Fréttir

Ytra mat hafið í framhaldsskólum með nýjum gæðaviðmiðum

Mennta- og barnamálaráðuneytið hefur hafið framkvæmd ytra mats á framhaldsskólum samkvæmt nýjum gæðaviðmiðum sem kynnt voru í haust. Um er að ræða endurbætt verklag sem mótast hefur í samráði við skólasamfélagið og tekur mið af væntingum um að ytra mat framhaldsskóla sé umbóta- og þróunarmiðað.

Breytir reglugerð um barnalífeyri vegna náms eða starfsþjálfunar ungmenna

Inga Sæland, félags- og húsnæðismálaráðherra, undirritaði í dag breytingu á reglugerð sem heimilar Tryggingastofnun að greiða barnalífeyri vegna náms eða starfsþjálfunar ungmenna á aldrinum 18-20 ára. Barnalífeyrinn má greiða ef annað foreldri eða báðir eru látnir eða ef foreldrar eru ellilífeyrisþegar eða örorkulífeyrisþegar. Upphæðin er 48.131 kr. á mánuði og er skattfrjáls.…

Neðansjávarfar til að efla eftirlit við strendur Íslands afhent Landhelgisgæslunni

Landhelgisgæsla Íslands tók formlega á móti ómannaða neðansjávarfarinu GAVIA AUV frá Teledyne Gavia í dag. Um samstarfsverkefni Landhelgisgæslu Íslands og utanríkisráðuneytisins er að ræða en Háskóli Íslands færði Landhelgisgæslunni farið til eignar fyrr á árinu.

Reykjanesbraut tvöföld frá Hafnarfirði til Reykjanesbæjar með nýjum vegarkafla

Innviðaráðherra opnaði í dag nýjan tvöfaldan vegarkafla á Reykjanesbraut, á milli Krýsuvíkurvegar og Hvassahrauns.

Inflúensufaraldur á uppleið – einstaklingar í áhættuhópum hvattir til bólusetningar

Einstaklingar í áhættuhópum eru hvattir til að þiggja bólusetningu gegn inflúensu, einnig þótt þeir hafi þegar veikst af inflúensu í haust eða vetur. Heilbrigðisstofnanir og hjúkrunarheimili eru hvött til að gera eigin ráðstafanir varðandi almennar sóttvarnir til að minnka smitdreifingu innan stofnunar á flensutímanum.…

Helgi Valberg Jensson verður ritari þjóðaröryggisráðs

Forsætisráðherra hefur fallist á tillögu Þórunnar J. Hafstein, ritara þjóðaröryggisráðs, um að hún láti af störfum sem ritari ráðsins um næstu áramót. Helgi Valberg Jensson tekur við starfi ritara þjóðaröryggisráðs frá sama tíma.

Opnað fyrir styrki til tæknilausna vegna losunar stóriðju

Opnað hefur verið fyrir styrki frá Loftslags- og orkusjóði til nýsköpunar og tækniþróunar vegna verkefna sem stuðla að samdrætti í losun gróðurhúsalofttegunda frá staðbundnum iðnaði sem fellur undir ETS-kerfið.

Íslensk sundlaugarmenning staðfest á skrá UNESCO yfir óáþreifanlegan menningararf mannkyns

“Ég fagna því gríðarlega að UNESCO hafi nú staðfest það sem við vitum - að íslensk sundlaugarmenning er engri lík! Skráningin er ekki síður mikilvæg áminningu um hversu mikill fjársjóður er fólginn í sundlaugarmenningu okkar. Að setja vatn í steypulaug er eitt en samtölin og samveran, oft á milli ólíkra fólks sem þekkjast jafnvel lítið eða ekki neitt, er eitthvað annað.…

Tölfræði íþrótta

Íþróttaiðkun er hagsmunamál allra landsmanna. Hlutverk íþrótta í að fyrirbyggja sjúkdóma og í forvörnum er ótvírætt. Þær skapa jafnframt samstöðu og fyrirmyndir fyrir framúrskarandi árangur. Því er mikilvægt að hafa yfirsýn yfir íþróttaiðkun hérlendis og fylgjast með þróuninni.

Opnað fyrir umsóknir um styrki til að styðja við uppbyggingu vinnustaðaklasa á landsbyggðinni

Opnað hefur verið fyrir umsóknir um styrki til að styðja við uppbyggingu vinnustaðaklasa á landsbyggðinni.

Auðlesið efni: Miðstöð um auðlesið mál fær styrk

Inga Sæland er félags- og húsnæðismála·ráðherra. Inga Sæland hefur ákveðið að styrkja Miðstöð um auðlesið mál. Styrkurinn er 15.000.000 krónur. Styrkurinn er hluti af Landsáætlun í málefnum fatlaðs fólks. Miðstöð um auðlesið mál býr til texta á auðlesnu máli. Auðlesið mál er einföld íslenska.

Stuðningur við auðlesið mál

Inga Sæland, félags- og húsnæðismálaráðherra, hefur veitt Miðstöð um auðlesið mál styrk að upphæð 15 milljónum króna. Styrkurinn er hluti af Landsáætlun í málefnum fatlaðs fólks en ein af aðgerðunum í henni fjallar um auðlesið efni. Auðlesið mál er íslenska sem hefur verið einfölduð á skipulegan hátt og var miðstöðinni komið á laggirnar árið 2022 með stuðningi ráðuneytisins.

Átaksverkefni um tvítengingu þéttbýlis með ljósleiðara hrundið af stað

Átaksverkefni hefur verið hrundið af stað til að tryggja að á annan tug þéttbýlisstaða og byggðakjarna verði tvítengdir, þ.e. fái tvöfalda ljósleiðaratengingu.

Auglýsing um breytingu á áfrýjunarfjárhæð

Utanríkisráðherra kynnti áherslur Íslands í mannréttindamálum

Alþjóðlegi mannréttindadagurinn er í dag, 10. desember, en af því tilefni hefur utanríkisráðuneytið tekið saman upplýsingar um áherslur og aðgerðir Íslands í mannréttindamálum á alþjóðavettvangi.

Mikilvægi mannréttinda og áskoranir í útlendingamálum til umræðu í Strassborg

Þorbjörg S. Gunnlaugsdóttir dómsmálaráðherra sótti í dag óformlegan ráðherrafund Evrópuráðsins í Strassborg þar sem ráðherrarnir ræddu fólksflutninga í ljósi Mannréttindasáttmála Evrópu. Tildrög fundarins voru meðal annars áhyggjur tiltekinna aðildarríkja af framkvæmd Mannréttindadómstóls Evrópu.

28 verkefni hljóta styrk úr Þróunarsjóði innflytjendamála

28 verkefni hafa hlotið styrk úr Þróunarsjóði innflytjendamála fyrir árið 2025. Styrkirnir voru veittir á viðburðinum Innflytjendur og samfélagið sem fram fór fyrir fullu húsi nú í morgun í tilefni af alþjóðlega mannréttindadeginum.…

Aðgerðahópur leggur til tímasetta áætlun um brúun umönnunarbilsins​

Aðgerðahópur um brúun bilsins á milli fæðingarorlofs og leikskóla hefur skilað skýrslu sinni og tillögu að tímasettri áætlun um brúun umönnunarbilsins. Skýrslan og tillögur hópsins voru til umræðu á fundi ríkisstjórnarinnar í gær.

Bein útsending: Innflytjendur og samfélagið

Innflytjendaráð stendur fyrir morgunverðarfundi á alþjóðlega mannréttindadeginum í dag, 10. desember, kl. 9:00-11:00. Flutt verða margvísleg erindi sem öll tengjast málefnum innflytjenda, auk þess sem Inga Sæland, félags- og húsnæðismálaráðherra, afhendir styrki úr Þróunarsjóði innflytjendamála. Fundurinn er sendur út í beinu streymi.

Stjórnvöld styðja við umræðu um kosti og galla Evrópusambandsaðildar

Til að efla umræðu um kosti og galla aðildar að Evrópusambandinu (ESB) og tryggja greiðan aðgang almennings að upplýsingum í aðdraganda fyrirhugaðrar þjóðaratkvæðagreiðslu um framhald aðildarviðræðna Íslands við ESB, hyggjast stjórnvöld veita Evrópuhreyfingunni og Heimssýn, hreyfingu sjálfstæðissinna í Evrópumálum, fjárstyrk sem nemur tíu milljónum króna hvor.

Innrásarstríð Rússlands í Úkraínu og viðbrögð við öryggisógnum efst á baugi á ráðherrafundi ÖSE

Ráðherrafundur Öryggis- og samvinnustofnunar Evrópu (ÖSE) fór fram í Vínarborg dagana 4. og 5. desember og sótti Helga Hauksdóttir, fastafulltrúi Íslands gagnvart stofnuninni, fundinn í fjarveru utanríkisráðherra. Virðing fyrir grundvallarreglum öryggis, lýðræðis og mannréttinda, viðbrögð við öryggisógnum á ÖSE-svæðinu, þ.e. innrásarstríð Rússlands í Úkraínu, voru meginviðfangsefni fundarins.

Tímabundið veikindaleyfi ráðherra

Guðmundur Ingi Kristinsson, mennta- og barnamálaráðherra, fer í tímabundið veikindaleyfi frá og með deginum í dag.

Framleiðslutengdum stuðningi í kornrækt úthlutað í fyrsta sinn

Hanna Katrín Friðriksson atvinnuvegaráðherra hefur úthlutað stuðningi sem nemur 76,7 milljónum króna til kornbænda.

Flutningur gæludýra í farþegarými flugvéla heimill

Bann við flutningi gæludýra í farþegarými flugvéla hefur verið fellt út með breytingu á reglugerð (hlekkur) um innflutning hunda og katta.

Vill draga úr vottorðaskrifum vegna veikindafjarvista

Alma D. Möller heilbrigðisráðherra telur brýnt að skoða með haghöfum hvernig fækka megi veikindavottorðum og breyta verklagi við útgáfu þeirra með skilvirkni og gæði þjónustunnar að leiðarljósi. Heilbrigðisráðuneytið vinnur að því að fækka útgáfum vottorða og tilvísana til að draga úr skriffinnsku og hafa þegar verið stigin skref í þá átt.…

Mælti fyrir frumvarpi sem aðstoðar fyrstu kaupendur við að eignast íbúð

Inga Sæland, félags- og húsnæðismálaráðherra, hefur mælt fyrir fyrir frumvarpi sem aðstoðar fyrstu kaupendur við að komast inn á húsnæðismarkaðinn. Þetta verður gert í gegnum breytingar á hlutdeildarlánum. Frumvarpið er hluti af fyrsta húsnæðispakka ríkisstjórnarinnar og felur í sér fjölmargar breytingar á hlutdeildarlánakerfinu sem allar miða að því að búa til kerfi sem virkar.

Til umsagnar: Drög að frumvarpi um viðbrögð við lyfjaskorti o.fl.

Heilbrigðisráðuneytið hefur birt til umsagnar drög að frumvarpi sem hefur að meginmarkmiði að veita Lyfjastofnun heimildir til að bregðast við lyfjaskorti. Frumvarpsdrögin eru að miklu leyti samhljóma frumvarpi sem lagt var fram á Alþingi á 156. löggjafarþingi en þó með breytingum sem raktar eru í greinargerð. Umsagnarfrestur er til 2. janúar.

Náið samstarf Íslands og Þýskalands

Þorgerður Katrín Gunnarsdóttir utanríkisráðherra fundaði með Dr. Johan Wadephul, utanríkisráðherra Þýskalands, í Berlín í dag. Á fundinum ræddu ráðherrarnir stöðu alþjóða- og öryggismála, öryggi á Norður Atlantshafi, málefni norðurslóða, einarðan stuðning ríkjanna við Úkraínu og stöðu yfirstandandi friðarumleitana.

Aðgerðarpakki í málefnum fjölmiðla kynntur í ríkistjórn: Almenn kynning áætluð í desember

Menningar,- nýsköpunar og háskólaráðherra kynnti tillögur sínar að aðgerðum stjórnvalda í málefnum fjölmiðla á fundi ríkisstjórnar í dag. Tillögurnar byggja á fjölþættum úrræðum sem vinna saman að því að styrkja íslenskan fjölmiðlamarkað í heild sinni og efla samkeppnishæfni hans gagnvart alþjóðlegum tæknirisum.

Úttekt á Ferðasjóði íþróttafélaga

Mennta- og barnamálaráðuneytið hefur unnið úttekt á Ferðasjóði íþróttafélaga. Úttektin er unnin af íþróttateymi mennta- og barnamálaráðuneytisins út frá gögnum úr umsóknarkerfi Ferðasjóðs íþróttafélaga. Úttektin byggir á gögnum áranna 2018–2024, en árið 2018 var farið að halda sérstaklega utan um kynskráningu.…

Tvíhliða pólitískt samráð Íslands og Frakklands

Ísland og Frakkland héldu í gær sinn fjórða tvíhliða samráðsfund, að þessu sinni í París. Fulltrúar ríkjanna fóru yfir samstarf ríkjanna innan EES, öryggis- og alþjóðamál og tvíhliða samskipti.

Ákvörðun um auglýsingu á embætti skólameistara

Ársæll Guðmundsson skólameistari Borgarholtsskóla var boðaður til fundar í mennta- og barnamálaráðuneytinu hinn 25. nóvember síðastliðinn. Tilefnið var að skipunartími hans í embætti skólameistara Borgarholtsskóla rennur út í lok júní á komandi ári.

Haustúthlutun Tækniþróunarsjóðs 2025 og næsti umsóknarfrestur

Stjórn Tækniþróunarsjóðs hefur samþykkt að bjóða fulltrúum 72 verkefna sem sóttu um í sjóðinn á haustmisseri að ganga til samninga um nýja styrki.

Embætti ríkislögreglustjóra laust til umsóknar

Dómsmálaráðuneytið auglýsir laust til umsóknar embætti ríkislögreglustjóra. Leitað er að öflugum leiðtoga með skýra sýn og getu til þess að leiða fólk til árangurs, í þeim tilgangi að móta og efla starfsemi embættisins.

Drög að nýrri reglugerð um seyru í samráðsgátt

Umhverfis-, orku- og loftslagsráðuneytið hefur birt í samráðsgátt stjórnvalda drög að nýrri reglugerð um meðhöndlun seyru, í stað eldri reglugerðar um sama efni nr. 799/1999.

Ísland undirritar loftferðasamning við Kóreu

Loftferðasamningur milli Íslands og Lýðveldisins Kóreu var undirritaður í Osló í gær. Högni S. Kristjánsson, sendiherra Íslands í Noregi, undirritaði samninginn fyrir hönd Íslands.

Utanríkisráðherrar Atlantshafsbandalagsins ræddu vaxandi ógn frá Rússlandi og stuðning við Úkraínu

Ógnin frá Rússlandi og áframhaldandi stuðningur við varnarbaráttu Úkraínu voru meðal helstu umræðuefna á fundi utanríkisráðherra Atlantshafsbandalagsins sem fram fór í höfuðstöðvum bandalagsins í Brussel í dag. Þorgerður Katrín Gunnarsdóttir utanríkisráðherra tók þátt í fundinum.

Ríkisstjórnin kynnir nýja samgönguáætlun og stofnun innviðafélags

Ríkisstjórnin kynnti í dag nýja samgönguáætlun fyrir árin 2026-2040 og stofnun innviðafélags um stærri samgönguframkvæmdir.

Úthlutun vinnustaðanámssjóðs 2025

Úthlutað hefur verið 386.000.000 kr. úr vinnustaðanámssjóði til 176 umsækjenda. Á síðasta ári var framlag aukið um 150 m.kr. til eflingar vinnustaðanáms nemenda í starfsnámi.

Samkomulag undirritað við Litáen um nýtt framkvæmdatímabil Uppbyggingarsjóðs EES

Samkomulag um nýtt framkvæmdatímabil Uppbyggingarsjóðs EES 2021 – 2028 milli Íslands, Liechtenstein og Noregs annars vegar og Litáens hins vegar var undirritað í dag. Harald Aspelund, sendiherra Íslands gagnvart Litáen, undirritaði samkomulagið fyrir hönd Íslands.

Okkar fremsta afreksíþróttafólk komið á laun

Með nýjum launasjóði fær okkar fremsta afreksíþróttafólk í fyrsta sinn laun fyrir vinnu sína sem íþróttafólk. Launasjóðurinn er fjármagnaður af mennta- og barnamálaráðuneytinu og er hluti af tillögum starfshóps ráðuneytisins undir stjórn Vésteins Hafsteinssonar sem birtast í skýrslunni Áfram Ísland. Nýr launasjóður íþróttafólks var kynntur hjá ÍSÍ í gær ásamt nýjum launþegum.

Halldór Oddsson ráðinn aðstoðarmaður ríkisstjórnarinnar

Halldór Oddsson hefur verið ráðinn aðstoðarmaður ríkisstjórnarinnar. Hann leysir af Önnu Rut Kristjánsdóttur sem er í tímabundnu leyfi.

Sigurður Þórarinsson skipaður forstöðumaður Stafrænnar heilsu

Alma D. Möller heilbrigðisráðherra hefur skipað Sigurð Þórarinsson, tækni- og nýsköpunarstjóra Landspítala, í embætti forstöðumanns Stafrænnar heilsu – þróunar- og þjónustumiðstöðvar sem tekur til starfa 1. janúar 2026. Stafræn heilsa verður miðlæg þróunar- og þjónustumiðstöð fyrir allt heilbrigðiskerfið, starfrækt sem hluti af heilbrigðisráðuneytinu á grundvelli 17. gr.…

Framlög vegna NPA-þjónustu nema rúmum 1,6 milljarði árið 2025

Innviðaráðherra hefur samþykkt tillögu ráðgjafarnefndar Jöfnunarsjóðs um Framlög vegna NPA á árinu 2025

Utanríkisráðherra opnaði sendiráð Íslands á Spáni

Þorgerður Katrín Gunnarsdóttir utanríkisráðherra opnaði nýtt sendiráð Íslands á Spáni með formlegum hætti í Madríd í dag. Undirbúningur að stofnun þess hefur staðið um nokkurt skeið, eða frá því Alþingi ákvað við afgreiðslu fjárlaga á síðasta ári að opnað yrði sendiráð á Spáni árið 2025.

Úthlutun listamannalauna 2026

57 listamenn yngri en 35 ára fá samtals 262 mánuð eða um 13% af mánuðum fagsjóða. Af þeim teljast 26 vera nýliðar.

Auglýst eftir umsóknum um tollkvóta fyrir landbúnaðarvörur

Auglýst er eftir umsóknum um tollkvóta vegna innflutnings á landbúnaðarvörum.

Reglugerð um ráðstöfun afla í byggðakerfi

Eyjólfur Ármannsson innviðaráðherra hefur undirritað reglugerð um ráðstöfun afla sem dreginn er frá heildarafla.

Langtímasamningur við Lýðskólann á Flateyri

Mennta- og barnamálaráðuneytið hefur ákveðið að gera langtímasamning við Lýðskólann á Flateyri. Skólasókn hefur verið góð og námið þar gefið góða raun.…

Samráðsvettvangur um jafnrétti kynjanna fundar um forvarnir gegn ofbeldi

Fundur í samráðsvettvangi um jafnrétti kynjanna verður haldinn miðvikudaginn 3. desember klukkan 9:00–12:00 í Hannesarholti. Þema fundarins að þessu sinni verður forvarnir gegn kynferðislegu og kynbundnu ofbeldi meðal barna og ungmenna.

Álagning opinberra gjalda á lögaðila vegna rekstrarársins 2024

Ríkisskattstjóri hefur lokið álagningu opinberra gjalda á lögaðila vegna rekstrarársins 2024. Álögð gjöld á lögaðila nema 321,3 ma.kr. og hækka um 13,0 ma.kr. frá fyrra ári.

Átján milljónum úthlutað til verslunar í dreifbýli

Innviðaráðherra hefur staðfest tillögur valnefndar um verkefnastyrki til verslana í dreifbýli

Opið fyrir umsóknir um styrki úr Talsetningar- og textunarsjóði fjölmiðlaveitna

Auglýst er eftir umsóknum um styrki úr Talsetningar- og textunarsjóði fjölmiðlaveitna.

Horft til framtíðar gagnvart fæðuöryggi landsins

Á málþingi um fæðuöryggi sem haldið var í dag, 27. nóvember, kom fram í máli Hönnu Katrínar Friðriksson atvinnuvegaráðherra að innan Stjórnarráðsins er hafin vinna við að meta og greina áfallaþol íslensks samfélags í stærra samhengi og hvernig má efla það til framtíðar.

Mikilvægi Íslands í sameiginlegum vörnum Atlantshafsbandalagsins

Mark Rutte, framkvæmdastjóri Atlantshafsbandalagsins (NATO), heimsótti í dag Ísland í sinni fyrstu vinnuheimsókn og átti fundi með Kristrúnu Frostadóttur forsætisráðherra og Þorgerði Katrínu Gunnarsdóttur utanríkisráðherra. Hann skoðaði einnig öryggissvæðið í Keflavík og fundaði með þingmönnum á Alþingi.

Samið við Garðabæ um þróun á Vífilsstaðareit

Daði Már Kristófersson, fjármála- og efnahagsráðherra, undirritaði í dag fyrir hönd ríkisins samkomulag við Garðabæ um sameiginlega þróun Vífilsstaðareits.

Rýmkun á viðmiðunarmörkum þriggja efna í jarðvegi í Samráðsgátt

Umhverfis-, orku- og loftslagsráðuneytið hefur birt í Samráðsgátt stjórnvalda drög að breytingu á reglugerð um mengaðan jarðveg, nr. 1400/2020. Í drögunum eru viðmiðunarmörk fyrir vanadíum, kóbalt og kopar í óröskuðum, íslenskum jarðvegi hækkuð í viðauka reglugerðar.

Heimsótti alla framhaldsskóla landsins á innan við tveimur mánuðum

Guðmundur Ingi Kristinsson, mennta- og barnamálaráðherra, sótti heim Framhaldsskólann í Austur-Skaftafellssýslu í liðinni viku. Lauk þar með heimsókn ráðherra í alla 27 opinberu framhaldsskóla landsins á síðustu sjö vikum. Aldrei fyrr hefur ráðherra heimsótt alla skólana á eins skömmum tíma.…

Ráðist í umfangsmiklar framkvæmdir í samstarfi við Atlantshafsbandalagið

Skrifað var undir viljayfirlýsingu í dag um fyrirhugaða uppbyggingu mannvirkja í Helguvík en það er Atlantshafsbandalagið sem fjármagnar framkvæmdirnar.

Ábyrgðarhluti að tala opinskátt um loftslagsvendipunkta

Þrítugustu loftslagsráðstefnu Sameinuðu þjóðanna, COP30, lauk um helgina.

Tvítenging þéttbýlis – áforma- og áhugakönnun

Kortleggja á áform eða áhuga fjarskiptafyrirtækja eða annarra aðila til að leggja ljósleiðara til þeirra þéttbýlisstaða á landinu sem hafa aðeins eina virka stofntengingu.

Málþing í Hörpu - Hver er staða fæðuöryggis á Íslandi?

Atvinnuvegaráðuneytið stendur fyrir málþingi í dag, 27. nóvember, um stöðu fæðuöryggis á Íslandi. Þingið er haldið í Kaldalóni í Hörpu og stendur frá kl. 14.00 til 16.00.

Funduðu með forstjóra, fulltrúum lækna og fagráði SAk vegna læknamönnunar

Alma D. Möller heilbrigðisráðherra, Ásta Valdimarsdóttir ráðuneytisstjóri, aðstoðarmaður ráðherra og sérfræðingur ráðuneytisins á sviði mannauðsmála funduðu í gær með framkvæmdastjórn Sjúkrahússins á Akureyri (SAk), fulltrúum lækna og fagráði SAk vegna erfiðrar stöðu á SAk við mönnun ákveðinna sérgreina, þá sér í lagi lyflækninga.

​Félags- og húsnæðismálaráðherra veitir 60 milljónum króna til að styðja við þolendur ofbeldis

Inga Sæland, félags- og húsnæðismálaráðherra, veitti nýverið styrki til verkefna sem miða að því að tryggja þolendum ofbeldis um land allt aðgengi að stuðningi og ráðgjöf. Veittir voru styrkir að upphæð 60 milljónum króna.

Sérfræðingur í atvinnuvegaráðuneytið

Atvinnuvegaráðuneytið auglýsir laust til umsóknar starf sérfræðings á skrifstofu landgæða og dýraheilsu. Um er að ræða áhugavert og fjölbreytt starf í krefjandi starfsumhverfi þar sem reynir á frumkvæði og vönduð vinnubrögð.

Samráðsnefnd hefur rannsókn í kjölfar kæru PCC vegna innflutnings kísilmálms frá Kína

Fjármála- og efnahagsráðherra hefur skipað samráðsnefnd sem rannsakar kæru PCC BakkaSilicon hf. um innflutning kísilmálms frá Kína. Að lokinni frumathugun á kæru PCC, sem barst í júní, telur nefndin nægar sannanir fyrirliggjandi til að taka kæru félagsins til efnislegrar úrlausnar.

Yfirlýsing vegna tilkynningar Alþjóðaólympíunefndar fatlaðra um Ólympíunefndir Rússlands og Belarús

Guðmundur Ingi Kristinsson, mennta- og barnamálaráðherra, er meðal 34 ráðherra íþróttamála sem lýsa alvarlegum efasemdum um ákvörðun Alþjóðaólympíunefndar fatlaðra (IPC) að falla frá takmörkunum á þátttöku Rússlands og Belarús á ólympíumóti fatlaðra.

Ársskýrsla kærunefndar jafnréttismála komin út

Þorbjörg S. Gunnlaugsdóttir dómsmálaráðherra og ráðherra jafnréttismála tók við ársskýrslu kærunefndar jafnréttismála fyrir árið 2024 á fundi hennar og Ara Karlssonar formanns kærunefndar jafnréttismála í dag.

Ný heildarlög um almannavarnir efli almannavarnakerfið og áfallaþol samfélagsins

Þorbjörg S. Gunnlaugsdóttir dómsmálaráðherra mælti á Alþingi í gær fyrir frumvarpi að nýjum heildarlögum um almannavarnir. Með frumvarpinu er stigið stórt og tímabært skref til að efla íslenskt almannavarnakerfi, skýra ábyrgð og styrkja áfallaþol samfélagsins í ljósi þeirra fjölbreyttu áskorana sem Ísland hefur staðið frammi fyrir á undanförnum árum.

Hætt verði að miða við fæðingardag barns þegar breytingar eru gerðar á fæðingar- og foreldraorlofi

Inga Sæland, félags- og húsnæðismálaráðherra, mælti í dag fyrir frumvarpi til laga um breytingu á lögum um fæðingar- og foreldraorlof og lögum um sorgarleyfi.…

Rakel Elíasdóttir skipuð framkvæmdastjóri Menntasjóðs námsmanna

Menningar-, nýsköpunar- og háskólaráðherra, Logi Einarsson, skipaði í gær Rakel Elíasdóttur í embætti framkvæmdastjóra Menntasjóðs námsmanna til fimm ára frá og með 1. janúar næstkomandi.

Styrkjum úthlutað til nýrra verkefna á sviði fjarheilbrigðisþjónustu

Alma D. Möller heilbrigðisráðherra hefur ákveðið úthlutun 50 milljóna króna til sex verkefna sem styðja við markmið byggðaáætlunar stjórnvalda um eflingu fjarheilbrigðisþjónustu. Hæstu styrkirnir renna til verkefnis um fjarvöktun bráðveikra nýbura á landsbyggðinni og til innleiðingar á langtímaeftirliti með langveikum sjúklingum með nýtingu gervigreindar.…

Embætti ráðuneytisstjóra í dómsmálaráðuneytinu laust til umsóknar

Dómsmálaráðuneytið auglýsir laust til umsóknar embætti ráðuneytisstjóra. Dómsmálaráðherra skipar í embættið þegar nefnd sem metur hæfni umsækjenda hefur lokið störfum. Skipað er í embættið til fimm ára í senn.

Jarðhiti jafnar leikinn: 600 milljónir í nýsköpun og tækniþróun

Jóhann Páll Jóhannsson, umhverfis-, orku- og loftslagsráðherra, hefur ákveðið að ráðstafa 600 milljónum króna í styrki til nýsköpunar og tækniþróunar á sviði jarðhita. Fjárveitingin er liður í átakinu Jarðhiti jafnar leikinn og kemur til viðbótar þeim milljarði króna sem þegar hefur verið úthlutað vegna leitar og nýtingar jarðhita um allt land.

Fyrsta heildstæða landsáætlun Íslands gegn kynbundnu ofbeldi gegn konum kynnt

Dómsmálaráðherra kynnir til umsagnar drög að landsáætlun gegn kynbundnu ofbeldi gegn konum, sem inniheldur 25 tímasettar aðgerðir fyrir árin 2026 til 2030. Hér er í fyrsta sinn sett fram landsáætlun um hvernig Ísland, sem hefur fullgilt Istanbúlsamninginn, hyggst koma ákvæðum samningsins í framkvæmd og vinna þannig markvisst gegn kynbundnu ofbeldi.

Innflytjendur og samfélagið: Morgunverðarfundur innflytjendaráðs og afhending styrkja

Innflytjendaráð stendur fyrir morgunverðarfundi á alþjóðlega mannréttindadeginum þann 10. desember næstkomandi kl. 9:00-11:00. Fundurinn fer fram á Reykjavik Natura og flutt verða margvísleg erindi sem öll tengjast málefnum innflytjenda. Dagskránni lýkur með því að Inga Sæland, félags- og húsnæðismálaráðherra, afhendir styrki úr Þróunarsjóði innflytjendamála.

Tólf lagabálkum breytt til að einfalda regluverk og ryðja burt hindrunum

Jóhann Páll Jóhannsson, umhverfis-, orku- og loftslagsráðherra, mælir fyrir lagafrumvarpi á Alþingi í dag sem felur í sér umtalsverða einföldun regluverks og leyfisferla á sviði umhverfis- og orkumála.

Viljayfirlýsing undirrituð um lóð undir Miðstöð um öryggisráðstafanir

Inga Sæland, félags- og húsnæðismálaráðherra, og Heiða Björg Hilmisdóttir, borgarstjóri, hafa skrifað undir viljayfirlýsingu um að tryggja ríkinu lóð undir nýja fyrirhugaða stofnun, Miðstöð um öryggisráðstafanir, á landi Reykjavíkurborgar á Hólmsheiðarsvæðinu.…

Hver er staða fæðuöryggis á Íslandi?

Atvinnuvegaráðuneytið stendur fyrir málþingi um stöðu fæðuöryggis á Íslandi. Þingið er haldið í Kaldaljósi í Hörpu, 27. nóvember og stendur frá kl. 14.00 til 16.00.

Styrkir til verkefna á sviði heilbrigðismála - umsóknarfrestur framlengdur til 30. nóvember

Heilbrigðisráðuneytið auglýsti styrki til verkefna á sviði heilbrigðismála lausa til umsóknar 23. október síðastliðinn. Vakin er athygli á því að umsóknarfrestur hefur verið framlengdur til 30. nóvember næstkomandi.

Jarðhitaskóli GRÓ útskrifar 23 sérfræðinga

Jarðhitaskóli GRÓ útskrifaði á dögunum 23 sérfræðinga frá 16 löndum, í 46. útskrift skólans frá stofnun hans árið 1978. Nemendurnir komu frá Afríku, Asíu, S-Ameríku og ríkjum í Karabíska hafinu. Í fyrsta sinn sótti nemandi frá Bútan skólann.…

Um vinnubrögð Morgunblaðsins

Í frétt Morgunblaðsins á fimmtudag er gefið til kynna að mennta- og barnamálaráðherra hafi sagt ósatt þegar hann vitnaði í nýjar niðurstöður Íslensku æskulýðsrannsóknirnar þess efnis að vímuefnaneysla ungmenna hefði ekki aukist. Þar með gefur fjölmiðillinn áfram til kynna að neysla hafi aukist sem er rangt á grundvelli fyrirliggjandi gagna.

Leiðtogar NB8-ríkjanna ítreka stuðning sinn við Úkraínu

Leiðtogar Norrænu ríkjanna fimm og Eystrasaltsríkjanna þriggja áttu í dag símafund með Volodómír Selenskí Úkraínuforseta þar sem nýjustu vendingar og friðarumleitanir voru ræddar. Hafa leiðtogarnir í kjölfarið sent frá sér stuðningsyfirlýsingu.

Rangfærslur um vímuefnaneyslu ungmenna

Vegna misvísandi upplýsinga í fjölmiðlaumræðu um vímuefnaneyslu ungmenna þá vekur mennta- og barnamálaráðuneytið athygli á útgáfu Íslensku æskulýðsrannsóknarinnar fyrr í vikunni. Hún er ítarlegasta rannsókn sem framkvæmd er hérlendis á vímuefnaneyslu ungmenna, auk þess að rannsaka fjölda annarra þátta.…

Niðurstöður innlausnarmarkaðar fyrir greiðslumark sauðfjár

Innlausnarmarkaður ársins 2025 með greiðslumark í sauðfé var haldinn þann 17. nóvember sl. og bárust atvinnuvegaráðuneytinu 154 umsóknir um kaup og 22 umsóknir um sölu.

Opnað fyrir tilnefningar til jafnréttisverðlauna Vigdísar

Opnað hefur verið fyrir tilnefningar til jafnréttisverðlauna í nafni Vigdísar Finnbogadóttur. Til verðlaunanna var stofnað í Reykjavík í maí 2023 í aðdraganda leiðtogafundar Evrópuráðsins.

Frumvarp um skýrslugjöf í stað jafnlaunavottunar afgreitt úr ríkisstjórn

Frumvarp dómsmálaráðherra um breytingar á lögum um jafna stöðu og jafnan rétt kynjanna var afgreitt úr ríkisstjórn í dag. Í frumvarpinu er lagt til að jafnlaunavottun verði lögð niður í núverandi mynd án þess þó að hvikað verði frá markmiðum um að sporna gegn launamismunun á grundvelli kyns.

Fjölmennasta heilbrigðisþingið til þessa – viðfangsefnið var endurhæfing

Um 500 manns sóttu heilbrigðisþing um endurhæfingu – leiðir til betra lífs sem fram fór í gær og mikill fjöldi fylgdist með í beinu streymi. Þessi mikla þátttaka endurspeglar áhugann á viðfangsefninu, enda má ætla að um þriðjungur fólks þurfi á endurhæfingu að halda einhvern tíma á lífsleiðinni og fjöldi fagstétta með margvíslega menntun og sérhæfingu starfar á sviði endurhæfingar. Alma D.…

Viðauki við almenna eigandastefnu félaga í eigu ríkisins gefinn út

Gefinn hefur verið út viðauki við almenna eigandastefnu fyrir öll félög í eigu ríkisins. Þar er kveðið á um viðmið um arðsemi, fjármagnsskipan og arðgreiðslur fyrirtækja í eigu ríkisins.

Ráðherra mótmælti áformum Evrópusambandsins gagnvart EFTA-ríkjunum innan EES

Þorgerður Katrín Gunnarsdóttir utanríkisráðherra gagnrýndi harðlega ákvörðun Evrópusambandsins (ESB) um að beita Ísland og hin EFTA-ríkin innan Evrópska efnahagssvæðisins verndaráðstöfunum vegna innflutnings á járnblendi, á fundi EES-ráðsins sem fram fór í Brussel í gær.

Breytingar á lögum um sjúkraskrár samþykktar á Alþingi

Skýr ákvæði um aðgengi fólks að eigin sjúkraskrárupplýsingum og breytingar sem stuðla að þróun stafrænna lausna, betri þjónustu og bættu öryggi sjúklinga eru meginefni frumvarps Ölmu D. Möller heilbrigðisráðherra til breytinga á lögum um sjúkraskrár sem samþykkt var á Alþingi í vikunni. Markmið breytinganna er einnig að auka skilvirkni heilbrigðisþjónustu við landsmenn og draga úr skriffinnsku.

Aldursviðbót gildir ævilangt og almennt frítekjumark ellilífeyris hækkar samkvæmt frumvarpi sem ráðherra hefur mælt fyrir

Inga Sæland, félags- og húsnæðismálaráðherra, hefur mælt fyrir​ frumvarpi á Alþingi sem ​felur í sér​ að öryrkjum​ verði​ tryggð​ ævilöng​ aldursviðbót og að almennt​ frítekjumark ​ellilífeyris​hækki. „​Með frumvarpinu eru stigin mikilvæg skref í átt að réttlátara samfélagi,“ sagði félags- og húsnæðismálaráðherra í framsöguræðu sinni í þinginu.

Skýrsla verkefnisstjórnar loftslagsaðgerða 2025

Skýrsla verkefnisstjórnar loftslagsaðgerða hefur verið gerð aðgengileg á vef Stjórnarráðsins.

Árangursríkar samningaviðræður á ráðstefnu Alþjóðaflugmálastofnunarinnar

Talsverður árangur náðist um aukin flugréttindi við endurskoðun og uppfærslu tiltekinna loftferðasamninga á loftferðasamningaráðstefnu Alþjóðaflugmálastofnunarinnar, ICAN 2025, sem samninganefnd Íslands sótti í bænum Punta Cana í Dóminíska lýðveldinu, 10. til 14. nóvember síðastliðinn.…

Dómsmálaráðuneytið og Stígamót gera þriggja ára samning um Sjúktspjall

Dómsmálaráðuneytið og Stígamót hafa gert samstarfssamning um framhald verkefnisins Sjúktspjall. Um er að ræða nafnlaust netspjall þar sem ungmenni á aldrinum 13-20 ára geta rætt við ráðgjafa Stígamóta um kynferðisofbeldi og ofbeldi í nánum samböndum.

Samstarf við Nýja Sjáland í tækniþróun á sviði jarðhita

Ísland og Nýja Sjáland hafa undirritað viljayfirlýsingu um samstarf ríkjanna á sviði jarðhita. Jóhann Páll Jóhannsson, umhverfis-, orku- og loftslagsráðherra, undirritaði yfirlýsinguna fyrir Íslands hönd, á fundi sem hann átti með Simon Watts, ráðherra loftslags- og orkumála.

Fjöldi dvalarleyfishafa fimmfaldast frá 2017 - Niðurstöður starfshóps um dvalarleyfi

Dómsmálaráðherra kynnti í dag skýrsluna Ísland í örum vexti; Skýrsla starfshóps um þróun í útgáfu dvalarleyfa og misræmi við önnur Norðurlönd. Skýrslan er afrakstur starfshóps sem ráðherra setti á vormánuðum til að fara yfir gildandi reglur og framkvæmd dvalarleyfa á Íslandi.

Auglýst eftir umsóknum um styrki til staðbundinna fjölmiðla utan höfuðborgarsvæðisins

Menningar-, nýsköpunar- og háskólaráðuneyti auglýsir eftir umsóknum um styrki til staðbundinna fjölmiðla utan höfuðborgarsvæðisins og er umsóknarfrestur til miðnættis sunnudaginn 7. desember 2025.

Fullt hús á heilbrigðisþingi um endurhæfingu – bein útsending

Endurhæfing – leiðir til betra lífs, er yfirskrift árlegs heilbrigðisþings heilbrigðisráðherra sem fram fer fimmtudaginn 20. nóvember á Hótel Hilton Nordica. Á sjötta hundrað manns hafa skráð sig á þingið og ekki húsrúm fyrir fleiri, en hægt verður að fylgjast með í beinu streymi.…

Breytingar á reglugerðum um erfðabreyttar lífverur í samráðsgátt

Umhverfis-, orku- og loftslagsráðuneytið hefur sett til kynningar í Samráðsgátt stjórnvalda drög að nýrri reglugerð um ráðgjafanefnd um erfðabreyttar lífverur, í stað eldri reglugerðar um sama efni nr. 68/1998.