í pallborði á fundinum og greindi þar meðal annars frá árangri Íslands af verklagi lögreglu og lagaákvæði um ofbeldi í nánum samböndum.

Mat á starfsemi og árangri Brúarskóla

Frumkvæðisúttekt ráðuneytisins á starfsemi Brúarskóla miðaði að því að kanna hvernig skólinn næði markmiðum sínum og hvort ráðgjafarþjónusta skólans veitti almennum grunnskólum þá þjónustu sem þeir þurfa.

Nýja framtíðarsýn fyrir norrænt samstarf bar hæst á formennskuárinu

Sigurður Ingi Jóhannsson, samstarfsráðherra Norðurlanda, kynnti í dag skýrslu um störf Norrænu ráðherranefndarinnar á Alþingi.

Kristján Þór fellir 144 reglugerðir úr gildi

Alls hafa 1242 reglugerðir nú verið felldar brott á síðustu mánuðum, en í október sl. felldi Kristján Þór brott 1098 reglugerðir.

Ásthildur Knútsdóttir skipuð skrifstofustjóri í heilbrigðisráðuneytinu

Svandís Svavarsdóttir heilbrigðisráðherra hefur skipað Ásthildi Knútsdóttur í embætti skrifstofustjóra á skrifstofu lýðheilsu og forvarna í heilbrigðisráðuneytinu til næstu fimm ára. Ráðherra skipar Ásthildi að undangengnu mati ráðgefandi nefndar sem metur hæfni umsækjenda. Niðurstaða nefndarinnar var að Ásthildur væri mjög vel hæf til að gegna starfinu.

Flutningar forstöðumanna sendiskrifstofa

Guðlaugur Þór Þórðarson, utanríkis- og þróunarsamvinnuráðherra, hefur ákveðið flutninga forstöðumanna sendiskrifstofa í utanríkisþjónustunni sem taka gildi á komandi sumri. Um er að ræða breytingar á þremur sendiskrifstofum. Þær fela ekki í sér skipun nýrra sendiherra heldur er eingöngu um flutninga núverandi sendiherra að ræða.

Félagasamtökum úthlutað 95 m.kr. til verkefna á sviði heilbrigðisþjónustu

Svandís Svavarsdóttir heilbrigðisráðherra úthlutaði í gær 95 milljónum króna af safnliðum fjárlaga til félagasamtaka sem starfa að heilbrigðismálum. Að þessu sinni var áhersla lögð á verkefni tengd heilsueflingu aldraðra og kvennaheilsu. Alls hlutu 27 félagasamtök styrki til 32. aðskilinna verkefna sem miða að því að veita einstaklingum eða hópum stuðning, fræðslu og ráðgjöf.

Tillaga til þingsályktunar um forvarnir gegn kynferðislegu og kynbundnu ofbeldi og áreitni í samráðsgátt

Drög að tillögu forsætisráðherra til þingsályktunar um forvarnir gegn kynferðislegu og kynbundnu ofbeldi og áreitni, ásamt áætlun fyrir árin 2021 – 2025 hafa verið birt í samráðsgátt stjórnvalda þar sem almenningi og hagsmunaaðilum gefst kostur á að senda inn umsögn við efni tillögunnar.

Málflutningur fyrir yfirdeild Mannréttindadómstólsins

Í dag fór fram málflutningur fyrir yfirdeild Mannréttindadómstóls Evrópu (MDE) í máli Guðmundar A. Ástráðssonar gegn íslenska ríkinu. Í málinu er deilt um þá niðurstöðu Hæstaréttar Íslands að ​kærandi hafi notið réttlátrar málsmeðferðar í skilningi 1. mgr. 6. gr. mannréttindasáttmála Evrópu þegar Landsréttur staðfesti niðurstöðu sakfellingar sem hann hlaut í héraði.

Aðgerðir fyrirtækja ráða miklu um það hvenær Ísland fer út af gráa lista FATF

Skortur á fullnægjandi skráningu svokallaðra raunverulegra eigenda í félögum var eitt af þeim atriðum sem orsökuðu það að Ísland var sett á gráa listann hjá alþjóðlegum hópi ríkja um aðgerðir gegn peningaþvætti og fjármögnun hryðjuverka (Financial Action Task Force – FATF).

Samkeppnishæfni stóriðju könnuð í fyrsta sinn

Þórdís Kolbrún Reykfjörð Gylfadóttir, ráðherra ferðamála-, iðnaðar- og nýsköpunar hefur kynnt ríkisstjórn Íslands áform um að fá fyrirtækið Fraunhofer / Ecofy til að gera úttekt á samkeppnishæfni stóriðju á Íslandi, með sérstakri áherslu á raforkukostnað. Ráðgert er að gengið verði frá samningi við fyrirtækið í þessari viku og að úttektinni ljúki með skýrslu til stjórnvalda fyrir lok maí.

Framtíðarstefna um samræmt námsmat: Tillögur kynntar

Starfshópur hefur skilað tillögum um markmið, hlutverk, framkvæmd og fyrirkomulag samræmdra könnunarprófa til mennta- og menningarmálaráðherra. Í tillögunum felst umtalsverð stefnubreyting frá núverandi fyrirkomulagi samræmdra prófa í grunnskólum.

Skýrsla birt um stöðu Norðurlanda

Ítarleg skýrsla um stöðu Norðurlanda (State of the Nordic Region 2020) var gefin út í morgun á vegum Norrænu ráðherranefndarinnar.

Reglugerð til umsagnar: Viðurkenning á faglegri menntun og hæfi heilbrigðisstarfsfólks frá öðrum ríkjum EES

​Birt hafa verið til umsagnar drög að nýrri reglugerð heilbrigðisráðherra sem varðar viðurkenningu á faglegri menntun og hæfi heilbrigðisstarfsmanna frá öðrum ríkjum Evrópska efnahagssvæðisins og Sviss. Reglugerðin helst í hendur við frumvarp ráðherra menntamála um breytingu á lögum nr.…

Hagvöxtur gæti reynst 0,5 prósentum hærri en ella ef loðna finnst í febrúar

Loðna hefur lengi verið einn af mikilvægustu fiskistofnum landsins. Árin 2016-18 nam útflutningsverðmæti loðnu að meðaltali um 18 ma.kr. Aðeins útflutningsverðmæti þorsks var hærra, eða 95 ma.kr. Árið 2019 var engin loðna veidd en útflutningsverðmæti birgða nam ríflega 8 ma.kr.

Ríkisstjórnin styrkir útgáfu íslenskra einsöngslaga

Ríkisstjórnin samþykkti á fundi sínum í morgun að veita eina milljón króna af sameiginlegu ráðstöfunarfé sínu til tónverkamiðstöðvarinnar Ísalaga sem stendur að útgáfu íslenskra einsöngslaga. ​

Sýklalyfjaónæmis- og súnusjóður stofnaður

Kristján Þór Júlíusson, sjávarútvegs- og landbúnaðarráðherra og Svandís Svavarsdóttir, heilbrigðisráðherra, stofnuðu í dag Sýklalyfjaónæmis- og súnusjóð og undirrituðu úthlutunarreglur sjóðsins með formlegum hætti.

Nýir hvatar til að styrkja skattalegt umhverfi þriðja geirans verði lögfestir

Útvíkka ætti skattalega hvata og lögfesta nýja þegar kemur að starfsemi þriðja geirans. Þetta eru niðurstöður starfshóps fjármála- og efnahagsráðherra um skattalegt umhverfi þessarar starfsemi, sem m.a. snýr að íþróttafélögum, björgunarsveitum, góðgerðarfélögum og mannúðarsamtökum.…

Hvatt til virkrar þátttöku vísindasamfélagsins og íbúa á norðurslóðum

Ísland og Japan standa sameiginlega að alþjóðlegum fundi vísindamálaráðherra um rannsóknasamstarf á norðurslóðum

Samkomulag um þverfaglega þjónustu við einstæða foreldra

Ásmundur Einar Daðason, félags- og barnamálaráðherra og Dagur B. Eggertsson, borgarstjóri Reykjavíkur, handsöluðu á dögunum samkomulag um áframhaldandi samstarf um svokallað TINNU-verkefni sem felst í því að veita einstæðum foreldrum margvíslega og þverfaglega þjónustu.

Forsætisráðherra á leiðtogafundi EFTA-ríkjanna í EES í Osló

Katrín Jakobsdóttir, forsætisráðherra, fundaði með Ernu Solberg, forsætisráðherra Noregs, og Adrian Hasler, forsætisráðherra Liechtenstein, á leiðtogafundi EFTA-ríkjanna í EES, sem haldinn var í Osló í morgun.

Breytingar á málsmeðferðartíma

Samkvæmt 2. mgr. 74. gr. laga um útlendinga er heimilt að veita útlendingi dvalarleyfi á grundvelli mannúðarsjónarmiða að tilteknum skilyrðum uppfylltum, hafi hann sótt um alþjóðlega vernd og ekki fengið niðurstöðu í máli sínu á stjórnsýslustigi innan 18 mánaða.

Upplýsingafundur þjóðaröryggisráðs

Í dag var haldinn upplýsingafundur í þjóðaröryggisráði í tilefni af yfirlýsingu Alþjóðaheilbrigðismálastofnunarinnar um að kórónaveirufaraldurinn sem nú geisar sé alþjóðleg heilbrigðisógn.

Föstudagspósturinn 31. janúar 2020

Öryggi fjarskiptakerfa vegna innleiðingar 5G í íslenskt samfélag

Samgöngu- og sveitarstjórnarráðherra hefur skipað þriggja manna starfshóp um öryggi fjarskiptakerfa vegna innleiðingar 5G í íslenskt samfélag.

Til umsagnar: Frumvarp til breytinga á lögum um lífsýnasöfn o.fl.

Birt hefur verið til umsagnar frumvarp heilbrigðisráðherra til breytinga á lögum um lífsýnasöfn, um söfn heilbrigðisupplýsinga og um vísindarannsóknir á heilbrigðissviði. Markmið breytinganna er efla vísindarannsóknir á heilbrigðissviði með auknum aðgangi vísindamanna að heilbrigðisgögnum, líkt og kveðið er á um í heilbrigðisstefnu til ársins 2030. Umsagnarfrestur er til 14. febrúar næstkomandi.

Auglýst eftir umsóknum um framlög úr Framkvæmdasjóði aldraðra

Stjórn Framkvæmdasjóðs aldraðra auglýsir eftir umsóknum um framlög úr Framkvæmdasjóði aldraðra fyrir árið 2020. Hlutverk sjóðsins er að stuðla að uppbyggingu og efla öldrunarþjónustu um allt land.

Lífskjör óvíða betri en hér á landi

Að undanförnu hefur nokkuð borið á umræðu um verðlag á Íslandi. Verðlagið, líkt og í öðrum ríkjum, ræðst ekki síst af tekjum og tekjuskiptingu en landsframleiðsla á mann er óvíða hærri en hér á landi. Undanfarin ár hafa laun á Íslandi hækkað hratt og það ásamt styrkingu gengisins hefur drifið áfram hækkun verðlags

Upplýsingar varðandi Brexit

Hagnýtar upplýsingar varðandi útgöngu Bretlands úr Evrópska efnahagssvæðinu.

Andri Heiðar Kristinsson ráðinn stafrænn leiðtogi

Andri Heiðar Kristinsson hefur verið ráðinn stafrænn leiðtogi í fjármála- og efnahagsráðuneytinu, en starfið var auglýst í nóvember síðastliðnum. Efling stafrænnar þjónustu er eitt af forgangsmálum stjórnvalda og hefur ríkisstjórnin ákveðið að stafræn samskipti verði meginsamskiptaleið almennings við hið opinbera fyrir lok ársins 2020.

Úttekt á starfsemi aðalræðisskrifstofunnar í Winnipeg

Í tilefni þess að 20 ár voru liðin frá stofnun aðalræðisskrifstofu Íslands í Manitoba í Kanada, með útsendum starfsmanni í utanríkisþjónustunni, ákvað Guðlaugur Þór Þórðarson utanríkisráðherra í fyrra að fela Halldóri Árnasyni, fyrrverandi formanni Þjóðræknisfélagsins og Snorrasjóðs, að gera úttekt á starfseminni og tillögur um hvernig mætti bæta hana.…

Skilnaðarráðgjöf innleidd í Hafnarfirði samkvæmt samningi félags- og barnamálaráðherra og Hafnarfjarðarbæjar

Félags- og barnamálaráðherra, Ásmundur Einar Daðason, og bæjarstjóri Hafnarfjarðarbæjar, Rósa Guðbjartsdóttir, rituðu í gær undir samkomulag um þátttöku bæjarins í tilraunaverkefni á vegum ráðuneytisins um framkvæmd skilnaðarráðgjafar.

Gjáin, Háifoss og Hjálparfoss innan svæðis í Þjórsárdal sem ráðherra friðlýsti í dag

Guðmundur Ingi Guðbrandsson, umhverfis- og auðlindaráðherra, undirritaði í dag friðlýsingu hluta Þjórsárdals sem landslagsverndarsvæði. Innan svæðisins eru þrír þekktir staðir sem samhliða eru friðlýstir sem náttúruvætti, þ.e. Gjáin, Háifoss og Granni og Hjálparfoss. Um er að ræða fyrstu friðlýsingu í friðlýsingarflokki landslagsverndarsvæða hérlendis.

Heilbrigðisráðherra skrifar: Viðbrögð við kórónaveiru

Í lok árs 2019 bárust fregnir af alvarlegum lungnasýkingum í Wuhan-borg í Kína, þá af óþekktum orsökum. Í kjölfarið var staðfest að um sýkingar af völdum kórónaveiruafbrigðis væri að ræða. Sýking af völdum veirunnar hefur nú þegar verið greind hjá um sex þúsund manns, einkum í Kína.…

Kjarnastarfsemi efld með nýju skipuriti

Fagskrifstofur í mennta- og menningarmálaráðuneytinu verða efldar en stoðskrifstofum fækkað samkvæmt nýju skipulagi sem kynnt var í ráðuneytinu í dag.

Fyrsti fundur lögregluráðs

Fyrsti fundur lögregluráðs sem tók til starfa um áramótin var haldinn í dag og hefur það því formlega tekið til starfa.

Undirbúningur hafinn um útfærslu á greiðsluþátttöku í innanlandsflugi

Sigurður Ingi Jóhannsson, samgöngu- og sveitarstjórnarráðherra, hefur falið verkefnahópi að útfæra framkvæmd greiðsluþátttöku ríkisins í farmiðakaupum íbúa á landsbyggðinni í innanlandsflugi.

ASÍ kannar verð á innlendum og innfluttum landbúnaðarvörum

Alþýðusamband Íslands mun á næstunni gera verðkönnun á innlendum og innfluttum landbúnaðarvörum og skila niðurstöðum sínum til atvinnuvega- og nýsköpunarráðuneytisins. Þjónustusamningur þessa efnis var undirritaður í dag milli Kristjáns Þórs Júlíussonar, sjávarútvegs- og landbúnaðarráðherra, og Auðar Ölfu Ólafsdóttur, hjá ASÍ.

Frumvarp um áritanir fyrir íslenska viðskiptaaðila og fjárfesta lagt fram í Bandaríkjaþingi

Mikilvægt skref í átt að bættum aðgangi íslenskra fjárfesta og viðskiptaaðila að bandaríska markaðnum var tekið með framlagningu frumvarps sem, ef samþykkt, mundi auðvelda íslenskum fyrirtækjum að senda stjórnendur og fjárfesta tímabundið til starfa í landinu. Framlagning frumvarpsins kemur í kjölfar fjölda funda utanríkisráðherra með lykilþingmönnum Bandaríkjaþings.

Forsætisráðherra mælti fyrir frumvarpi til laga um varnir gegn hagsmunaárekstrum

Katrín Jakobsdóttir, forsætisráðherra, mælti á Alþingi í gær fyrir frumvarpi til laga um varnir gegn hagsmunaárekstrum hjá æðstu handhöfum framkvæmdarvalds í Stjórnarráði Íslands.

Ökuskírteini í símann

Í vor verður hægt að fá ökuskírteini í síma. Fjölmargir nota nú símann sem greiðslukort, flugmiða og fleira. Stafræn ökuskírteini verða til hagsbóta fyrir fólk enda síminn oftast með í för og líkur á að þessu fylgi töluverð þægindi fyrir einstaklinga.

Ráðherra kynnti stefnumótun um málefni sveitarfélaga á borgarafundi í Grýtubakkahreppi

Sigurður Ingi Jóhannsson, samgöngu- og sveitarstjórnarráðherra, kynnti drög að nýrri heildarstefnu ríkisins í málefnum sveitarfélaga á fjölmennum borgarafundi með íbúum Grýtubakkahrepps í gærkvöldi.

Anna Stephensen – Hefði sómt sér vel í stöðu sendiherra

Anna Stephensen starfaði samfleytt í sendiráði Íslands í Kaupmannahöfn í 43 ár.

Samtal Sveins Björnssonar um algjört leyndarmál

Rætt við Breta í upphafi síðari heimsstyrjaldarinnar.

Tillögur að breytingum á lögum um slysatryggingar almannatrygginga

Slysahugtak gildandi laga verður rýmkað, skýrt kveðið á um að tryggingavernd laganna nái einnig til bótaskyldra atvinnusjúkdóma og bætt við nýrri lagagrein þar sem atvinnusjúkdómar verða í fyrsta skipti skilgreindir í íslenskum lögum.…