Fréttir Stjórnarráðsins frá 1996-2020

Norrænir ráðherrar vilja alþjóðasamning um plastmengun í hafi

Umhverfisráðherrar Norðurlandanna leggja til að gerður verði nýr alþjóðasamningur til að draga úr plastmengun í hafi. Þetta var rætt á alþjóðlegum rafrænum viðburði norrænu ráðherranna í dag, þar sem kynnt var hvernig megi vinna að slíkum samningi.

COVID 19: Um opnun líkamsræktarstöðva

Ákvæði nýrrar reglugerðar heilbrigðisráðherra um takmarkanir á samkomum sem heimilar opnun líkamsræktarstöðva að uppfylltum ströngum skilyrðum, byggist á því að jafnræðis og meðalhófs sé gætt. Horft er til þess að sömu skilyrði gildi um íþróttaiðkun og líkamsrækt, þ.e. að iðka megi hvoru tveggja ef regla um 20 manna hámarksfjölda og 2 metra nálægðarmörk er virt.

Samningur við SÁÁ gerir sálfræðiþjónustu samtakanna fyrir börn mögulega

Gerir samtökunum kleift að efla og bæta þjónustu við börn.

Áform um endurskoðun laga um málefni aldraðra til umsagnar

Birt hafa verið í samráðsgátt áform heilbrigðisráðherra um endurskoðun laga um málefni aldraðra. Markmið fyrirhugaðra breytinga er að samræma mat á þörf aldraðra fyrir hjúkrunarrými, koma á einum samræmdum biðlista á landsvísu og tryggja betur forgang þeirra að hjúkrunarrýmum sem eru í mestri þörf fyrir slíkt úrræði.

COVID 19: Reglugerðir um sóttvarnaráðstafanir sem taka gildi 20. október

Reglugerðir Svandísar Svavarsdóttur heilbrigðisráðherra um sóttvarnaráðstafanir sem taka gildi þriðjudaginn 20. október hafa verið staðfestar og verða birtar í Stjórnartíðindum á morgun. Annars vegar er ný reglugerð um takmarkanir á samkomum vegna farsóttar og hins vegar breyting á reglugerð um takmarkanir á skólahaldi vegna farsóttar. Reglugerðirnar eru meðfylgjandi.

Svandís Svavarsdóttir tekur aftur til starfa

Svandís Svavarsdóttir, sem fór í leyfi fyrir rétt rúmri viku, tekur aftur til starfa sem heilbrigðisráðherra í dag

Fyrirkomulag rjúpnaveiða 2020 ​

Veiðitímabil rjúpu verður frá 1. - 30. nóvember í ár og er því það sama og á síðasta ári, eins og ákveðið var með reglugerð. Heimilt er að veiða fimm daga í viku, frá föstudegi til þriðjudags, en veiðibann er á miðvikudögum og fimmtudögum.

COVID-19: Áformaðar breytingar á sóttvarnaráðstöfunum 20. október

Heilbrigðisráðherra hefur ákveðið í meginatriðum þær breytingar á sóttvarnaráðstöfunum sem kveðið verður á um í reglugerð um takmarkanir á samkomum sem tekur gildi þriðjudaginn 20. október. Breytingarnar eru að mestu þær sömu og sóttvarnalæknir leggur til. Ráðherra kynnti breytingarnar og minnisblað sóttvarnalæknis á fundi ríkisstjórnar í dag.…

Ráðherra skipar í embætti þriggja skrifstofustjóra í atvinnuvega- og nýsköpunarráðuneytinu

Nýtt skipurit atvinnuvega- og nýsköpunarráðuneytisins tók gildi í þessum mánuði en með breytingunum urðu til þrjár nýjar fagskrifstofur í stað tveggja áður. Um er að ræða skrifstofu landbúnaðarmála, skrifstofu matvælaöryggis og fiskeldis og skrifstofu sjávarútvegsmála.

Framlög vegna sérþarfa fatlaðra nemenda og íslenskukennslu sem annað tungumál árið 2021

Tillögur hafa verið samþykktar um áætlaða úthlutun framlaga á árinu 2021 vegna sérþarfa fatlaðra nemenda og vegna íslenskukennslu fyrir nemendur með íslensku sem annað tungumál.

Almenn jöfnunarframlög til grunnskóla árið 2021 - leiðrétting

Áætluð heildarúthlutun almennra jöfnunarframlaga til reksturs grunnskóla á árinu 2021 hafa verið birtar að nýju vegna mistaka í fyrri útreikningum.

Framlög vegna þjónustu við fatlað fólk áætluð 17,2 milljarðar árið 2021

Áætluð framlög Jöfnunarsjóðs sveitarfélaga vegna þjónustu við fatlað fólk á árinu 2021 nema alls 17,2 milljörðum kr.

Föstudagspósturinn 16. október 2020

Íslenskir friðargæsluliðar í öllum Eystrasaltsríkjunum

Fulltrúar Íslensku friðargæslunnar eru nú við störf hjá fjölþjóðaliði Atlantshafsbandalagsins í öllum þremur Eystrasaltsríkjunum. Utanríkis- og þróunarsamvinnuráðherra segir aukna þátttöku Íslands í samstöðuaðgerðum á svæðinu fagnaðarefni.

10 fjölþættar aðgerðir fyrir menningarlífið

Forsætisráðherra og mennta- og menningarmálaráðherra kynntu í dag, ásamt fulltrúum Bandalags háskólamanna og Bandalags íslenskra listamanna, 10 stuðningsaðgerðir stjórnvalda fyrir listir og menningu á tímum COVID-19.

Bætt umgjörð lögbanns gegn fjölmiðlum

Dómsmálaráðherra hefur mælt fyrir frumvarpi um breytingar á lögum um kyrrsetningu og lögbann með það að markmiði að styrkja tjáningarfrelsi með því að bæta umgjörð lögbannsmála á hendur fjölmiðlum.

Tekjufallsstyrkir samþykktir í ríkisstjórn

Ríkisstjórnin samþykkti í dag að leggja fyrir Alþingi frumvarp fjármála- og efnahagsráðherra um tekjufallsstyrki vegna heimsfaraldurs kórónuveiru. Frumvarpinu er ætlað að aðstoða einyrkja og litla rekstraraðila sem hafa orðið fyrir verulegum tekjumissi og er liður í aðgerðum ríkisstjórnarinnar til að draga úr tjóni vegna faraldursins og leggja grunn fyrir öfluga viðspyrnu í kjölfar hans.

Mjög jákvæð niðurstaða miðannarrýni DAC á þróunarsamvinnu Íslands

„Þessi stöðutaka sýnir að við erum á réttri leið og hún er okkur mikil hvatning. Þróunarsamvinna hefur fengið aukið vægi í ráðuneytinu á undanförnum árum og umtalsvert umbótastarf hefur orðið á því sviði.…

Opið samráð um evrópska tilskipun um rannsókn sjóslysa

Framkvæmdastjórn ESB hefur hafið opið samráð um endurskoðun tilskipunar um rannsókn slysa á sjó.

Opið samráð um evrópska tilskipun um snjallkerfi í samgöngum

Framkvæmdastjórn ESB hefur hafið opið samráð um endurskoðun tilskipunar um snjallkerfi í samgöngum.

Íslenskt gler, snjallhringur og stafrænt strokhljóðfæri meðal styrkþega úr Hönnunarsjóði

Hönnunarsjóður úthlutaði í gær , 15. október, 18 styrkjum til ólíkra verkefna á vegum hönnunar og arkitektúrs. Að þessu sinni voru 17 milljónum úthlutað en alls bárust 122 umsóknir um 230 milljónir.

Skipt búseta barna á Alþingi

Dómsmálaráðherra hefur mælt fyrir frumvarpi um breytingar á barnalögum þar sem lagt er til að foreldrar, sem fara sameiginlega með forsjá barns án þess að búa saman geti samið um skipta búsetu barns við tilteknar aðstæður.

Stóraukin framlög í varnir gegn náttúruvá

10,2 milljarða króna aukning fer til ofanflóðavarna og eflingar vöktunar og styrkingu stjórnsýslu vegna náttúruvár samkvæmt fjármálaáætlun 2021-2025.

Þjónustuborð atvinnulífsins og viðskiptavaktin hefja göngu sína

Í dag undirrituðu Guðlaugur Þór Þórðarson, utanríkis- og þróunarsamvinnuráðherra, Hildur Árnadóttir, stjórnarformaður Íslandsstofu, og Pétur Þ. Óskarsson, framkvæmdastjóri Íslandsstofu, samkomulag utanríkisráðuneytisins og Íslandsstofu um stofnun þjónustuborðs atvinnulífsins. Í dag hóf jafnframt sérstök viðskiptavakt utanríkisráðuneytisins formlega göngu sína.

Auglýst eftir umsóknum um jarðræktarstyrki í garðyrkju

Opnað hefur verið fyrir rafrænar umsóknir um jarðræktarstyrki í garðyrkju vegna útiræktaðs grænmetis á yfirstandandi ári á Afurð Greiðslukerfi landbúnaðarins afurd.is.

Fyrsti fundur samráðsteymis ríkis og sveitarfélaga á Suðurnesjum

Samráðsteymi ríkis og sveitarfélaga á Suðurnesjum fundaði í fyrsta skipti þriðjudaginn 13. október.

SEGÐU FRÁ - Sameiginleg rafræn gátt vegna ofbeldis

Vef 112 breytt til að verða allsherjar upplýsingatorg um allt sem viðkemur ofbeldi, ásamt því að opnað verður á beint samtal við neyðarverði í netspjalli 112.

Eldskírn utanríkisþjónustunnar - fyrsta borgaraþjónustuverkefnið

Á þessum tímamótum minnumst við þess að nú eru 80 ár frá þessari frægu för Esju frá Petsamo til Íslands.

Ísland í gestgjafahlutverki á haustfundi Global Equality Fund

Martin Eyjólfsson, ráðuneytisstjóri í utanríkisráðuneytinu, ávarpaði í dag árlegan haustfund Hnattræna jafnréttissjóðsins þar sem réttindi hinsegin fólks voru til umræðu. Ísland var í gestgjafahlutverki í ár og bauð til fjarfundarins þar sem um fimmtíu meðlimir og fulltrúar styrktaraðila ásamt starfsliði sjóðsins tóku þátt.

Umsáturseinelti í almenn hegningarlög

Dómsmálaráðherra hefur mælt fyrir frumvarpi á Alþingi um breytingar á almennum hegningarlögum sem taka eiga á umsáturseinelti. Um er að ræða háttsemi sem felst í að sitja um aðra manneskju og valda þannig hræðslu eða kvíða.

Tímamóta friðlýsing menningarlandslags í Þjórsárdal

Lilja Alfreðsdóttir mennta- og menningarmálaráðherra staðfesti í dag friðlýsingu menningarlandslags í Þjórsárdal í Árnessýslu.

Nýtt skólaþróunarteymi – tvö störf án staðsetningar

Mennta- og menningarmálaráðuneyti auglýsir nú eftir tveimur sérfræðingum til starfa í nýju skólaþróunarteymi. Störfin krefjast þess ekki að vera bundin tiltekinni starfsstöð innan veggja ráðuneytisins heldur geta verið unnið hvar sem er á landinu,

​26 sækja um fjögur embætti héraðsdómara

Hinn 25. september 2020 auglýsti dómsmálaráðuneytið í Lögbirtingablaði laus til umsóknar fjögur embætti héraðsdómara og rann umsóknarfrestur út þann 12. október sl. Þau embætti sem um ræðir eru:

Reglugerð um skotelda á samráðsgátt

Drög að breytingum á reglugerð um meðferð skotelda hefur verið sett inn á Samráðsgátt stjórnvalda, þar sem kostur gefst á að koma með ábendingar um efni hennar.

Frekari frestun aðalfunda húsfélaga samkvæmt fjöleignarhúsalögum, nr. 26/1994, vegna Covid-19

Félagsmálaráðuneytið leggur til að aðalfundum húsfélaga verði frestað frekar um allt að sex mánuði vegna faraldursins.

Aðgerðarteymi gegn ofbeldi skilar annarri áfangaskýrslunni

Inniheldur fjórar megintillögur sem eru ítarlega útfærðar og kostnaðarmetnar.

Bjargráðasjóði verði tryggt fjármagn

Kristján Þór Júlíusson, sjávarútvegs- og landbúnaðarráðherra, hefur lagt til að Bjargráðasjóði verði tryggt aukið fjármagni á þessu ári vegna óvenju mikilla kal- og girðingatjóna veturinn 2019-2020. Ríkisstjórnin samþykkti að tillögu ráðherra að vísa málefnum sjóðsins til vinnslu frumvarps til fjáraukalaga 2020.

Mælt fyrir nýjum lögum um mannanöfn á Alþingi

Dómsmálaráðherra hefur mælt fyrir frumvarpi um mannanöfn á Alþingi. Um er að ræða heildarlög sem ætlað er að koma í stað gildandi laga.

Heimsfaraldurinn og græn framtíð rædd á ráðherrafundi Alþjóðabankans

„Það verður ekki litið fram hjá mikilvægi einkageirans við að vernda störf og skapa ný þegar þjóðir vinna sig út úr faraldrinum, og Alþjóðabankinn hefur þar miklu hlutverki að gegna,“ sagði Guðlaugur Þór Þórðarson utanríkis- og þróunarsamvinnuráðherra sem tók í dag þátt í ráðherrafundi kjördæmis Norðurlanda og Eystrasaltsríkja hjá Alþjóðabankanum.

Skýrsla Skógræktarinnar um landsbundna áætlun um bókhald fyrir skóga komin út

Umhverfis- og auðlindaráðuneytið hefur skilað til Eftirlitsstofnunar EFTA, skýrslu sem Skógræktin vann um landsbundna áætlun um bókhald fyrir skóga. Skýrslan, sem unnin er af starfsmönnum loftslagsdeildar rannsóknarsviðs Skógræktarinnar, tekur meðal annars á viðmiðunargildum fyrir skóga fyrir tímabilið 2021 til 2025

Kynningarfundur um stöðu Norðurlanda á sviði heilsu og velferðar

Skýrsla um stöðu Norðurlanda á sviði heilsu og velferðar verður kynnt á fjarkynningarfundi miðvikudaginn 21. október.

Skipting samstarfssamninga sveitarfélaga eftir landshlutum

Samgöngu- og sveitarstjórnarráðuneytið lauk í ágúst sl. frumkvæðisathugun á samstarfssamningum sveitarfélaga með leiðbeiningum um almenn sjónarmið sem gilda um samvinnu þeirra, form samvinnu og lagakröfur sem gerðar eru til slíkra samninga. Þá hafa sveitarfélögin öll fengið bréf þar sem þau eru upplýst um athugasemdir ráðuneytisins við einstaka samninga og þeim gefinn frestur til að gera úrbætur.

3 milljarða kr. aukning til háskóla- og rannsóknastarfsemi

Framlög til háskóla og rannsóknastarfsemi aukast um 7% milli áranna 2020-21 samkvæmt nýkynntu fjárlagafrumvarpi ársins 2021.

3 milljarða króna aukning til loftslagsmála

Gert er ráð fyrir 3 milljarða króna aukningu í fjárveitingum til loftslagsmála í fjármálaáætlun áranna 2021-2025, eða 600 milljónum króna á ári. Fjármunirnir skiptast á milli fjögurra meginþátta: orkuskipta, kolefnisbindingar, nýsköpunar og rannsókna, og styrkingar stjórnsýslu og losunarbókhalds.

Evrópsku kvikmyndaverðlaunin í Hörpu árið 2022​

Verðlaunahátíð Evrópsku kvikmyndaverðlaunanna fer fram í Reykjavík 2022 en ekki í desember í ár eins og til stóð, vegna versnandi ástands heimsfaraldursins COVID-19 í Evrópu.

Ráðherra fellur frá gjaldskrárhækkun MAST

Kristján Þór Júlíusson, sjávarútvegs- og landbúnaðarráðherra, hefur ákveðið að falla frá öllum gjaldskrárhækkunum Matvælastofnunnar á árinu 2020 vegna áhrifa COVID-19 heimsfaraldursins á íslenska matvælaframleiðendur.

4,5 milljarðar í eflingu hringrásarhagkerfis og úrbætur í fráveitumálum

Gert er ráð fyrir 1,7 milljarði króna í þágu hringrásarhagkerfisins í fjármálaáætlun 2021-2025 með sérstöku fjárfestingarátaki ríkisstjórnarinnar, en fyrir var 100 m.kr. árleg fjárveiting til sömu verkefna.

Skólastarf í forgangi

Lilja Alfreðsdóttir mennta- og menningarmálaráðherra fundaði í dag með Þórólfi Guðnasyni sóttvarnalækni og fulltrúum Kennarasambands Íslands og skólastjórnenda um stöðu skólastarfs í ljósi þróunar COVID-19 faraldursins hér á landi.

Fundaði með alþjóðlegum vettvangi fjármálaráðherra um loftslagsmál

Bjarni Benediktsson, fjármála- og efnahagsráðherra, fundaði í dag með alþjóðlegum vettvangi fjármálaráðherra um loftslagsmál, sem ætlað er að hvetja til aðgerða í loftslagsmálum í krafti regluverks og ákvarðana á sviði ríkisfjármála og fjármálamarkaðar. Þetta er fjórði fundur vettvangsins, en hann var haldinn í tengslum við haustfund Alþjóðagjaldeyrissjóðsins sem fram fer þessa dagana.

Áform um breytingu á lögum um sjúklingatryggingu til umsagnar

Birt hafa verið til umsagnar í samráðsgátt áform heilbrigðisráðherra um breytingu á lögum um sjúklingatryggingu. Með áformaðri lagabreytingu verður ákvæði gildandi laga um tryggingavernd útvíkkað, þannig að tryggingaverndin nái til þátttakenda í klínískum lyfjarannsóknum á heilbrigðisstofnunum þar sem rannsakendur eru ekki með bakhjarl. Frestur til að skila inn umsögnum er til 26.…